Makgapitsi lakgkgolotsin kuentajtlawakgo congregación. Max puxam congregaciones makgatsikgo akgtum circuito. Ni xmakgasna chatum kgolotsin kalakgapaxialhnan congregaciones nema wanikan superintendente viajante.

 Niku pulalinkan taskujut xla xtatayananin Jehová xlikalanka katiyatni nema wi kWarwick, (Nueva York), E.U.A., makgapitsi natalan nema kawanikan Lakgkgolotsin tiku Pulalinankgo, mastakgo tastakyaw nema takilhtinit kBiblia xpalakata congregaciones xlikalanka katiyatni. Xputumkan akglhuwata kata xtatayananin Jehová litaxtukgonit (Hechos 15:23-29; 1 Timoteo 3:1-7).