¿ʼÉetec ra ʼauaỹateetegue ca naigui ʼam aye la Biblia?
¿ʼEetec ca ʼarʼaqtac...
-
... petaʼa chigoqchigui anaʼana nere ra lcuennataxa na shiỹaxauapi?
-
... petaʼa qalaỹonat na leyendapi qoʼ naqtaguesatpi?
-
... petaʼa Lʼaqtac ñi Dios?
NA ʼENAC AYE LA BIBLIA
«ʼEnauaque naua ñiyiguiʼshi lʼaqtaqa ñi Dios» (2 Timoteo 3:16, Dios Nvita Na Shiỹaxauapi).
ʼEETEC RA ʼAM ITAUAN
Ỹasategueʼt na ʼannataxacpi ʼamaqtaqaic ra achaalataxac (Salmo 19:7).
ʼAm ỹapaxaguen ʼeetec ra ʼonaxaic ra ʼanachaalataxac (Salmo 43:3).
Ỹahuoʼo ra ỹataqta ʼeesa ʼanaquitaxac qomchiye (Romanos 15:4).
¿ʼAM ISHET RA ʼAUʼAMAQTEN AYE LA BIBLIA?
Ajaʼ, lappa na huetaleguete, qalaxaye ndotec ʼam sachaxanalo ye tres:
-
Huanna ra sanatenaʼt. Aye la Biblia ʼenac ra ỹilyiñi huac ra iviʼi soua cuarenta ỹallippi queuoigui so mil seicientos viʼiye. Naiʼctaxa ra lappa so mayepi ra sanauattonaʼt, aye la Biblia sa ishet ra sanatenaʼt, quetaigui so ʼonolec lʼaqtaxanaxac.
-
Soua neraxanecpi ỹataqta ʼeesa. Na historiadorpi huoʼo ra ỹoxoʼoñe ra qanahuecpi nam npueblopi. Qalaxaye na neraxanecpi aye la Biblia, sa ishet ra ỹoxoʼoñe na maiche lpeʼenaxac taq na lpeʼenaxacpi na npueblopi (Números 14:1-10; Salmo 51:1-4).
-
Na ỹachaxanapecpi saxaỹet ra ipacchigui. Huaʼautaʼague ra queuoigui so setecientos viʼiye, ʼenac aye la Biblia so Mesías lañoqoʼ ye Belén, yeʼeyetaʼe pueblolec naña ye Judá (Miqueas 5:2). ¿Huaʼague ca lañoqoʼ so Jesús? Nacheye yeʼeyetaʼe pueblolec (Mateo 2:1-6).
Lappa soua qaỹachaxanpi aye la Biblia ipacchigui ʼenauac na ʼeetecpi. Neʼena ipacchigui chaʼaye aye la Biblia ỹataqta Lʼaqtac ñi Dios (2 Pedro 1:21).
ʼANNAJLAʼT
¿ʼÉetec ra ishet aỹem itauan ye Lʼaqtac ñi Dios?
ʼAuanata ra lasataxac aye la Biblia ye SALMO 32:8 taq 2 TIMOTEO 3:16, 17.
Petaʼa taqaʼen ra ʼalauela
ENSEÑANZAS IMPORTANTES DE LA BIBLIA
¿Táʼaencoʼ ra ishet ra sepiʼiỹaqa na huetalec ana la Biblia ra iaʼaxat na ʼeesa?
Ra ñi Dios ỹilyiñe ana la Biblia nache ana maye qaica ca ʼenaʼam.
RA QOMIʼ QAỸAUATTOʼN
¿Táenʼco ra qanapaxaguena aye la Biblia?
Aye la Biblia itauaatac na ỹataqta qalota shiỹaxauapi ʼenauac ana ʼalhua ra ỹanata na nnataxacpi ỹataqta ʼenec ra achaalataxac. ¿ʼAm anshetaique ra taqaʼen anapaxaguen?
RA QOMIʼ QAỸAUATTOʼN
Aviaxan ra ʼam qanamaqtega
Aunataxanec na iaʼaxat aye la Biblia qoʼ auauatota ca testigopi de Jehová.
