Ja Dyosi skʼulunej ja skwerpo ja ixuk winik bʼa yeʼnta a-stsuts sbʼaj. June maʼ lek ay ja skwerpo yajni wa xyajbʼi ma wa xnosi, «ja bʼa skwerpo wego wa xkʼe aʼtijuk jun jasunuk bʼa wa xya tojbʼuk ja yajbʼel bʼa niwan ma chʼin» (Johns Hopkins Medicine). Ja skwerpo ja ixuk winik wego wa xkʼe aʼtijuk bʼa yajel kʼot tekʼan ja chikʼi, bʼa oj tojbʼuk ja yajbʼeli sok mas pimxa wa xkan ja bʼa wa xyajbʼi.

PENSARAʼAN JA IT: Ta ja jKʼulumantiki tsamalxta xchapa ja skwerpo ja ixuk winik bʼa yeʼnta a-stsuts sbʼaj, ¿sbʼej maʼ oj jkʼultik dudar mi oj skoltayotik ja jastal wa xkabʼ ayotiki? Ja tsʼebʼanumi skʼuʼani lek ja Dyosi «wa stojbʼes ja matik yajbʼel ja skʼujol; sok ja yeʼn wa sbʼechʼa ja syajbʼelik» (Salmo 147:3). Ta ja weʼn x-ekʼabʼaj jun jasunuk bʼa jel ya ochuka tristeʼil, ¿jasa wa xya kʼuʼuk lek ja Dyos bʼa ojni sbʼechʼ jawa yajbʼelik ja wego sok ja bʼa tyempo jakumi?

Ja Dyosi wa xyalakabʼtik: «Mok xiwan, yujni ja keʼn teyona moka. Mok jas chamuka kʼujol, yujni keʼnon jawa Dyosi. Keʼn ja maʼ oj jtsatsankʼujolana, jaʼi, keʼn oj jkoltaya» (Isaías 41:10). Snajel ja Jyoba wa syajtayotik wani xyakitik lamanil sok kiptik bʼa oj kuchkujtik ja wokoliki. Ja jekabʼanum Pablo yala jani ja «lamanil bʼa Dyos bʼa masto ekʼel yuj yibʼanal ja yabʼjel stojoli» (Filipenses 4:4-7, TNM). Sok tsaʼan yala: «Oj bʼobʼ jkʼuluk spetzanil ja jastik junuki stzʼakatal ja ma‘ wa xya‘a ki‘ ja kipi» (Filipenses 4:9, 13, Ja yajkʼachil sju‘unil ja dyosi).

Ja Biblia wa xya tsatsbʼuk ja skʼuʼajel kiʼojtik bʼa ojni ya kʼot smeranil ja Dyos ja jas skʼapunej. Jun sjejel, ja Apocalipsis 21:4, 5 (tey bʼa pilan slam) wa xyalakabʼtik jasa oj skʼuluk ja Dyosi sok jas yuj wa xbʼobʼ jip jkʼujoltik bʼa yeʼn.

• «Mi xa ni oj to ocʼuque otro vuelta». Ja Jyoba oj xchʼaysnajel yibʼanal ja jastik wa xyakitik wokoli sok ja jitsan chamkʼujolik ama yal chʼinuk.

• Ja jKʼulumantiki «ti culan ecʼ ja ba nihuan silla» man satkʼinal bʼa oj ya makunuk ja yip sok ja xcholi bʼa mixa oj kitik wokol.

• Ja Jyoba wa xya jkʼuʼuktik lek ja jas kʼapuneji «smeranil nia». Wa xkʼan kaltik, ja Jyoba, * ja Dyos smeranili, wa xya makunuk ja sbʼiʼil bʼa wa xya jkʼuʼuktik ojni ya kʼotuk ja jastik skʼapuneji.

«‹Mi xa ni oj to ocʼuque otro vuelta. Mi xa oj to tristeaxuque. Mi xa ni oj couc mas ja xchamelei. Mi oj ajyuc ja syajal ja scuerpoei. Mi ni maʼ oj chamuca porque ja svidae jastal ajyi, ecʼ ta ni juntiroa, stzʼacatal ja Diosi. Ti cʼumani ja yen ja maʼ ti culan ecʼ ja ba nihuan silla: —Meran nia. Puro yajcʼachil oj cʼuluc spetzanil ja jas ayi›» (Apocalipsis 21:4, 5).

Ja skʼulbʼenik sok ja Biblia wa skoltayotik bʼa oj jnatik sbʼaj ja jTatik Dyos tey bʼa satkʼinali. Ja skʼulbʼeniki chʼabʼanxta wa slokowotik bʼa oj bʼobʼ kamigoʼuktik ja Dyosi, sok jaxa Biblia jaman lek wa xyalkabʼtik: «Ajyanic cʼuban soc ja Diosi, jach ni ja yeni, mojan ni oj ajyuc amoquexa» (Santiago 4:8). Sok ja Hechos 17:27 wa xyala: «Ja Dios sacʼani, mi ni najatuc ay jmoctica».

Yajni waxa pila mas tyempo snajel sbʼaj ja Dyosi, mas oja kʼuʼuk wani xchamskʼujol amok (1 Pedro 5:7). ¿Jasa slekilal oja wil sjipjel akʼujol bʼa Jyoba?

Pensaraʼan ja jas ekʼ sbʼaj ja Toru, jun winik bʼa Japón. Ama ja snan sjeʼayi ja srelijyoni, ja yeʼn xchʼika sbʼaj sok jun kʼole milwanumik sbʼiʼil yakuza, bʼa Japón. Ja yeʼn wa xyala: «Jpensaraʼan ja Dyosi wa xyilkʼujolanon, sok yajni wa xkila wa xchamye ja ixuk winiki, mastoni ja yajni wa xcham june bʼa jel xkʼana, wa xpensaraʼan wan yajelki kastigo». Smojtajel ekʼ ja kʼole milwanumik it, aji paxuk jun winik bʼa jel malo sok mi snaʼa syajal ja smoji. Ja yeʼn wa xjulskʼujol sbʼaja jas wa skʼana ajyi: «Wa xkʼana keremto oj jchamkon ajyi sok anajuk jbʼaj lek yuja jmila june mas jel malo yuja keʼn».

 Pe yajni ja Toru sok ja xcheʼum, Hannah, kʼe spaklaye ja Biblia, ja yeʼn stukbʼes jitsan jastik junuk ja bʼa sakʼanil sok ja splanta. Ja Hannah yala: «Jel cham yiljel ja jastal stukbʼes ja smodo ja jtatami». Ja wego, ja Toru wa xyala jaman lek: «Jkʼuʼunej lek ayni jun Dyosa sok wa xchamskʼujol bʼa jujune ja keʼntiki. Ja yeʼn mi skʼana ay maʼ oj chamuk sok pwesto ay bʼa yajel perdon ja matik wa sutxi skʼujoli. Wani xbʼobʼ kaltikyabʼ chikan jasunuk bʼa mi xbʼobʼ kaltikyabʼ ja tuki yuja mi xyabʼyotike stojol. Mojanxa ja Jyoba oj xchʼak spetsanil ja wokolik wa xya kabʼtik syajali. Man wego wa skoltayotik bʼa tuktukil modoʼik jel chamyabʼjel. Jel xchamskʼujol bʼa keʼntik sok wa stalnayotik ja yajni tristeʼaytik» (Salmo 136:23).

Jastalni wa sjeʼa ja jas ekʼ sbʼaj ja Toru, snajel ja Dyos wa xbʼobʼ xchʼak ja jastik wa xyakitik wokoli sok mojanxa oj skʼuluk wani xyakitik jun tsamal smajlajel sok wa skoltayotik bʼa oj kitik jun jsakʼaniltik mas lek. Ja yuj, ama teyotik bʼa jun luʼumkʼinal bʼa jel ja wokoli, ja weʼn wani xbʼobʼ wa el slekilal ja syajal skʼujol ja Dyos.