Kumbi Ufumu Waku Chiuta Ntchinthu Wuli?
Kumbi mungakamba kuti . . .
-
we mumitima yidu?
-
ndi nthanu ŵaka?
-
ndi boma lakuchanya?
VO BAYIBOLU LIKAMBA
“Chiuta wakuchanya wazamujalikiska ufumu wo wazamubwangandulika cha.”—Daniyeli 2:44, Bayibolu la Charu Chifya.
“Isi tapaskika mwana munthulumi; ndipu ulamuliru wazamuja paphewa laki.”—Yesaya 9:6.
KUMBI VENIVI VING’ANAMUWANJI KWAKU YIMWI?
-
Mwazamulamulika ndi boma lamampha lo lazakukuwovyani.—Yesaya 48:17, 18.
-
Mucharu chifya cho chituza mwazamutama cha ndipu mwazamukondwa ndi umoyu wamampha.—Chivumbuzi 21:3, 4.
KUMBI TITENERE KUGOMEZGA VO BAYIBOLU LIKAMBA?
Hinya. Pe vifukwa viŵi vo titenere kuchitiya viyo:
-
Yesu wangulongo vo Ufumu waku Chiuta wazamuchita. Iyu wangukambiya akusambira ŵaki kuti apempherengi kuti Ufumu waku Chiuta uzi kweniso kuti khumbu laki lichitiki panu pasi. (Mateyu 6:9, 10) Yesu wangulongo mo pempheru ili lazamumukikiya.
Pa nyengu yo Yesu wenga pacharu chapasi, wachizanga akutama, wayuskanga akufwa ndipuso asani ŵanthu ŵe ndi nja waŵapaskanga chakurya! (Mateyu 15:29-38; Yohane 11:38-44) Pakuŵa Fumu ya Ufumu waku Chiuta, Yesu wangulongo vo Ufumu wenuwu wazamuchitiya ŵanthu ŵaki.—Chivumbuzi 11:15.
-
Vinthu vo vichitika pacharu vilongo kuti Ufumu waku Chiuta wepafupi. Yesu wangukambiya limu kuti Ufumu wechendajalikiski chimangu, pacharu chapasi paŵengi nkhondu, nja kweniso vidilirisi.—Mateyu 24:3, 7.
Venivi titiviwona mazuŵa nganu. Mwaviyo, tigomezga kuti Ufumu waku Chiuta utuzgengepu masuzgu ngenanga pambula kuswera.
ŴANAŴANIYANI FUNDU IYI
Kumbi umoyu wazamukuŵa wuli mu Ufumu waku Chiuta?
Bayibolu limuka fumbu ili pa SALIMO 37:29 ndi YESAYA 65:21-23.
Mungayanja Kuŵerenga so Nkhani Izi
ESSENTIAL BIBLE TEACHINGS
Kumbi Ufumu Waku Chiuta Ntchinthu Wuli?
Pa nyengu ya uteŵeti waki Yesu wasambizanga ukongwa za Ufumu waku Chiuta kuluska nkhani yinyaki yeyosi. Kwa vyaka vinandi akusambira ŵaki nawu apempheranga ukongwa kuti Ufumu waku Chiuta uzi.
CHIGONGWI CHA MLINDA
Kumbi ndi Vinthu Wuli vo Ufumu Waku Chiuta Ufiskengi?
Yesu waziŵanga kuti Ufumu waku Chiuta ndi boma lija lo lingamalisa masuzgu ngosi pacharu. Kumbi ndi vinthu wuli vo Ufumu waku Chiuta wachitapu kuti tiwugomezgi?
VAKUKWASKANA NDI ISI
Ntchifukwa Wuli Tikhumbika Kusambira Bayibolu?—Vidiyo Yosi
Bayibolu limuka mafumbu nga ŵanthu mamiliyoni nganandi pacharu chosi ngakukwaskana ndi umoyu. Kumbi mungayanja kuja mu gulu la ŵanthu ŵenaŵa?
VO BAYIBOLU LISAMBIZA
Yesesani Kusambira Bayibolu
Sambirani Bayibolu kwawezi ndi munthu yo wakusambizeningi.
