‘OKU TUI ‘A E KAKAI ‘E NI‘IHI ko e lotú ko ha fokotu‘u ‘e ha tangata; ‘oku fakakaukau ‘a e ni‘ihi ‘oku ngāue‘aki ‘e he ‘Otuá ‘a e lotú ke tokoni‘i e kakaí ke nau ‘unu‘unu ofi ai kiate ia. Ko e hā ho‘o fakakaukaú?

ME‘A ‘OKU LEA‘AKI ‘E HE TOHI TAPÚ

‘Oku ‘i ai ha “lotu ‘oku ma‘a mo ta‘e‘uli‘i ‘i he anga ‘o e vakai ‘a hotau ‘Otuá mo e Tamaí.” (Sēmisi 1:27) Ma‘a pe mo‘oni ko e lotu ko iá ‘oku ha‘u mei he ‘Otuá.

ME‘A TE TAU TOE AKO MEI HE TOHI TAPÚ

• Ke fakahōifua ki he ‘Otuá, ko e lotú kuo pau ke makatu‘unga ia ‘i he mo‘oni ‘o e Tohi Tapú.​—Sione 4:23, 24.

• Ko e ngaahi lotu ‘oku makatu‘unga ‘i he fakakaukau fakaetangatá ‘oku ta‘e‘aonga ia.​—Ma‘ake 7:7, 8.

KO E HĀ TE KE LEA‘AKÍ?

• ‘Io

• ‘Ikai

• Mahalo pē

ME‘A ‘OKU LEA‘AKI ‘E HE TOHI TAPÚ

“Tuku ke tau fetokanga‘aki koe‘uhi ke faka‘ai‘ai ai kitautolu ki he ‘ofá mo e ngaahi ngāue leleí, ‘o ‘oua ‘e li‘aki ‘a hono fakatahataha‘i fakataha ‘o kitautolú.” (Hepelū 10:24, 25) ‘Oku fiema‘u ‘e he ‘Otuá ‘ene kau lotú ke nau fakatahataha ko ha kulupu fokotu‘utu‘u maau.

ME‘A TE TAU TOE AKO MEI HE TOHI TAPÚ

• Ko e fa‘ahinga ‘oku nau lotu fakataha ki he ‘Otuá ‘oku totonu ke nau fā‘ūtaha ‘i he tui.​—1 Kolinitō 1:10, 11.

• Ko e ngaahi mēmipa ‘o e lotu ‘oku hōifua ki ai ‘a e ‘Otuá ‘oku fa‘u ‘aki ia ha fetokoua‘aki ‘i māmani lahi.​—1 Pita 2:17.