Akxilhnitaw pi lhuwa tiku kgalhikgoya xtakanajlakan lakgatikgo lichuwinankgo xlakata Biblia. Pero akinin kkatsiyaw pi chatunu chatunu tlan nakgalhi takanajla nema nalakgati chu ni fuerza kawaniyaw pi kakanajlakgolh la akinin.

 Akxni lichuwinaw takanajla, tlawayaw chuna la wan Biblia pi «lakatitum», chu «na takakswan» katachuwinanaw amakgapitsin (1 Pedro 3:15). Katsiyaw pi wilakgolh tiku ni katilakgatikgolh tuku klichuwinanaw (Mateo 10:14). Pero talakaskin nakkatachuwinanaw latamanin xlakata nakkatsiyaw tuku lakpuwankgo. Nachuna, xlatamatkan latamanin talakgpali.

 Akgtum liʼakxilhtit, chatum tiku ni limakgwani, max atanu kilhtamaku akxni ni lu kgalhi taskujut max nakinkakgaxmatniyan. Nachuna, min kilhtamaku latamanin kgalhikgo taʼakglhuwit nema tlawa naputsakgo xtastakyaw Biblia. Wa xlakata makglhuwa kkalakganaw.