Ja smeranil sbʼaja Dyos sok ja Jesukristo
Ama ja kristyano wa xyayi stoyjel jitsan dyosik, kechanta ay jun Dyos smeranil (Juan 17:3). Yeʼn ja maʼ jel ‹Niwan Juntiro›, ja Kʼuluman bʼa spetsanil ja jastik junuk sok ja Yechalil ja sakʼanili. Kechanta yeʼn wa sbʼajin oj jtoytik (Daniel 7:18; Apocalipsis 4:11).
¿Machunkiluk ja Dyos?
Ja sbʼiʼil ja Dyosi wa xtax ja bʼa mero tsʼijbʼaxi JUNUK 7,000 EKʼELE
JYOBA ja sbʼiʼil ja Dyos
AJWALAL, DYOS, TATAL—Jujuntik yaljelik wa x-axiyi ja Jyoba
¿Jas sbʼiʼil? Ja Dyos wa xyala: «Keʼna Jyoba. Jani jaw ja jbʼiʼili» (Isaías 42:8). Ja bʼa Biblia wa xtax junuk 7,000 ekʼele ja sbʼiʼil ja Dyos. Pe bʼa jitsan Biblia skusuneje sok yaʼuneje ochkan yaljelik jastal Ajwalal. Ja Dyos wa skʼana oj yamigoʼuka sok oj wa makunuk ja sbʼiʼili (Salmo 105:1).
Tuk yaljelik bʼa wa xnaji sbʼaj ja Jyoba. Ja Biblia wa staʼa tiʼal ja Jyoba soka yaljelik jastal Dyos, jel Juntiro ja yipi, Kʼuluman, Tatal, Ajwalal, jel niwan juntiro. Ja bʼa Biblia wa xcha jtaʼatik jitsan orasyonik bʼa kʼotum sbʼaj ja Dyos bʼa wa staʼawe tiʼal ja tuk yaljelik bʼa wa xnaji sbʼaj soki sok ja sbʼiʼil, ja Jyoba (Daniel 9:4).
Juan 4:24). Ja Biblia wa xyala: «Mini ma‘ yilunejuka ja dyosi» (Juan 1:18, Ja yajkʼachil sju‘unil ja dyosi [YD]). Ja Biblia wa xyala ja Dyosi wa xbʼobʼ tristeʼaxuk ma wa xbʼobʼ gustoʼaxuk yuja jas wa xkʼulantiki (Proverbios 11:20; Salmo 78:40, 41).
¿Jastal kʼotel ja Dyos? Ja yeʼn jach jastal ikʼ ason bʼa mi x-ilxi (Ja tsamalik smodo. Ja Dyos junxta wa xyila spetsanil ja kristyano, ama tuktukil ja slugare ma ja smodoʼe (Hechos 10:34, 35). Wa sjeʼa yajulal kʼujol sok snajel syajal, ay spasensya, ayiʼoj yajalkʼujol mey stikʼanil sok tolabida wa xyala ja smeranili (Éxodo 34:6, 7). Pe bʼa spetsanil ja tsamal smodoʼik it, ay chane jel xpaywani.
Ja ipal. Yeʼn ja «Dyos maʼ jel Juntiro ja yipi». Ja it wa stojolan ja yip yiʼoji mey stikʼanil bʼa yajel kʼotuk spetsanil ja jas wa skʼapa (Génesis 17:1).
Ja biboʼil. Ja Dyos kechanta yeʼn mas jel bibo. Ja yuj, ja Biblia wa xyala «kechan ye‘n wa sna‘a [ma jel bibo]» (Romanos 16:27, YD).
Jel toj. Ja Dyos tolabida wa skʼulan ja jas toji. «Tsʼikan lek [ma toj lek] ja yaʼtel» sok «mini tʼun skʼulan ja bʼa mi tojuki» (Deuteronomio 32:4).
Ja yajalkʼujol. Ja Biblia wa xyala ja «[D]yosi ja‘ni ja yajtaneli» (1 Juan 4:8, YD). Ja Dyos mi kechan wa sjeʼa yajalkʼujol, pes yujni jach kʼotel ja yeʼn. Spetsanil ja jas wa skʼulani jani wa xnikjiyuj yuja syajal skʼujoli sok yuja jaw wa xkilatik jitsan slekilal.
Ja jastal wa xyila sbʼaj soka kristyano. Ja Dyos yeʼn ja jTatik tey bʼa satkʼinal bʼa jel xyajtani (Mateo 6:9). Ta ay kiʼojtik skʼuʼajel bʼa yeʼna, oj bʼobʼ yamigoʼukotik (Salmo 25:14). Ja yeʼn wa skʼana oj mojxukotisok, yajelyi orasyon sok yaljel yabʼ spetsanil ja jwokoltik yuja wa xcham skʼujol jmoktiki (1 Pedro 5:7; Santiago 4:8).
¿Junxta maʼ ja Dyos soka Jesukristo?
Ja Jesús soka Dyos mi junxta kʼotele. Ja Jesús kechanta yeʼn kʼulaji yuja Dyos. Ja yuj ja Biblia wa xya sbʼiʼiluk Yunin Dyos (Juan 20:31). Ja Jyoba skʼulan ja Jesús, ja bʼajtan yunini, sok tsaʼan stʼojo «aʼtijum jel chapan» bʼa oj skʼuluk ja sutsatkʼinali sok spetsanil ja jastik sakʼan ayi (Proverbios 8:30, 31; Colosenses 1:15, 16).
Juan 7:29, YD). Yajni wan loʼil sok jun snebʼuman ixuk, ja Jesús yala sbʼaja Jyoba: «Ja jtati ja‘ni ja watatex ja we‘nlexi» sok «ja jdyosi ja‘ni ja wadyosex ja we‘nlexi» (Juan 20:17, YD). Yajni chami, ya sakʼwuk bʼa oj ajyuk bʼa satkʼinal, yaʼa kulan bʼa stojol skʼabʼ sok yayi niwan xchol (Mateo 28:18; Hechos 2:32, 33).
Ja Jesús mini tʼun yala ta kʼotel Dyos. Ja yeʼn yala: «Ye‘nani [ja Dyos] jakelon yuji. ye‘nani sjekawon ko‘na» (Ja Jesukristo oj bʼobʼ skoltaya bʼa oj mojxan soka Dyos
Jak ja bʼa Luʼum bʼa oj sjekitik jastal ja sTati. Ja Jyoba yala sbʼaja Jesús: «Ja iti, jaʼ ni ja cunini. Jel yaj huax cabi. Maclayic» (Marcos 9:7). Ja Jesús yeʼnani mas wa snaʼa sbʼaja Dyosi. Yala: «Mini june ma‘ wa sna‘a sbʼaj ja tatali kechan ja yunin sok ja ma sje‘unejxa yi‘ ja yunini» (Lucas 10:22, YD).
Wa sjeʼa tsʼikan lek ja smodoʼik ja Dyos. Ja Jesús snocho tsʼikan lek ja smodoʼik ja sTati. Ja yuj yala: «Ja maʼ huax yilahuon ja quen, huan nix yila ja Tatala» (Juan 14:9). Soka jas yala soka jas skʼulani, ja Jesús skoltay ja kristyano amojxuke soka Dyos, pes sjeʼayile ja junxta yajalkʼujol wa xjejiyile yuja sTati. Ja Jesús yala: «Ke‘nani ja bʼejoni ke‘nani ja smeraniloni ke‘nani ja sakʼaniloni mi ma‘ oj kʼotuk ja bʼayi ja tatali kechan yuj ja ke‘ni ojni kʼotuka» (Juan 14:6, YD). Cha yala: «Kʼota ja kʼakʼu‘i. tixa aya. ja ma‘tik wa skʼuman merani ja jtatiki ti wa skʼulane‘a [sok ja yip ja Dyos] sok [...] ja smeranili. yuj ja jtatiki wa sle‘a ja ma‘tik wa skʼuman jachuki» (Juan 4:23, YD). ¡Pensaran ja it! Ja Jyoba wan slejel kristyano jastal weʼna bʼa wa skʼanawe snajel ja smeranil sbʼaja yeʼn.