Sena Ncobeni Bafwide Balakonzya Kupona Alimwi?
Sena inga mwaingula kuti . . .
-
inzya?
-
peepe?
-
ambweni?
NCOLYAAMBA BBAIBBELE
“Kuyooba bubuke.”—Milimo 24:15, Busanduluzi bwa Nyika Mpya.
MBOMUKONZYA KUGWASYIGWA
Mulakonzya kuumbulizyigwa ciindi nomwafwidwa bayandwa banu.—2 Bakorinto 1:3, 4.
Inga camupa kutaciindizya kuyoowa lufwu.—Bahebrayo 2:15.
Mulakonzya kuba abulangizi bwini-bwini bwakuyootambula bayandwa banu ibayoobusyigwa kuzwa kulufwu.—Johane 5:28, 29.
SENA NCOBENI TULAKONZYA KUSYOMA NCOLYAAMBA BBAIBBELE?
Inzya, akaambo katwaambo ootu totatwe:
-
Leza nkasensa kabuumi. Bbaibbele lyaamba kuti Jehova Leza ‘nkasensa kabuumi.’ (Intembauzyo 36:9; Milimo 17:24, 25) Ooyo iwakalenga zintu zyoonse zipona, ncobeni ulijisi nguzu zyakubusya muntu wakafwa.
-
Kaindi Leza wakabusya bantu kuzwa kulufwu. Ibbaibbele lilaamba ziindi zili lusele kujatikizya bantu ibakabusyigwa anyika. Akati kabantu aaba, bamwi bakali bana, bapati, baalumi, alimwi abamakaintu. Bamwi bakafwide buyo kwaciindi cisyoonto, pele umwi wakali mucuumbwe mazuba one!—Johane 11:39-44.
-
Leza uliyandide kuyoobusya bafwide. Jehova taluyandi lufwu; ulubona kuti ngusinkondo. (1 Bakorinto 15:26) ‘Uliyandide’ kumuzunda sinkondo ooyu, nkokuti kulumana lufwu kwiinda mububuke. Uliyandide kuyoobusya bantu mbayeeya kutegwa bakapone alimwi anyika.—Jobu 14:14, 15.
INO MUYEEYA BUTI?
Nkaambo nzi ncotucembaalila akufwa?
Ibbaibbele lilawiingula mubuzyo ooyu mulugwalo lwa MATALIKILO 3:17-19 alwa BAROMA 5:12.
Andiza Inga Mwaakkomanina Ayaaya
NJIISYO ZYAMU BBAIBBELE ZIYANDIKA
Ino Bafwide Bali Muciimo Nzi?
Bbaibbele lisyomezya ciindi bantu banji bafwide nobayoobusyigwa, mbubwenya mbwaakabusyigwa Lazaro.
NGAZI YAMULINDIZI
Bulangizi Kubantu Bafwide—Ino Inga Mwasinizya Buti Kuti Nkobuli Ncobeni?
Bbaibbele lilapa twaambo tobilo tutupa kusyoma mububuke.
KUJATIKIZYA NDISWE
Nkaambo Nzi Ncomweelede Kwiiya Bbaibbele?
Bbaibbele lilapa bwiinguzi kumibuzyo iibakatazya kapati bantu banji mubuumi. Sena inga mwayanda kuba akati kabo?
NJIISYO ZYAMU BBAIBBELE
Amulembe Foomu Kuti Kamuyanda Kwiiya
Amwiiye Bbaibbele amwiiyi kakunyina kubbadela.
