Tusimpi 7:1-27
7 Mwanaangu, kobamba majwi aangu,Alimwi kojatisya milawo yangu.+
2 Kobamba milawo yangu kuti uzumanane kupona;+Kobambilila malailile* aangu mbuli imboni yaliso lyako.
3 Kozyaanga kuminwe yako;Kozilemba acilembelo camumoyo wako.+
4 Ambila busongo kuti, “Yebo uli mucizyi wangu,”
Akwiita maano kuti, “mwanookwesu,”
5 Kutegwa ukwabililwe kumukaintu muzangi,*+Kumukaintu uutalilemeki* waambaula majwi aakoongelezya.+
6 Nindakali awindo lyaŋanda yangu,Ndakasondela awindo lyangu lyatupulo-pulo akulanga ansi,
7 Eelyo nindakali kulangilila bantu bafwubafwuba,*Ndakabona mulombwana umwi uutakwe maano* akati kabakubusi.+
8 Wakainda munzila afwaafwi ampoziswaanganina nzila munsi-munsi ankwakkala mukaintu uutalilemeki,Wakeenda kugama kuŋanda yamukaintu ooyu
9 Kulubundubundu, imangolezya,+Nokuyanda kusiya akuba masiku.
10 Mpoonya ndakabona mukaintu iwakaswaangana anguwe,Wakasamide mbuli muvwuule,*+ alimwi wakalaamoyo wabumpelenge.
11 Mukaintu ooyu ulayobeka alimwi tamvwi pe.+
Takkali* aŋanda.
12 Ciindi eeci uli anze, kaindi-kaindi wasika kale mumabuwa aabuleya,Ulasobelela afwaafwi amasena oonse mpoziswaanganina nzila.+
13 Wamujata mulombwana akumumyonta;Cakutalisenda mukaintu ooyu waambila mulombwana kuti:
14 “Ndajisi mulimo wakupa zipaizyo zyalumvwano.+
Sunu ndazuzikizya zikonke zyangu.
15 Ncindazwida buya anze kuti ndiswaangane anduwe,Kuti ndikuyandaule, eelyo cabota ndakujana!
16 Bulo bwangu ndabuyala azyakulivwumbya zibotu,Amilembo mibotu yaku Egepita.+
17 Bulo bwangu ndabusansaila tununkilizyo twamuro, aloye alimwi asinamoni.+
18 Koboola, tukkute luyando kusikila mane kuce;Atulikkomanisye amisobano yaluyando,
19 Nkaambo mulumaangu tako kuŋanda pe;Uli mulweendo lwamusinzo mulamfwu.
20 Watolelezya ankomo yamali,Takajoki kusikila mane ukakkwane mwezi.”
21 Mukaintu ooyu wamweena amajwi manji aatola moyo.+Wamoongelezya amajwi aabucenjezu.
22 Ndilyonya ngooyo wamutobela mbuli mupoho uuyakukujaigwa,Mbuli mufwubafwuba uuyakukusubulwa muziliba,+
23 Kusikila mane muvwi wayasa muni wakwe;Mbuli kayuni kafwambaana kunjila mukakole, tazyi kuti eeci cilamujazya.+
24 Lino, nobana bangu, amundiswiilile;Amwaabikkile maano majwi ngondaamba.
25 Utalekeli moyo wako kuti uleye akutobela nzila zyakwe.
Utaleyeli munzila zyakwe,+
26 Nkaambo wajazya bantu banji,+Alimwi aabo mbaajaya mbanji kapati.+
27 Ŋanda yakwe itola ku Cuumbwe;*Iselemukila kutwaanda twamukati twalufwu.
Bupanduluzi buyungizyidwe
^ Naa “mulawo.”
^ Naa “batacenjede; batakwe luzyibo.”
^ Mu Chihebrayo, “uutakwe moyo.”
^ Naa “Wakasamide cisani camuvwuule.”
^ Mu Chihebrayo, “Maulu aakwe taakkali.”
^ Naa “Cikkalilo Cabafwu.” Amubone Bupanduluzi Bwamabala.
