Pa 7 February 2021, Bayibolu la Charu Chifya la Malemba nga Chigiriki Ngachikhristu likutuzgika mu chineneru cha Chikisi. Akufwatuliya, angugwira ntchitu yakufwatuliya Bayibolu lenili kwa chaka ndi hafu.

Mubali Joseph Mensah, wa mu Komiti ya Nthambi ya ku Liberia, ndiyu wangutuzga Bayibolu lenili mu pulogilamu yo yinguchita kujambulika.

Mabayibolu ngakuchita kupulinta ngangutumizika kutuwa ku ofesi ya nthambi ya ku Central Europe kuluta ku Guinea, Liberia, ndi ku Sierra Leone. Mabayibolu yanga, nganguperekeka kwa apharazgi akujumpha 1,200 wo alongoro Chikisi mwakulondo ulongozgi wakujivikiliya ku COVID-19.

Timu yimoza yo yija ndi akufwatuliya atatu ndiyu yingugwira ntchitu yakufwatuliya Bayibolu lenili. Yumoza mwaku wo afwatuliyanga wangukamba kuti: “Abali wo alongoro Chikisi amukondwa ukongwa kuŵerenga Bayibolu ili chifukwa ndambula kusuzga kuvwisa. Bayibolu ili liwovyengi kuti ŵanthu Achikisi aziŵi uneneska kweniso kuti awuyanjengi.”

Wakufwatuliya munyaki so wangukamba kuti: “Bayibolu ili ndi mphasu yapade yakutuliya kwaku Yehova ndipu iyu walongo kuti watindiyanja kweniso watanja ŵanthu wosi wo alongoro Chikisi.”

Tigomezga kuti Bayibolu lenili liŵawovyengi ukongwa abali ndi azichi ŵidu kuti alutirizgi kuvwa ndi kuchita vo mazu ngaku Chiuta ngakamba.—Yakobe 1:22.