Xana Vafi Va Ta Tlhela Va Hanya Hakunene?
Xana u nga vula u ku . . .
-
ina?
-
doo?
-
kumbexana?
LESWI BIBELE YI SWI VULAKA
“Ku ta va ni ku pfuxiwa.”—Mitirho 24:15, Bibele—Matsalwa Yo Kwetsima.
NDLELA LEYI SWESWO SWI NGA KU VUYERISAKA HA YONA
U ta chaveleleka loko u feriwa hi loyi u n’wi rhandzaka.—2 Vakorinto 1:3, 4.
U nge he chavisiwi hi rifu.—Vaheveru 2:15.
U ta va ni ntshembo wa ku tlhela u vona maxaka ya wena lama feke. —Yohane 5:28, 29.
XANA HI NGA SWI TSHEMBA HAKUNENE LESWI BIBELE YI SWI VULAKA?
Ina, hikwalaho ka swivangelo swinharhu:
-
Xikwembu i Munyiki wa vutomi. Bibele yi vula leswaku Yehovha Xikwembu i “xihlovo xa vutomi.” (Pisalema 36:9; Mitirho 17:24, 25) Loyi a nyikaka xivumbiwa xin’wana ni xin’wana lexi hanyaka vutomi, u ni vuswikoti byo pfuxa lava feke.
-
Xikwembu xi pfuxe vanhu enkarhini lowu hundzeke. Bibele yi vulavula hi vanhu va nhungu lava nga pfuxiwa ku nga vana lavatsongo, vanhu lavakulu, va xinuna ni va xisati. Van’wana a va ha ku fa, kambe un’wana se a ri ni masiku ya mune a ri esirheni!—Yohane 11:39-44.
-
Xikwembu xi tiyimisele ku tlhela xi swi endla. Yehovha wa ri venga rifu; u ri teka tanihi nala. (1 Vakorinto 15:26) U navela ku n’wi hlula nala loyi, a n’wi herisa hi ku pfuxa lava feke. U navela ku pfuxa hinkwavo lava nga emianakanyweni ya yena ni ku tlhela a va vona va hanya.—Yobo 14:14, 15.
XIVUTISO XO ANAKANYISISA HA XONA
Hikwalaho ka yini hi dyuhala hi tlhela hi fa?
Bibele yi hlamula xivutiso xexo eka GENESA 3:17-19 na VARHOMA 5:12.
U Nga Ha Tsakela
ESSENTIAL BIBLE TEACHINGS
Hi Xihi Xiyimo Xa Vafi?
Bibele yi tshembisa leswaku ku ta fika nkarhi lowu vafi va nga ta pfuxiwa eku feni ku fana na Lazaro.
SWIVUTISO LESWI HLAMURIWAKA HI BIBELE
I Yini Ku Pfuxiwa Ka Vafi?
Swi nga ha ku hlamarisa ku twa leswaku i vamani lava nga ta pfuxiwa enkarhini lowu taka.
XIHONDZO XO RINDZA
Hi Nga Tiyiseka Njhani Leswaku Ku Ta Va Ni Ku Pfuxiwa Ka Lava Feke?
Bibele yini swivangelo swimbirhi leswi twalaka swa ku va hi tshemba leswaku vafi va ta pfuxiwa.
MALUNGHANA NA HINA
Ha Yini U Fanele U Dyondza Bibele?
Bibele yi le ku pfuneni ka vanhu va timiliyoni emisaveni hinkwayo leswaku va kuma tinhlamulo ta swivutiso swa nkoka evuton’wini. Xana na wena u nge tsakeli leswaku yi ku pfuna?
TIDYONDZO TA BIBELE
Ringeta Dyondzo Ya Hina Ya Bibele
Kuma dyondzo ya Bibele ya mahala leyi katsaka wena ni mudyondzisi wa wena.
