¿Négueʼt ca ʼauen yaqtoʼ na maiche ʼarhuoʼ lʼecpi ỹataqta machiguiñe?
¿ʼEetec ca ʼarʼaqtac, qaiuen...
-
... ra nauotaxanaqtaic?
-
... añi plaata?
-
... huoʼo ca lỹa?
NA ʼENAC AYE LA BIBLIA
«¡Qalaxayi ỹataqta ỹacteec da machiguiñi cam nʼaxaỹaxana dam lʼaqtac ñi Dios qataq ỹalaxaguet!» (Lucas 11:28, Dios Nvita Na Shiỹaxauapi).
ʼEETEC RA ʼAM ITAUAN
Sanataxa ra yoqta ʼeesa nahuotaxanaqtaic (Efesios 5:28, 29).
Huoʼo ra nchoxonnaguec (Efesios 5:33).
Huoʼo ỹataqta machiguiñe ra qarmariaxac (Marcos 10:6-9).
¿ʼAM ISHET RA ʼAUʼAMAQTEN AYE LA BIBLIA?
Ajaʼ, lappa na huetalguete, qalaxaye ndotec ʼam sachaxanalo ye dos:
-
Ñi Dios ỹoʼot na nhuoʼ lʼecpi. Aye la Biblia ʼenac ra ñi Jehová nachiñi «ñim chigoqoʼot na lʼenaxat nam ỹottaʼaʼt nhuoʼ lʼecpi» (Efesios 3:14, 15). Ỹoqoʼoye huoʼo na nhuoʼ lʼecpi chaʼaye ñi Dios ỹoʼot ¿Táʼencoʼ ra seuenac ra saỹatenaqta raʼa?
ʼAuennataxana yeʼeye: ra qollectac ca ʼonaxaic nhuoshec taq ʼanshetaique ra auaỹaten négueʼt caua lalegue nache ¿négueʼt ca anat? Yoqta ra anat ca ỹoʼot neʼena nhuoshec.
Nache ʼenaʼam ra nshetaique ʼeetec ra huoʼo ca ntonaxac na maiche ʼarhuoʼ lʼec, ʼanat ñi Jehová chaʼaye ñi maye chigoqoʼot na mayepi (Génesis 2:18-24).
-
Ñi Dios qomiʼ ỹoqochaʼalo. Ỹoqoʼoye ʼam taq na maiche ʼarhuoʼ lʼecpi ỹataqta itauan na nqataxacpi aye la Biblia chaʼaye ñi maye qomiʼ «ỹoqochaʼalo» (1 Pedro 5:6, 7). Ñi Jehová nshetaique ra noʼon qarmariaxac. Qataq na lqataxacpi ỹataqta ỹañoxot (Proverbios 3:5, 6; Salmo 32:8).
ʼANNAJLAʼT
¿ʼÉetec ishet ra aỹem noʼon ca nhua, aca nhua qoʼ noʼon ntaʼa qoʼ nateʼe?
ʼAuanata ra lasataxac aye la Biblia ye EFESIOS 5:1, 2 taq COLOSENSES 3:18-21.
Petaʼa taqaʼen ra ʼalauela
RA QOMIʼ QAỸAUATTOʼN
¿Táenʼco ra qanapaxaguena aye la Biblia?
Aye la Biblia itauaatac na ỹataqta qalota shiỹaxauapi ʼenauac ana ʼalhua ra ỹanata na nnataxacpi ỹataqta ʼenec ra achaalataxac. ¿ʼAm anshetaique ra taqaʼen anapaxaguen?
RA QOMIʼ QAỸAUATTOʼN
Aviaxan ra ʼam qanamaqtega
Aunataxanec na iaʼaxat aye la Biblia qoʼ auauatota ca testigopi de Jehová.
