Hosea 12:1-14
12 “Eferaime o iphepa ka phefo.
O lelekisa phefo ya botlhaba letsatsi lotlhe.
O anamisa maaka le thubakanyo.
O dira kgolagano le Asiria,+ e bile o tsaya leokwane kwa Egepeto.+
2 Jehofa o tla sekisa Juda;+O tla otlhaya Jakobe go dumalana le ditsela tsa gagwe,E bile o tla mo duela go dumalana le ditiro tsa gagwe.+
3 Fa a ne a le mo popelong, o ne a tshwara morwarraagwe ka serethe,+E bile o ne a sokasokana le Modimo ka maatla otlhe a gagwe.+
4 O ne a nna a sokasokana le moengele mme o ne a fenya.
O ne a lela a bo a kopa gore a mo segofatse.”+
Modimo o ne a mo fitlhela kwa Bethele, mme o ne a bua le rona gone koo,+
5 Jehofa, Modimo wa masomosomo,+Jehofa ke leina le a gopolwang ka lone.+
6 “Ka jalo, boela kwa Modimong wa gago,+Tswelela o na le lorato lo lo sa kgaotseng le tshiamiso,+Mme o solofele mo Modimong wa gago ka metlha.
7 Mo seatleng sa mogwebi go na le dikale tsa tsietso;O rata go tsietsa.+
8 Eferaime o nna a re, ‘Eleruri ke humile;+Ke na le dikhumo.+
E bile mo dilong tsotlhe tse ke di bereketseng ka natla, ga ba kitla ba fitlhela sepe se se phoso kgotsa boleo bope.’
9 Mme nna Jehofa, ke Modimo wa gago, go tloga* ka nako ya fa o ne o sa ntse o le kwa lefatsheng la Egepeto.+
Ke tla dira gore o nne mo ditenteng gape
Fela jaaka mo malatsing a nako e e tlhomilweng.*
10 Ke ne ka bua le baporofeti,+Ke ne ka dira gore diponatshegelo tsa bone di nne dintsi,E bile ke ne ka bua ka ditshwantsho ke dirisa baporofeti.
11 Go ne go na le tsietso* le maaka mo Gileade.+
Ba ntshitse ditlhabelo tsa dipoo mo Gilegala,+E bile dibeso tsa bone di tshwana le mokoa wa maje mo meseleng ya tshimo.+
12 Jakobe o ne a tshabela kwa nageng* ya Arame,*+Iseraele+ o ne a direla gone koo gore a bone mosadi,+E bile o ne a disa dinku gore a bone mosadi.+
13 Jehofa o ne a ntsha Iseraele kwa Egepeto a dirisa moporofeti,+E bile o ne a dirisa moporofeti gore a mo dise.+
14 Eferaime o ne a nkgalefisa thata;+Molato wa gagwe wa madi o tla nna o le mo go ene;Morena wa gagwe o tla mo naya tuelo ya kgobo e a mo tliseditseng yone.”+
Dintlha Tse di Kwa Tlase
^ Kgotsa gongwe “a moletlo.”
^ Kgotsa “fa e sa le.”
^ Kgotsa “maatla a masaitseweng; boselamose.”
^ Seheb., “kwa tshimong.”
^ Kgotsa “Siria.”