Kakɔna kata Bible?
Onde Bible koka kokimanyiya dia ndɔshana la ekiyanu?
Ngande wayoyokadimola?
Eelo
Keema
Ondo
Kɛnɛ kata Bible
“Nyokitsha ekiyanu anyu tshɛ le [Nzambi], nɛ dia nde ndjakiyanyaka dikambo dianyu.” (1 Petero 5:7) Bible mbishaka eshikikelo dia Nzambi koka kokimanyiya dia wɛ nkondja ekimanyielo oma l’ekiyanu wele la yɛ.
Naa awui akina wakokaso mbeka oma lo Bible?
Oma lo tshimbo ya dɔmbɛlɔ, wɛ koka nkondja “wɔladi wa Nzambi” wakitshakitsha ekiyanu.—Filipɛ 4:6, 7.
Laadiko dia laasɔ, wadielo w’Ɔtɛkɛta wa Nzambi koka kokimanyiya dia ndɔshana la ekiyanu.—Mateo 11:28-30.
Onde ekiyanu wayoshila lushi lɔmɔtshi?
Anto amɔtshi mbutaka . . .dia ekiyanu ndo lonyangu ekɔ l’atei w’awui watongaka l’onto lo lɔsɛnɔ, etena kele akina mbutaka dia ekiyanu komɛka tsho lo etena kavɔ onto. Naa kanyi yayɛ?
Kɛnɛ kata Bible
Nzambi ayonya awui wele lo kiɔkɔ y’ekiyanu. “Nyɔi hatoyala nto, otanda hatoyala nto, delo hatoyala nto, kaanga kandji hatoyala nto.”—Ɛnyɛlɔ 21:4.
Naa awui akina wakokaso mbeka oma lo Bible?
Lo ɛlɔmbwɛlɔ ka Diolelo diaki Nzambi, anto wayɔsɛna lo wɔladi ndo lo lotui tshitshi.—Isaya 32:18.
Ekiyanu ndo lonyangu wayohamamɛ.—Isaya 65:17.
