TSHAPITA Y’ESAMBELE
Nde ‘akole la ntondo ka Jehowa’
1, 2. Akambo akɔna waketaka etena kakasawolaka Samuɛlɛ nde l’ase Isariyɛlɛ, ndo lande na kakandɛnyi ohomba dia mbatshutshuya dia vɔ ndjatshumoya?
SAMUƐLƐ ekɔ lo nshishima dungi di’asekande ase Isariyɛlɛ. Wodja w’otondo wakatshumana la Ngilingala, nɛ dia pami kaki la kɔlamelo kɛsɔ kambokamba olimu w’ɔprɔfɛta ndo wa shushi l’edja k’ɛnɔnyi akumi akawaelɛ. Aki lo ngɔndɔ ka tanu kana ka samalo, lo ndjela alamanaka wa nshi nyɛ. L’etena kɛsɔ ko eleko k’ɔwɔ kamboviya. Laasɔ ko waya suke la mina eponga. Wodja wakɔlama ki yɔɔ. Ngande wakahombe Samuɛlɛ munanda etema awɔ?
2 Ase Isariyɛlɛ koshihodiaka dimɛna kɛnɛ kakawalɔmbaka. Vɔ wakalɔmbaka ɔnɔmbɔdi w’onto. Vɔ kombeyaka dia ɔsɔ aki tshelo ya kɔlɔ ya mɔnyɔla Jehowa, Nzambi kawɔ la ɔprɔfɛta ande. Lo yoho mɔtshi, vɔ wakatone dia Jehowa monga Ɔnɔmbɔdi awɔ. Ngande wakakoke Samuɛlɛ mbatshutshuya dia vɔ ndjatshumoya?
Oma ko dikɛnda diande, Samuɛlɛ kokaka tetsha woho wakokaso monga la mbetawɔ le Jehowa oyadi l’atei wa tɔsɛngiya ta kɔlɔ
3, 4. a) Lande na kakatɛkɛta Samuɛlɛ dia nshi yande ya dikɛnda? b) Lande na kele ɛnyɛlɔ ka mbetawɔ kaki Samuɛlɛ kekɔ ohomba le so ɛlɔ kɛnɛ?
3 Samuɛlɛ akatɛ wodja ate: “Dimi laya usumbi, ote waya wema.” Divo diande dia wɛma diakashaka ɛtɛkɛta ande wotsho. Nde akakotsha ate: “Dimi lakanyolombolaka uma lu nshi yami ya dikenda edja ndu elo.” (1 Sam. 11:14, 15; 12:2) Kaanga mbakinde aya osombe, Samuɛlɛ kombohɛ nshi yande ya dikɛnda. Awui wakete lo nshi shɔ waki paka eyoyo eto lo yimba yande. Diɛsɛ la tɛdikɔ t’eshika takandɔsɛ etena kakandayolaka, lɔsɛnɔ lande lakayɛnyaka dia nde aki la mbetawɔ ndo akamamemaka Jehowa, Nzambi kande.
4 Oko wakinde l’atei w’anto waki komonga la mbetawɔ ndo l’olowanyi, Samuɛlɛ akahombaka nkeketsha mbetawɔ kande mbala la Luka 18:8.) Nyɛsɔ tende wetshelo wakokaso nkondja oma l’ɛnyɛlɔ kaki Samuɛlɛ, ntatɛ oma ko dikɛnda diande.
mbala. Ɛlɔ kɛnɛ, ekɔ tshondo y’okakatanu dia monga la mbetawɔ l’andja ɔnɛ wele anto kema la mbetawɔ ndo la kɔlamelo. (AdiaNde “akatshaka ulimu la ntundu ka [Jehowa] eki dikenda”
5, 6. Ngande wakatshikitana nshi ya dikɛnda yaki Samuɛlɛ la nshi y’ana akina, ndo lande na kakayashikikɛ ambutshi ande ɔnɛ nde ayotokokamɛ?
5 Nshi ya dikɛnda yaki Samuɛlɛ yakatshikitana la nshi y’ana akina. Yema tshitshɛ l’ɔkɔngɔ wa nde nkila awɛlɛ, lam’akinde suke l’ɛnɔnyi ɛnɛi nde akatatɛ kambɛ Jehowa lo tabernakɛlɛ k’ekila kaki la Shilo. Tɔ kakangana l’osomba ande wa lootɔ Rama, kilɔmɛtrɛ 30 la mɔtshi. Ambutshi ande Elekana la Hana wakatoolambola le Jehowa dia nde mbokambɛ lo yoho ya laande, lo mbetɛ okidiami lɔsɛnɔ lande l’otondo. * Onde kɛsɔ nembetshiyaka dia Samuɛlɛ aki okalema ndo ambutshi ande kombokaka ngandji?
6 Ndooko. Vɔ wakeyaka dia ɔnawɔ ayotokokamɛ la Shilo. Ɔlɔmbɛdi a laadiko Eliya akawodjaka yimba, nɛ dia Samuɛlɛ akakambaka la nde dihɛka lo dihɛka. Ndo to, wamato efula wakakambaka olimu wokongɛmi dimɛna lo tabɛrnakɛlɛ.—Etum. 38:8; Emb. 11:34-40.
7, 8. a) Ngande wakashaka ambutshi waki Samuɛlɛ ɔnawɔ ekeketshelo ka la ngandji ɔnɔnyi tshɛ? b) Wetshelo akɔna wakoka ambutshi nkondja oma le ambutshi waki Samuɛlɛ ɛlɔ kɛnɛ?
7 Elekana nde la Hana kombohɛ ɔnawɔ l’enondo ɔsɔ, nɛ dia eotwelo kande kaki ekadimwelo ka dɔmbɛlɔ. Nde akalɔmbɛ Nzambi dia mbosha ɔna lo mbolaka ɔnɛ nde ayoyokimɔ dia nde mbokambɛ lɔsɛnɔ lande l’otondo. Ɔnɔnyi tshɛ, etena kakandayaka ndjowembola, Hana akelaka Samuɛlɛ okutu w’oyoyo wakandɔtɛlɛka dia nde ndjokambaka lawɔ olimu lo tabɛrnakɛlɛ. Ɔnɔsɔ akangɛnangɛnaka wembwelo ɛsɔ. Nde aki l’ɔngɛnɔngɛnɔ w’efula l’ɔtɛ w’ekeketshelo ndo alako wa la ngandji w’oma le ambutshi ande, wakawoholaka nɛmɔ diaki lande dia kambɛ Jehowa lo dihole dia laande sɔ.
8 Ɛlɔ kɛnɛ, ambutshi kokaka nkondja wetshelo w’efula oma le Hana nde la Elekana. Etena kodiawɔ anawɔ, mbala efula ambutshi ndekaka ndjasha dia nkotsha ehomba awɔ wa l’emunyi ndo minyaka yimba l’ehomba wa lo nyuma. Koko, ambutshi waki Samuɛlɛ waketshaka akambo wa lo nyuma lo dihole dia ntondo, ndo dui sɔ mbakashikikɛ woho w’onto wayoyonga ɔnawɔ.—Adia Tukedi 22:6.
9, 10. a) Lembetshiya woho waki tabɛrnakɛlɛ ndo woho wakayaokaka Samuɛlɛ lo dihole di’ekila sɔ. (Enda ndo nɔtɛ ka l’ɛse ka dikatshi.) b) Ɛkɛndɛ waki Samuɛlɛ wakendanaka ndo la na, ndo ngande wakoka ɛlɔngɔlɔngɔ l’esekaseka mbokoya ɛnyɛlɔ kande ɛlɔ kɛnɛ?
9 Etena kakandayolaka l’osomba ɔsɔ, nde akashishimaka akona * Laasɔ ko tɔ kambokama ambeta ɛnɔnyi suke 400 l’ɛlɔmbwɛlɔ ka Mɔsɛ, ndo tɔ mbaki dihole di’ɔtɛmwɛlɔ wa pudipudi waki Jehowa l’andja w’otondo.
wakadinge Shilo. Nde akadɛka lo tɔshɔdi t’akona dia nshishima osomba akɔ. Etena kakandɛnaka tabɛrnakɛlɛ kaki Jehowa, otema ande wakalolaka tɔ l’ɔngɛnɔngɛnɔ ndo l’ɔlɔ. Tabɛrnakɛlɛ kɛsɔ kaki dihole di’ekila.10 Samuɛlɛ akangɛnangɛnaka tabɛrnakɛlɛ efula etena kakandayolaka. L’ɔkɔngɔ diko, nde akayofundaka ate: “Samuele akatshaka ulimu la ntundu ka [Jehowa] eki dikenda. Ndi akalotaka ukutu wa nemo wa linene.” (1 Sam. 2:18) Okutu wa linɛnɛ wakalɔtaka Samuɛlɛ ɔsɔ wakɛnyaka dia nde akakimanyiyaka ɛlɔmbɛdi lo tɛmpɛlɔ. Kaanga mbakinde komonga ɔlɔmbɛdi, nde akakambaka elimu wele oko ndjiholaka nkuke ya tɛmpɛlɔ pindju tshɛ, ndo nkimanyiya Eliya laki aya osombe. Kaanga mbakandangɛnangɛnaka waɛsɛ asɔ, ɔna laha l’onongo ɔsɔ akayotatɛka ntshimba wɔɔngɔ. Dui dia kɔlɔ efula diakayosalemaka lo luudu laki Jehowa.
Nde akatshikala pudipudi l’atei w’anto wakasalaka awui wa kɔlɔ
11, 12. a) Ɛlɛmbɛ akɔna wakɔnyɔlaka Hɔfɛni nde la Finehasi? b) Awui akɔna wa kɔlɔ wakasalaka Hɔfɛni nde la Finehasi lo tabɛrnakɛlɛ? (Enda ndo nɔtɛ ka l’ɛse ka dikatshi.)
11 Kaanga mbakinde dikɛnda, Samuɛlɛ akɛnaka awui wa kɔlɔ wakasalemaka. Eliya aki l’ana w’apami ahende, Hɔfɛni la Finehasi. Bible mbutaka ɔnɛ: “Ana apami wa Eli waki antu wa kolo. Vo konemiaka [Jehowa].” (1 Sam. 2:12) Awui ahende wele l’avɛsa asɔ mbɔtɔnɛka. Hɔfɛni nde la Finehasi waki “antu wa kolo,” mbuta ate “akanga a dinginya,” nɛ dia vɔ kɔnɛmiyaka Jehowa. Vɔ kombidjaka yimba l’ɛlɛmbɛ ande wosembwe. Ndo dui sɔ diakayakonyaka lo pɛkato kina ya weke efula.
12 Ɛlɛmbɛ waki Nzambi wakɛnyaka ɛkɛndɛ shikaa waki l’ɛlɔmbɛdi, ndo woho wakawahombaka nambola elambo lo tabɛrnakɛlɛ. Aki ngasɔ nɛ dia elambo ɛsɔ waki didjidji dia tɛdikɔ takɔshi Nzambi dia dimanyiya pɛkato y’ase Isariyɛlɛ dia vɔ monga pudipudi lo washo ande ndo anto wakoka tshɔkwama. Koko, Hɔfɛni *
nde la Finehasi wakatatɛ tshutshuya ɛlɔmbɛdi ekina dia vɔ mɔnyɔlaka elambo ɛsɔ.13, 14. a) Ngande wakayaokaka anto w’ɛlɔlɔ etena kakawɛnaka awui wa kɔlɔ wakasalemaka lo tabɛrnakɛlɛ? b) Lo woho akɔna wele Eliya kokotsha ɛkɛndɛ ande w’ɔlɔmbɛdi a laadiko ndo w’ombutshi?
13 Tokanyiya yema woho wakayaokaka Samuɛlɛ etena kakandɛnaka ɛlɔmbɛdi ɛsɔ wasala awui wa ngasɔ aha la nongola dilanya. Nde akɛnaka ase wola, akanga a ndjakitshakitsha, anto wakahɛyahɛyamaka waya lo tabɛrnakɛlɛ k’ekila kaki Nzambi dia ndjokondja esambelo ndo ekeketshelo ka lo nyuma, wakakalola alemba kɔɔmɔ ndo la lonyangu l’efula. Ko ngande wakandayaokaka etena kakandeye dia Hɔfɛni la Finehasi wekɔ lo mɔnyɔla ɛlɛmbɛ waki Jehowa wendana l’awui wa dieyanelo, lo mbeyana la wamato wakakambaka olimu lo tabɛrnakɛlɛ? (1 Sam. 2:22) Ondo nde akalongamɛka dia Eliya ayɔsa yɛdikɔ mɔtshi.
Samuɛlɛ aki la lonyangu l’efula l’ɔtɛ wa kɔlɔ yakasalaka ana waki Eliya
14 Eliya mɛtɛ mbaki l’ɔkɛndɛ wa nɔngɔsɔla dui dia kɔlɔ efula sɔ. Oko wakinde ɔlɔmbɛdi a laadiko, nde mbaki l’ɔkɛndɛ wa kɛnɛ tshɛ kakasalemaka lo tabɛrnakɛlɛ. Oko wakinde ombutshi nde mbaki l’ɔkɛndɛ wa mpokola anande. Shi vɔ wakayasalɛka ndo wakasalɛka anto akina kɔlɔ? Ekɔ mɛtɛ dia Eliya kokotsha ɔkɛndɛ w’ɔlɔmbɛdi a laadiko ndo w’ombutshi. Nde aki djɔmɔ tɛwɛ otsha le anande. (Adia 1 Samuele 2:23-25.) Anande asɔ wakahombe nongola dilanya dia wolo nɛ dia vɔ wakasalaka pɛkato yakalɔmbaka dilanya dia nyɔi.
15. Ɔhɛmwɛlɔ akɔna wa wolo wakatomɛ Jehowa Eliya, ndo ngande wakawɔshi ɔhɛmwɛlɔ ɔsɔ?
15 Akambo wakaleke fukutana diakɔ diele Jehowa akayotomaka “dikendji dia [Nzambi],” mbuta ate ɔprɔfɛta ɔmɔtshi wahawadimodi lokombo, dia ndjewoya Eliya losango la wolo l’elombwelo. Jehowa akawotɛ ate: “We nemiaka an’aye uleki dimi.” Nzambi akewoya dia ana waki Eliya ahende wayodiakema lushi lakɔ laamɛ, nkumbo kande kayosoyama efula ndo Eliya ayoshisha dihole diande di’ɔlɔmbɛdi a laadiko. Onde ɔhɛmwɛlɔ wa wolo ɔsɔ wakatshikitanya dionga diaki Eliya la nkumbo kande? Bible mɛnyaka dia vɔ kosala ndoko otshikitanu.—1 Sam. 2:27–3:1.
16. a) Awui akɔna wadiaso lo kɛnɛ kendana l’ehamelo wakasale Samuɛlɛ lo nshi yande ya dikɛnda? b) Onde awui asɔ munandaka otema? Lembetshiya.
16 Akambo wa kɔlɔ asɔ tshɛ wakawasalaka wakonge la shɛngiya yakɔna le Samuɛlɛ? Ɔkɔndɔ wa lonyangu wasɛdingolaso ɔnɛ, tɛnyaka mbala la mbala nkumu y’ɛlɔlɔ yendana la woho wakatahamaka 1 Samuele 2:18, ɔnɛ la kɔlamelo tshɛ Samuɛlɛ “akatshaka ulimu la ntundu ka [Jehowa] eki dikenda.” Oyadi etena kakinde eke dikɛnda, Samuɛlɛ akayasha tshɛ l’olimu wa Nzambi. Sho mbadiaka dui dimɔtshi diananda otema lo divɛsa 21 dia tshapita yakɔ yaamɛ ɔnɛ: ‘Ko Samuɛlɛ akole la ntondo ka Jehowa.’ Etena kakandayolaka, diɔtɔnganelo diaki lam’asande la She ka l’olongo diakatalekaka keketala. Naka sho monga la diɔtɔnganelo dia dimɛna lam’asaso la Jehowa, kete tayokokamɛ oma lo tɔsɛngiya tshɛ ta kɔlɔ.
Samuɛlɛ. Tohɔ dia takadisha lo17, 18. a) Ngande wakoka ɛlɔngɔlɔngɔ w’Akristo mbokoya ɛnyɛlɔ kaki Samuɛlɛ etena kɛnawɔ awui wa kɔlɔ wasalema? b) Kakɔna kɛnya dia Samuɛlɛ akasɔnɛ mboka k’ɔlɔlɔ?
17 Samuɛlɛ akakoke mbuta esadi eto ɔnɛ: ‘Lam’ele ɔlɔmbɛdi a laadiko l’anande wekɔ lo nsala awui wa kɔlɔ, dimi lawɔ pombaka nsala kɛnɛ kalangami.’ Hatokoke mbetawɔ di’awui wa kɔlɔ wasala anto akina mbidja ndo wanɛ wele l’ɛkɛndɛ, tokonya dia sho nsala pɛkato. Ɛlɔ kɛnɛ, ɛlɔngɔlɔngɔ w’Akristo efula ndjelaka ɛnyɛlɔ kaki Samuɛlɛ lo ntetemala ‘mbola la ntondo ka Jehowa,’ kaanga mbasɛnawɔ kaamɛ l’anto wahawasha ɛnyɛlɔ k’ɔlɔlɔ.
18 Etombelo akɔna wakonge oma lo woho wakakitanyiya Samuɛlɛ Jehowa? Sho mbadiaka ɔnɛ: “Samuele akatakolamelaka mbula. Ndi aki dikenda di’ololo le [Nzambi] ndu le antu.” (1 Sam. 2:26) L’ekomelo, Samuɛlɛ akayolangemaka oma le wanɛ wakɛnaka akambo la sso di’ɔlɔlɔ oko nde. Jehowa akangɛnangɛna Samuɛlɛ l’ɔtɛ wa kɔlamelo yande. Ndo nto, Samuɛlɛ akeyaka shikaa dia Nzambi ayɔlɔngɔsɔla awui wa kɔlɔ wakasalemaka la Shilo, koko ondo nde akayambolaka etena kakahombe dui sɔ salema. L’otsho ɔmɔtshi, Samuɛlɛ akakondja okadimwelo lo ambola ande.
“Otekete, ne dia ukambi aye oso uka”
19, 20. a) Lembetshiya kɛnɛ kakakomɛ Samuɛlɛ lushi lɔmɔtshi l’otsho etena kakandalale lo tabɛrnakɛlɛ. b) Ngande wakeye Samuɛlɛ oma lɛnɛ akaye dui sɔ ndo ngande wakandasalɛka Eliya akambo?
19 Etena kakahɛtaka tala lo tɛbɛrnakɛlɛ suke la wonya mpotɔ, nde akoke dui di’onto diawelɛ. Nde akafɔnya ate Eliya laki aya osombe ndo ondo hayɛna mbawelɛ. Samuɛlɛ akemɔ ndo “akasamanya” otsha le nde. Tɔshi dia tekɔ lo mbɛna woho watandasamanya ekolo hwe otsha le osombe ɔsɔ dia towombola kɛnɛ kakinde l’ohomba. Ekɔ dui diananda otema dia mɛna woho wakasalɛka Samuɛlɛ Eliya akambo la dilɛmiɛlɔ ndo la lɔsɛngɔ. Oyadi kɔlɔ yande tshɛ, Eliya akatetemala monga ɔlɔmbɛdi a laadiko waki Jehowa.—1 Sam. 3:2-5.
20 Samuɛlɛ akemula Eliya ndo akawotɛ ate: “Dim’one, lambuya; we kumbetshi.” Eliya akokadimola ate dimi haketshi ndo nde akokaloya dia nde tolala. Dui sɔ diakasalema mbala shato y’etondo. L’ekomelo, Eliya akayoshihodiaka kɛnɛ kaketaka. L’etena kɛsɔ, ko Jehowa hayoleka sawola la wodja ande lo tshimbo ya alɔ ndo hayoleka mbewoya nsango ya prɔfɛsiya. Eliya akashihodia dia Jehowa ambotatɛ ntɛkɛta la ɔnɔsɔ. Nde akawotɛ dia nde nkalola dia tolala ndo akolakanya woho wakandahombe nkadimola. Samuɛlɛ akakitanyiya kɛnɛ kakandawotɛ. Kombeta edja, nde akoke dui diawelɛ ɔnɛ: “Samuele! Samuele.” Nde aketawɔ ate: “Otekete, ne dia ukambi aye oso uka.”—1 Sam. 3:1, 5-10.
21. Ngande wakokaso mpokamɛ Jehowa ɛlɔ kɛnɛ ndo lande na kahombaso nsala dui sɔ?
21 Jehowa akayongaka l’okambi ande wohokamɛ la Shilo. Ndo nto, Samuɛlɛ akahokamɛka dui dia Jehowa lo lɔsɛnɔ lande l’otondo. Onde wɛ tohokamɛka Jehowa tena tshɛ? Kema ohomba dia paka sho mboki dui lo yoho ya dihindo l’otsho. Ɛlɔ kɛnɛ, Jehowa ekɔ lo ntɛkɛta laso mbala ko mbala. Sho mbokaka dui diande lo tshimbo ya Ɔtɛkɛta ande, Bible. Naka sho mpokamɛ Nzambi ndo mbokitanyiya, kete mbetawɔ kaso kayoleka mpama. Kɛsɔ mbakasale Samuɛlɛ.
Kaanga mbakinde la wɔma, Samuɛlɛ akewoya Eliya dombwelo diaki Jehowa la dihonga tshɛ
22, 23. a) Ngande wakayokotshamaka losango lakoke Samuɛlɛ wɔma ntondo dia mbewoya? b) Ngande wakatahamaka lokumu laki Samuɛlɛ?
22 Ɔsɔ akonge otsho wa laande la Shilo lo lɔsɛnɔ laki Samuɛlɛ. Nde akatatɛ monga la diɔtɔnganelo dia laande lam’asande la Jehowa, lo nkoma ɔprɔfɛta ande kana yɛmb’awui yande. L’etatelo, nde akoke wɔma dia tewoya Eliya nsango y’oma le Jehowa, yakɛnyaka dia kema edja prɔfɛsiya yendana la nkumbo kande yanga kotshama. Koko la dihonga tshɛ, Samuɛlɛ akawewoya ndo Eliya aketawɔ elombwelo k’oma le Nzambi. Kombeta edja kɛnɛ tshɛ kakewoya Jehowa kakakotshama. Ase Isariyɛlɛ wakatshu dia tɔlɔ l’ase Filistiya ndo Hɔfɛni nde la Finehasi wakadiakema lushi lakɔ laamɛ. Eliya nde 1 Sam. 3:10-18; 4:1-18.
lawɔ akavu kaamakandoke ɔnɛ wakɔshi Ɔshɛtɛ wa sheke waki Jehowa.—23 Ndo nto, lokumu laki Samuɛlɛ l’ɔprɔfɛta wa kɔlamelo lakatatemalaka mpama. Ɔkɔndɔ mbutaka ɔnɛ: “[Jehowa] aki la ndi,” ndo vɔ nkotshaka ɔnɛ Jehowa kombetawɔ dia prɔfɛsiya yakate Samuɛlɛ nkita tatala.—Adia 1 Samuele 3:19.
‘Samuɛlɛ akalɔmbɛ Jehowa’
24. L’edjedja ka wonya, yɛdikɔ yakɔna yakayɔsaka ase Isariyɛlɛ ndo lande na kele dui sɔ diaki pɛkato ka woke?
24 Onde ase Isariyɛlɛ wakayele ɛlɔmbwɛlɔ kaki Samuɛlɛ ndo wakakome anto wele la lonyuma la dimɛna ndo wele la kɔlamelo? Ndooko! L’edjedja ka wonya, vɔ konanga nto nomboshama oma le ɔprɔfɛta. Vɔ wakakombola monga oko wedja ekina ndo ndjala l’owandji w’onto. Oma l’ɛlɔmbwɛlɔ ka Jehowa, Samuɛlɛ aketawɔ kɛnɛ kakawalɔmbɛ. Koko, nde akawaɛnya woke woke wa pɛkato kawɔ. Ase Isariyɛlɛ kotona onto k’onto koko Jehowa mbakawatone. Ɔnkɔnɛ, Samuɛlɛ akatshumanya wodja la Ngilingala.
Samuɛlɛ akalɔmbɛ la mbetawɔ tshɛ ndo Jehowa akakadimola dɔmbɛlɔ diande
25, 26. Ngande wakakimanyiya Samuɛlɛ ase Isariyɛlɛ dia vɔ nshihodia pɛkato ka woke kakawasalɛ Jehowa?
25 Nyɛsɔ tende kɛnɛ kakatombe l’etena k’osokosoko kɛsɔ kakandasawolaka lawɔ la Ngilingala. Ɔprɔfɛta w’osombe ɔsɔ akawaohola dia nde akatshikala la kɔlamelo ndo l’olowanyi lɔsɛnɔ lande l’otondo. Oma laasɔ, sho mbadiaka ɔnɛ: “Samuele akalombe [Jehowa].” Nde akɔlɔmbɛ dia nde ntoma akungola ndo ndɔsha mvula.—1 Sam. 12:17, 18.
26 Onde mvula ka wolo kokaka ndɔ lo nshi y’ɔwɔ? Dui dia ngasɔ diaki diatasalemaka. Naka wodja waki la taamu lo dikambo sɔ, kete taamu tɔsɔ tshɛ takahombe nshila esadi eto. Olongo wakayala wodjima mbala kakɔ ɔtɔi ndo lɔpɛpɛ la wolo lakapɛpɛ lo dikambɔ di’eponga. Angadimu wa ndjadi wa wolo wakɛnama ndo mvula kakalɔ. Kakɔna kakasale wodja? Sho mbadiaka ɔnɛ: “Antu tshe wakuki [Jehowa] la Samuele woma utamanya.” Vɔ wakashihodia esadi eto pɛkato ka woke kakawasale.—1 Sam. 12:18, 19.
27. Ngande wɔsa Jehowa wanɛ wokoya mbetawɔ kaki Samuɛlɛ?
27 Aha Samuɛlɛ koko Jehowa Nzambi kande, mbakananda etema w’atɔmbɔki asɔ. Oma ko dikɛnda edja ndo l’osombe ande, Samuɛlɛ aki la mbetawɔ le Nzambi lakayofutaka. Jehowa atatshikitana polo ndo ɛlɔ kɛnɛ. Nde tetemalaka sukɛ wanɛ wonga la mbetawɔ l’ɛnyɛlɔ kaki Samuɛlɛ.
^ od. 5 Akidiami wakatshikaka alɔkɔlɔkɔ efula. Ɛnyɛlɔ aha nnɔ waanu ndo aha minya divo. Lo waaso efula, vɔ wakatshikaka alɔkɔlɔkɔ asɔ lo tshanda mɔtshi tsho. Koko, anto amɔtshi ɛnyɛlɔ oko Samisɔna, Samuɛlɛ ndo Joani obatizanyi wakatshikala Akidiami lɔsɛnɔ lawɔ l’otondo.
^ od. 9 Tabɛrnakɛlɛ aki luudu laki l’akundji w’abaya ndo tɔ kaki l’atshuku anɛi. Tɔ kakasalema la diangɔ di’amɛna diele oko dikoho dia nyama diakatɛlama l’ahɔndɔ w’amɛna ndo abaya w’oshinga wolo wakakitama paonyi la mfɛsa. Tabɛrnakɛlɛ kakatanemaka lo sɛkɛ dia lokombo diaki l’atshuku anɛi, ndo la dihole diakawalambolaka elambo. Ondo l’edjedja ka wonya wakayokotshaka toshambrɛ tokina dikambo di’ɛlɔmbɛdi a laadiko. Mɛnamaka dia Samuɛlɛ akalalaka lo shambrɛ mɔtshi.
^ od. 12 Ɔkɔndɔ mɛnyaka bɛnyɛlɔ pende di’awui wakiwɔ kɔnɛmiyaka. Dui dia ntondo ele, kaanga mbakawashikikɛka emunyi wa nyama wakahombaka ɛlɔmbɛdi ndɛ oma l’olambo, ɛlɔmbɛdi wa dungi pende ɛsɔ wakayongaka l’etshelo ka kɔlɔ. (Euh. 18:3) Vɔ wakalɔmbaka ekambi awɔ dia mbika lɔsɔmɔ la woke lo mpoke ka nyama ko mbɔsa omunyi tshɛ wakayaka ntondo. Dui dia hende ele, etena kakayaka onto l’olambo dia ndjotshumba lo dihole di’elambwelo, ɛlɔmbɛdi wa dinginya ɛsɔ wakatomaka ekambi awɔ dia tɔlɔmba nyama k’oyoyo la wolo la ntondo ka kaanga vɔ nambola Jehowa wata.—Lew. 3:3-5; 1 Sam. 2:13-17.