Amosi 8:1-14
8 Yehovha Hosi Leyi Tlakukeke u ndzi kombe leswi exivonweni: A ku ri ni basikiti ya mihandzu ya ximumu.
2 Kutani a ku: “Amosi, xana u vona yini?” Hiloko ndzi ku: “Basikiti ya mihandzu ya ximumu.” Yehovha a ku eka mina: “Makumu ma fikele vanhu va mina va Israyele. A ndzi nge he va rivaleli.+
3 ‘Tinsimu ta le tempeleni ti ta hundzuka ta xirilo hi siku rero,’+ ku vula Yehovha Hosi Leyi Tlakukeke. ‘Mitsumbu yi ta va yi lo n’walala,+ ku ku tititi!’
4 Yingisani n’wina lava tshikilelaka swisiwanaNi lava dlayaka lavo rhula etikweni,+
5 Mi ri, ‘Xana nkhuvo wa ku huma ka n’weti wu ta hela rini+ leswaku hi ta xavisa mavele ya hina,Ni Savata+ leswaku hi ta xavisa mavele?
Leswaku hi ta hunguta mpimo wa efa*Hi tlakusa nxavo,*Ni ku endla swikalo swa vuxisi;+
6 Leswaku hi ta xava lava pfumalaka hi silivhereNi xisiwana hi maphaxani mambirhi,+Ni ku xavisa muhungu.’*
7 Yehovha, ku kwetsima ka Yakobo u hlambanye hi vito rakwe a ku,+‘A ndzi nge pfuki ndzi swi rivarile swiendlo swa vona.+
8 Hikwalaho ka sweswo tiko* ri ta tsekatseka,Hinkwavo vaakatiko va ta rila.+
Tiko hinkwaro ri ta suka ri yima ku fana ni nambu wa Nayili loko wu teleRi ta ya ehenhla ni le hansi ku fana ni nambu wa Nayili wa le Egipta.’+
9 ‘Hi siku rero,’ ku vula Yehovha Hosi Leyi Tlakukeke,‘Ndzi ta endla leswaku dyambu ri pela ninhlikanhi,Ku ta ku dzwii, dyambu ri lo hosi!+
10 Ndzi ta hundzula mikhuvo ya n’wina yi va nkosi,+Tinsimu ta n’wina ti ta va tinsimu ta swirilo.
Masenge ya n’wina ndzi ta ma ambexa xiambalo* xo khwaxa kasi tinhloko ta n’wina ti ta byevuriwa;Mi ta rila kukota munhu la rilelaka n’wana la nga swakwe,Siku rero ri ta hela hi mangava.’
11 ‘Vonani masiku ma ta,’ ku vula Yehovha Hosi Leyi Tlakukeke,‘Lawa ndzi nga ta rhumela ndlala etikweni,Ku nga ri ndlala ya xinkwa kumbe torha ra mati,Kambe ndlala ni torha ra ku lava ku twa marito ya Yehovha.+
12 Va ta tshetsheleka* ku suka elwandle rin’wana ku ya fika eka rin’wanaNi ku suka en’walungwini ku ya evuxeni.*
Va ta ya hala ni hala va lavana ni rito ra Yehovha, kambe a va nge ri kumi.
13 Hi siku rero vanhwana vo saseka ni majaha va ta titivalaHikwalaho ka torha;
14 Lava va hlambanyaka hi swikwembu swa mavunwa swa Samariya+ va ku:“Loko ntsena xikwembu xa wena xa ha hanya, wena Dani!”+
“Loko ntsena ndlela ya Bera-xeba+ ya ha hanya!”
Va ta wa, a va nge he pfuki.’”+
Tinhlamuselo ta le hansi
^ Vona Xiengetelo B14.
^ Hi Xiheveru, “xikele.”
^ Kumbe “vudyangwana.”
^ Kumbe “misava.”
^ Kumbe “nguvu.”
^ Kumbe “dedeleka.”
^ Kumbe “evuhumadyambu.”
