“Go tlile go nna le tsogo.”—Ditiro 24:15, Thanolo ya Lefatshe le Lesha.

Re a gomotsega fa mongwe yo re mo ratang a swa.—2 Bakorintha 1:3, 4.

Re gololesega mo go boifeng loso.—Bahebera 2:15.

Re nna le tsholofelo ya mmatota ya gore re tla boa re kopana le baratiwa ba rona ba ba suleng.—Johane 5:28, 29.

Ee, ka ntlha ya mabaka a ka nna mararo:

• Modimo ke Modiri wa botshelo. Baebele ya re Jehofa Modimo ke “motswedi wa botshelo.” (Pesalema 36:9; Ditiro 17:24, 25) Ga go pelaelo gore Ene yo o neileng dibopiwa tsotlhe botshelo o kgona go dira gore motho yo o suleng a boe a tshele.

• Modimo o ne a tsosa batho mo nakong e e fetileng. Baebele e umaka batho ba le robedi—basha, bagolo, banna le basadi—ba ba neng ba tsosediwa mo lefatsheng. Bangwe ba bone ba ne ba se na lobaka lo loleele ba sule mme a le mongwe wa bone o ne a na le malatsi a le manè a le mo lebitleng!—Johane 11:39-44.

• Modimo o tlhoafaletse go tsosa batho gape. Jehofa o tlhoile loso; o lo tsaya e le mmaba. (1 Bakorintha 15:26) O “tlhologelelwa” go fenya mmaba yoo, a dirisa tsogo go fedisa loso. O eletsa go tsosa ba ba leng mo mogopolong wa gagwe gore ba boe ba tshele gape mo lefatsheng.—Jobe 14:14, 15.