Kwamba kali, ateŵeti aku Chiuta afiska vinthu vinandi chifukwa cha nthazi zaku Yehova. Mu 1954, gulu laku Yehova lingutuzga vidiyo yakuti Vo Gulu la mu Charu Chifya Lichita. Vidiyo iyi yingupangika ndi ateŵeti a pa Beteli chinanga kuti ŵengavi lusu lakupangiya mafilimu. Yiwu angugwira ntchitu yakusuzga yeniyi chifukwa cha mzimu waku Yehova. Nasi tingachita umampha uteŵeti wewosi wo tingapaskika asani tithemba Yehova.—Zek 4:6.

WONERIYANI VIDIYO YAKUTI KUPANGA VIDIYO YA “VO GULU LA MU CHARU CHIFYA LICHITA,” NDIPU MUKANI MAFUMBU YANGA:

• Ntchifukwa wuli angusankha kuti apangi vidiyo yakukwaskana ndi likulu la Akaboni aku Yehova?

• Kumbi vidiyo iyi yilongo wuli kuti ŵanthu a pa Beteli achita vinthu mwakukoliyana nge mo liŵavu liliri?—1Ak 12:14-20

• Kumbi abali angukumana ndi masuzgu wuli pa nyengu yo apanganga vidiyo iyi, ndipu angumalana nangu wuli?

• Kumbi nkhani iyi yititisambizanji vakukwaskana ndi mzimu waku Yehova?