¿Négueʼt ca ramaxasoxotac ʼenauac ana ʼalhua?
¿ʼEetec ca ʼarʼaqtac...
-
... ñi Dios?
-
... na shiỹaxauapi?
-
... so Satanás?
NA ʼENAC AYE LA BIBLIA
Na «shiỹaxauapi mayi huetalec ana ʼalhua ʼenauac huetoʼot da lʼañaxac so shiỹaxaua lmaʼna» (1 Juan 5:19, Dios Nvita Na Shiỹaxauapi).
«Ỹoqoʼoyi so llalec ñi Dios anac da yaqtoʼ nlaxajñi ʼenauac nam lʼonataxanaxacpi» so Satanás (1 Juan 3:8, Dios Nvita Na Shiỹaxauapi).
ʼEETEC RA ʼAM ITAUAN
Saỹatenaqtegue huaʼague ca chigacaʼague na lqalaic ana ʼalhua (Apocalipsis 12:12).
Ishet ra sepiʼaqaʼa ra qaỹaỹamaxajñe qome na qarmariaxac (1 Juan 2:17).
¿ʼAM ISHET RA ʼAUʼAMAQTEN AYE LA BIBLIA?
Ajaʼ, lappa na huetalguete, qalaxaye ndotec ‘am sachaxanalo ye tres:
-
So ramaxasoxotac Satanás mashe huoʼo ye laloqoʼ. Ñi Jehová mashe ỹan ra lʼaqtac ra nqatec ra lamaxasoxonaxac so Satanás. Ñi Dios ỹachaxanapec nlaxajñi so Satanás taq ra ỹapalaxat ʼenauac so ỹoʼot so maye (Hebreos 2:14).
-
Ñi Dios lcaʼaguishec so Jesucristo ra ramaxasoxon. So Jesús sa ishet ra ʼeetaʼam so Satanás, chaʼaye ỹataqta ra qaica ca ichoxoren qauemaic. Ỹoqoʼoye ñi Dios ỹachaxanapec: «Qataq ỹaỹamaxatta da nmit ca qaica ca lʼañaxac, qataq ỹataqta iuejlec da lataxa na choxodaicpi ana ʼalhua» (Isaías 11:4).
-
Ñi Dios sa ishet ra ratenataxan. Ỹoqoʼoye aye la Biblia ỹachaxan ra «sa ishit da datenataxan ñi Dios» (Hebreos 6:18). Ỹoqoʼoye ñi Jehová ra huoʼo ca ỹachaxanapec ishet ra qomiʼ sepiʼaqaʼa ra ỹoʼot (Números 23:19). So ỹachaxanapec «qaỹamaqhuec som damaxasoxonapec ana ʼalhua» (Juan 12:31).
ʼANNAJLAʼT
¿Chaq ʼéetec ca lataxac ana ʼalhua qom so Satanás sa ishet ra ramaxasoxon?
ʼAuanata ra lasataxac aye la Biblia ye ISAÍAS 65:17, 21-23 taq APOCALIPSIS 21:3, 4.
Petaʼa taqaʼen ra ʼalauela
ENSEÑANZAS IMPORTANTES DE LA BIBLIA
¿Táʼaencoʼ ñi Dios ỹasheetec ra queʼejnaxac?
Qalota na shiỹaxauapi nnaxajlaʼt taʼaencoʼ huoʼo ra nquiỹaxa taq nqueʼejnaxac ana ʼalhua. Aye la Biblia ỹan ra lasataxac ra ỹataqta iʼañaqchet.
RA QOMIʼ QAỸAUATTOʼN
¿Táenʼco ra qanapaxaguena aye la Biblia?
Aye la Biblia itauaatac na ỹataqta qalota shiỹaxauapi ʼenauac ana ʼalhua ra ỹanata na nnataxacpi ỹataqta ʼenec ra achaalataxac. ¿ʼAm anshetaique ra taqaʼen anapaxaguen?
RA QOMIʼ QAỸAUATTOʼN
Aviaxan ra ʼam qanamaqtega
Aunataxanec na iaʼaxat aye la Biblia qoʼ auauatota ca testigopi de Jehová.
