Tachuwin xagriego nema tamaklakaskilh akxni tsokgka Biblia chu tamatitaxti «pusikulan», o iglesia wa kilhchanima congregación, wa tiku ni makgxtakgkgo Dios, chu ni wa kilhchani niku tamakxtumikan.

 Akgtum li’akxilhtit, akxni apóstol Pablo katsokgnanilh kstalaninanin Cristo xalak Roma, malakgachanilh tapakgachipat akgtum tamakgaxtokgat, Áquila chu Priscila, chu wa: «Na kakilamakgachipanitit pusikulan tiku tamakxtumikgo kxchikkan» (Romanos 16:5, Nueva Versión Internacional). Xlikana pi Pablo xmalakgachanima tapakgachipat latamanin, congregación tiku xtamakxtumikgo k’uma chiki. a

 Wa xlakata, ni kwaniyaw pusikulan niku kkakninanaw, wata kwaniyaw Pukgalhtawakga.

 Pulaklhuwa tuku xlakata chuna wanikan. Unu wi makgapitsi:

•   Niku ktamakxtumiyaw akgtum pukgalhtawakga.

•   Ktamakxtumiyaw xlakata nakmalankiyaw Jehová, Dios tiku lichuwinankan kBiblia chu xlakata naklichuwinanaw (Salmo 83:18; Isaías 43:12).

•   Na ktamakxtumiyaw xlakata tlakg nakkatsiniyaw xlakata xTamapakgsin Dios, nema lu lichuwinalh Jesús (Mateo 6:9, 10; 24:14; Lucas 4:43).

 Kkawaniyan pi kapit k’akgtum Pukgalhtawakga nema wi lakatsu kminchik xlakata na’akxilha la tatlawa xtamakxtumitkan xtatayananin Jehová.