Jop 30:1-31
30 “Nau ol man i yangpela moa long miOl i lap long mi,+Ol papa bilong ol kain man olsem, mi no inap larim olLong helpim ol dok i save lukautim ol sipsip bilong mi.
2 Ating ol dispela yangpela man i gat strong bilong helpim mi, a? Nogat tru.
Strong bilong ol i pinis.
3 Ol i sot long kaikai na ol i hangre, na ol i kamap bun nating.
Na ol i kaikai graun i draiWe i bagarap na i no gat man i stap long en.
4 Ol i save kisim ol lip bilong ol liklik diwai i gat sol.
Na ol i save kaikai rop bilong ol liklik diwai brum.*
5 Ol i rausim ol long ples bilong ol.+
Na ol manmeri i save bikmaus antap long ol olsem ol man i save mekim long ol stilman.
6 Olsem na ol i save i go stap long ol veli,*Na long ol hul insait long graun na insait long ol bikpela ston.
7 Namel long bus ol i singautNa ol i bung na paspas namel long ol gras i gat nil.
8 Ol i bin rausim* ol dispela man i goNa ol i stap olsem ol pikinini man bilong ol man i no gat gutpela tingting na ol man i no gat nem.
9 Tasol nau ol i tok bilas long mi na long ol singsing bilong ol tu ol i mekim olsem.+
Na ol i lukim mi olsem samting nating na ol i rabisim mi.+
10 Ol i no laik tru long mi na ol i stap longwe long mi.+
Na ol i spet long pes bilong mi.+
11 God i bin daunim mi na pinisim olgeta strong bilong mi,*Olsem na ol i no larim wanpela samting i pasim* ol long mekim nogut long mi.
12 Long rait sait bilong mi, ol i bung wantaim na i kam bilong pait long mi;Ol i ranim mi i go naOl i pasim rot bilong mi na bai ol i ken bagarapim mi.
13 Ol i brukim rot bilong miNa ol i mekim hevi bilong mi i kamap bikpela moa,+Na i no gat wanpela i stopim ol.*
14 I olsem ol i brukim banis na i kam.
Ol i kapsait i kam insait long ples i bagarap.
15 Mi pret nogut tru.
Na biknem bilong mi i no stap moa olsem win i kam i go,Na samting mi bilip na wet long en bilong helpim mi i pinis olsem klaut i go pinis.
16 Klostu nau mi bai dai,+Long olgeta de bodi bilong mi i pilim pen+ tasol.
17 Long nait, olgeta bun bilong mi i save pen nogut tru;+Na dispela pen i stap oltaim na i no save lusim mi.+
18 Em i pulim strong klos* bilong mi,*Na klos i pasim nek bilong mi olsem kola bilong siot i pasim nek bilong mi.
19 God, yu tromoi mi i go daun long graun malumalum;Na mi kamap samting nating olsem das na sit bilong paia.
20 Mi singaut long yu long helpim mi, tasol yu no putim yau long singaut bilong mi.+
Mi sanap long ai bilong yu, tasol yu lukluk tasol long mi.
21 Yu mekim nogut tru long mi.+
Long olgeta strong bilong yu, yu paitim mi long han bilong yu.
22 Yu tromoi mi i go antap na win i karim mi i go.
Na yu mekim strongpela win i tromoi mi nabaut.*
23 Mi save olsem yu bai mekim mi i dai,Na salim mi i go long haus we bihain olgeta manmeri bai i go long en.
24 Ating wanpela inap paitim wanpela man i bagarap olgeta,*+Taim em i singaut long kisim helpim long taim hevi i painim em, a? Nogat tru.
25 Mi bin krai long ol man em taim nogut i painim ol.*
Na mi bin sori long ol man i stap rabis.+
26 Mi bin ting olsem oltaim sindaun bilong mi bai i gutpela, tasol taim nogut i painim mi.
Mi bin ting lait tasol bai i stap, tasol tudak i kamap.
27 Oltaim bel bilong mi i wok long wari.
Na olgeta de, pen na hevi i save bungim mi.
28 Mi stap nogut na pes bilong mi i no lait.+ Na san tu i no lait.
Mi sanap namel long ol manmeri, na mi singaut long kisim helpim.
29 Mi kamap olsem brata bilong ol jekol,*Na mi stap olsem pren bilong ol pikinini meri bilong ostris.+
30 Skin bilong mi i kamap blakpela na i drai na i tekewe.+
Na sik i mekim skin* bilong mi i hat nogut tru.*
31 Ol i mekim wok long harp* bilong mi tasol bilong wokim musik bilong krai sori,Na ol i mekim wok long flut* bilong mi tasol long taim ol man i krai.
Ol Futnot
^ Wanpela liklik diwai bilong ples nating.
^ Hib., “wipim.”
^ Hib., “rausim string bilong banara bilong mi.”
^ O, “ol i rausim ain i save stap long maus bilong hos.”
^ O ating, “I no gat wanpela i helpim ol.”
^ I luk olsem dispela i makim skin bilong Jop.
^ O ating, “Hevi mi karim i nogut tru na i senisim lukluk bilong mi.”
^ O ating, “yu pinisim mi long traipela nois.”
^ Hib., “hip pipia.”
^ O, “ol i gat planti hevi.”
^ Jekol em wanpela kain wel dok.
^ Hib., “ol bun.”
^ O ating, “i gat fiva.”
^ O, “mambu.”
