Obadiya 1:1-21
1 Xivono xa Obadiya:*
Yehovha Hosi Leyi Tlakukeke u vula leswi mayelana na Edomu:+
“Hi twe xiviko lexi humaka eka Yehovha,Ku rhumeriwe muyimeri exikarhi ka matiko a ku:
‘Hlomani, a hi lunghekeleni ku lwa na yena.’”+
2 “Waswivo! Ndzi ku endle u va lontsongo exikarhi ka matiko;U languteriwa ehansi swinene.+
3 Ku tikukumuxa ka mbilu ya wena ku ku xisile,+Wena loyi a tshamaka emabakweni,U tshama endhawini leyi tlakukeke, u tiba xifuva u ku,‘I mani loyi a nga ta ndzi tlhuva?’
4 Hambiloko wo tshama ehenhla* ku fana ni gama,Kumbe u aka xisaka xa wena exikarhi ka tinyeleti,Ndzi ta ku tlhuva u wela ehansi,” ku vula Yehovha.
5 “Loko a wo ngheneriwa hi makhamba, vaphangi va nivusiku,(Hakunene a va ta ku lovisa!)*
Xana a va nga ta yiva leswi va swi lavaka ntsena?
Kumbe, loko a wu ngheneriwe hi vakhi va madiriva,Xana a va nga ta siyanyana swo khwaja?+
6 Vona ndlela leyi Esawu a hlotiwaka ha yona!
Vona ndlela leyi rifuwo rakwe leri tumbetiweke ri laviwaka ha yona!
7 Va ku hlongorise ku ya fika endzilakaneni.
Vanhu hinkwavo lava u endleke ntwanano na vona va ku xisile.
Vanhu lava a wu hanyisana na vona va lwe na wena va ku hlula.
Lava dyaka xinkwa na wena va ta ku rhiya hi neteKambe a wu nge swi xiyi.
8 Hi siku rero,” ku vula Yehovha,“Xana a ndzi nge va lovisi lavo tlhariha eEdomu+Ni lava nga ni ku twisisa etikweni leri nga ni tintshava ra Esawu?
9 Tinhenha ta wena ti ta chava,+ wena tiko ra Temani,+Hikuva un’wana ni un’wana loyi a nga etikweni leri nga ni tintshava ra Esawu u ta dlayiwa.+
10 Hikwalaho ka tihanyi leti u ti endleke eka makwenu Yakobo,+U ta khomiwa hi tingana,+Naswona u ta loviseriwa makumu.+
11 Hi siku leri u yimeke u khondla mavoko,Hi siku leri valala va* endleke masocha yakwe mahlonga,+Hi nkarhi lowu valala* va ngheneke enyangweni yakwe kutani va avelana nhundzu ya Yerusalema hi vuhlolotwana,*+U yime na vona.
12 A wu nga fanelanga u giya hikwalaho ka leswi makwenu a weriweke hi khombo,+A wu nga fanelanga u tsaka loko Vayuda va lovisiwa,+A wu nga fanelanga u tibuma loko va ri emaxangwini.
13 A wu nga fanelanga u ta enyangweni ya vanhu va mina loko va hlaseriwa,+A wu nga fanelanga u khana hikwalaho ka khombo leri n’wi weleke,A wu nga fanelanga u teka rifuwo rakwe loko a hlaseriwa.+
14 A wu nga fanelanga u yima laha ku hlanganaka tindlela leswaku u dlaya vanhu vakwe lava balekaka,+Naswona a wu nga fanelanga u khoma vanhu vakwe lava poneke loko va hlaseriwa.+
15 Hikuva siku ra Yehovha ro lwa ni matiko hinkwawo ri le kusuhi.+
Leswi u swi endleke na wena u ta endliwa swona.+
Ndlela leyi u va khomeke ha yona van’wana na wena u ta khomiwa ha yona.
16 Ndlela leyi mi nweke ha yona ehenhla ka ntshava ya mina yo kwetsima,Matiko hinkwawo na wona ma ta tshamela ku nwa vukarhi bya mina ku fana ni vhinyo.+
Ma ta nwa, ma kukutlela vukarhi bya mina,Kutani swi ta fana ni loko ma nga si tshama ma va kona.
17 Kambe lava balekaka va ta va eNtshaveni ya Siyoni,+Yi ta va yo kwetsima;+Kutani yindlu ya Yakobo yi ta teka swilo swa vona.+
18 Yindlu ya Yakobo yi ta va ndzilo,Yindlu ya Yosefa yi ta va langavi,Kasi yindlu ya Esawu yi ta fana ni mahlanga;Va ta hisiwa, va hela,A ku na loyi a nga ta pona endlwini ya Esawu,+Hikuva Yehovha u swi vurile.
19 Va ta teka tiko ra Negebu ni ndhawu leyi nga ni tintshava ya Esawu,+Na Xefela ni tiko ra Vafilista.+
Va ta teka tiko ra Efrayimi ni ra Samariya,+Kasi Benjamini u ta teka Giliyadi.
20 Loko ku ri vanhu va Israyele lava nga le vuhlongeni lava nga suka endhawini leyi,+Va ta teka tiko ra Vakanana ku ya fika eSarepta.+
Vanhu va le Yerusalema lava nga evuhlongeni, lava a va ri eSefaradi, va ta teka miti ya Negebu.+
21 Lava nga ta va tshunxa va ta ya eNtshaveni ya SiyoniLeswaku va avanyisa tiko leri nga ni tintshava ra Esawu,+Vuhosi byi ta va bya Yehovha.”+
Tinhlamuselo ta le hansi
^ Leswi vulaka “Nandza Wa Yehovha.”
^ Kumbexana “u hahela ehenhla.”
^ Kumbexana “Xana a va ta teka yini?”
^ Hi Xiheveru, “switaswifamba swi.”
^ Hi Xiheveru, “lava humaka ematikweni man’wana.”
^ Vona Tinhlamuselo.
