Konga Mahuʻinga ʻo e Polokalamá

Falaite: Fakakaukau ki he fakamoʻoni ko e ongoongo lelei fekauʻaki mo Sīsū ʻi he ngaahi Kōsipelí ko ha lēkooti tonu mātē ia ʻo ʻene moʻuí. Ako ki he founga ʻe lava ke tau maʻu ʻaonga ai mei he ngaahi fakamatala Fakatohitapu ko ení ʻi he ʻahó ni.

Tokonaki: Ko e hā naʻe kikiteʻi fekauʻaki mo e ʻaloʻi ʻo Sīsuú mo ʻene kei siʻí, pea naʻe hoko moʻoni ʻa e ngaahi kikite ko iá?

Sāpate: ʻI he malanga Fakatohitapu “ʻUhinga ʻOku ʻIkai Ai Ke Tau Manavahē ki he Ngaahi Ongoongo Koví,” ako ki he ʻuhinga ʻoku maʻu ai ʻe he laui miliona ʻi he ʻahó ni ʻa e ngaahi ʻuhinga ke ongoʻi malu mo tuipau neongo ʻa e fakaʻaʻau ke toe kovi ange ʻa e tuʻunga ʻo e māmaní.

Tulama Vitiō

Ko e ʻaloʻi fakaemana ʻo Sīsuú ko e taha pē ia ʻo e ngaahi meʻa mahuʻinga naʻe hoko ʻi he taimi naʻá ne kei siʻi aí. Naʻe ʻave ia ʻe heʻene ongo mātuʻá ki ʻIsipite ke fakahaofi ia mei ha tuʻi naʻá ne loto ke fakapoongi ia. Ki mui aí, naʻá ne fakaʻohovaleʻi ʻa e niʻihi ʻo e kau faiako lelei taha ʻi hono ʻahó. Mamata ki ai pea mo e ngaahi konga kehe ʻi he vitiō konga ʻe uá ʻi he Falaité mo e Tokonakí.

Sio ʻi he ngaahi vitiō ko ení fekauʻaki mo e fakataha-lahi ʻo e taʻu ní

Ko e Hā ʻOku Fai ʻi Heʻemau Ngaahi Fakataha-Lahí?

ʻE lava ke ke ʻiloʻi ai ʻa e meʻa ʻoku fakahoko ʻi ha fakataha-lahi ʻa e Kau Fakamoʻoni ʻa Sihová.

Fakataha-Lahi ʻa e Kau Fakamoʻoni ʻa Sihová 2024: “Talaki ʻa e Ongoongo Leleí!”

Sio ki he meʻa ʻe lava ke tau ako mei he fakataha-lahi ʻo e taʻu ní.

Vitiō Fakaʻaliʻali ʻo e Tulama: Ko e Ongoongo Lelei ʻo Fakatatau kia Sīsū

Ko e tokolahi ʻoku nau ʻiloʻi lelei ʻa e talanoa ki he ʻaloʻi fakaemana ʻo Sīsuú. Ka ko e hā ʻa e ngaahi meʻa naʻe hoko ki muʻa pea mo e hili ʻa e meʻa fakatoʻoaloto ko iá?