NHLOKOMHAKA YA XIFUNENGETO | NDLELA YO LAWULA MIKHUVA YA WENA
2. Papalata Swiyimo Leswi Nga Ku Endlaka U Nga Yi Fikeleli Pakani Ya Wena
-
U tiyimisele ku dya swakudya leswi nga ni rihanyo lerinene, kambe loko u vona ice cream wa yi navela.
-
U lava ku tshika ku dzaha, kambe munghana wa wena loyi a swi tivaka leswaku u lava ku tshika ku dzaha u ku nyika fole.
-
U hlele ku endla vutiolori namuntlha, kambe u loloha hambi ku ri ku lava tintangu to tsutsuma ha tona ewadiropeni!
Xana wa ku vona ku yelana loku nga kona eka swiyimo leswi? Hakanyingi, ku vuriwa leswaku swilo leswi hi talaka ku swi endla ku katsa ni vanhu lava hi hetaka nkarhi wo tala hi ri na vona va ni nkucetelo loko swi ta emhakeni ya ku hlakulela mikhuva leyinene ni ku tshika mikhuva yo biha.
NSINYA WA NAWU WA LE BIBELENI: “U tlharihile la voneke khombo kutani a tumbela, kambe la nga riki na ntokoto u ye emahlweni kutani u fanele a xupuriwa.”
Bibele yi hi tsundzuxa leswaku hi ehleketa hi swilo swa nkarhi lowu taka. Loko hi endla tano, hi ta kota ku papalata swiyimo leswi nga endlaka leswaku hi tsandzeka ku fikelela tipakani ta hina ni ku endla leswinene. (2 Timotiya 2:
Endla leswaku swi ku tikela ku endla swo biha naswona swi ku olovela ku endla leswinene
LESWI U NGA SWI ENDLAKA
-
Endla leswaku swi ku tikela ku endla swo biha. Hi xikombiso, loko u lava ku tshika ku dya swakudya leswi nga riki na rihanyo, tshika ku swi xava. Hi ndlela yoleyo loko wo tshuka u swi naverile swi ta ku tikela ku swi kuma.
-
Endla leswaku swi ku olovela ku endla leswinene. Hi xikombiso, loko u lava ku endla vutiolori nimpundzu, lunghisa swiambalo swa wena ni madyambu. Sweswo swi ta ku pfuna leswaku u kota ku landzela xiyimiso xa wena.
-
Hlawula vanghana hi vukheta. Hakanyingi hi tala ku tekelela mikhuva ya vanhu lava hi hetaka nkarhi wo tala hi ri na vona. (1 Vakorinto 15:
33) Kutani papalata vanhu lava ku khutazaka ku endla swilo leswi u lavaka ku swi tshika ivi u ti hlanganisa ni vanhu lava ku khutazaka mikhuva leyinene.
