Samuwele Wa Ku Sungula 23:1-29
23 Siku lin’wani Davhida a byeliwe swaku: “Vafilista va hlasela doropa la Keyila,+ va teketela swakudla leswi nga tshoveliwa.”
2 Se Davhida a vutisa Yehovha a ku:+ “Ni famba ni ya dlaya Vafilista lava ke?” Yehovha a mu hlamula a ku: “Famba u ya va dlaya, u ponisa doropa la Keyila.”
3 Kambe vavanuna lava a va li na Davhida va ku: “Hambi kola Yuda+ hi nga kona ha chava; se swi ta ku yini loko hi ya lwa ni Vafilista aKeyila?”+
4 Davhida a tlhela a vutisa Yehovha,+ kutani Yehovha a mu hlamula a ku: “Famba u ya Keyila hikusa ni ta nyikela Vafilista ka mavoko ya wena.”+
5 Se Davhida ni vanhu lava a va li na yena va famba va ya Keyila, va ya lwa ni Vafilista; va teka swifuyu swa vona, va tlhela va dlaya Vafilista va vanyingi; Davhida a ponisa vanhu lava a va tshama ka doropa la Keyila.+
6 A nkama Abiyatari+ n’wana wa Ahimeleki a nga baleka a ya ka Davhida aKeyila, a fambe ni efodi.*
7 Sawulo a byeliwa swaku Davhida a ye aKeyila. Kutani Sawulo a ku: “Xikwembu xi nyikele Davhida ka mavoko ya mina,*+ hikusa a tiphasile hi ku ya ka doropa leli nga ni swipfalu leswi khiyiwaka.”
8 Sawulo a byela masonchwa hinkwawu swaku ma famba ma ya nyimpini, swaku ma ya nyima ka matlhelo hinkwawu ya doropa la Keyila swaku Davhida ni vanhu va yena va nga humi.
9 A nkama Davhida a nga twa swaku Sawulo a mu hambela planu* la ku mu dlaya, a byela muprista Abiyatari a ku: “Tisa efodi halenu.”+
10 Se Davhida a ku: “Hosi Yehovha Xikwembu xa Israyele, ni twe swaku Sawulo a lava ku ta aKeyila a ta helisa doropa leli hi mhaka ya mina.+
11 A varhangeli* va doropa la Keyila va ta ni nyikela ka mavoko ya yena? Indjhe Sawulo a ta ta, hi ku ya hi leswi ni nga swi twa? Hosi Yehovha Xikwembu xa Israyele, ni kombela u ni byela.” Kutani Yehovha a mu hlamula a ku: “Ina, a ta ta.”
12 Davhida a vutisa a ku: “A varhangeli va doropa la Keyila va ta ni nyikela ka mavoko ya Sawulo, mina ni vanhu va mina?” Yehovha a mu hlamula a ku: “Ina, va ta mi nyikela.”
13 Se Davhida ni kolomuyani ka 600 wa vavanuna lava a va li na yena,+ va vhela va suka aKeyila va ya ka tindhawu tin’wani ta ku tumbela ka tona. Nkama Sawulo a nga twa swaku Davhida a balekile aKeyila, a nga mu hlongolisanga.
14 Davhida a ya tshama ka tindhawu leti swi karhataka ku fika ka tona, leti nga ka tintshava amananga ya Zifi.+ Sawulo a tshamela ku mu lavetela,+ kambe Yehovha a nga mu nyikelanga ka mavoko ya yena.
15 Nkama Davhida a a li amananga ya Zifi aOrexi a twe* swaku Sawulo a famba a mu lavetela swaku a ta mu dlaya.
16 Se Yonatani n’wana wa Sawulo a suka a ya ka Davhida aOrexi, a fika a mu tiyisa swaku a tshemba* Yehovha.+
17 A fika a ku: “U nga chavi, hikusa papayi wa mina a nga ta ku kuma; wena u ta va hosi aIsrayele,+ mina ni ta ku seketela; papayi wa mina Sawulo na yena wa swi tiva leswo.”+
18 Kutani hi vambirhi ka vona va yendla ntwananu+ phambheni ka Yehovha, Davhida a sala aOrexi, Yonatani a muka.
19 Hi ku famba ka nkama vavanuna va Zifi va yela Sawulo aJibiya,+ va fika va ku: “Davhida a tumbele kusuhi+ na hina ka tindhawu leti swi karhataka ku fika ka tona aOrexi,+ ka ganga la Akila+ leli nga ka tlhelo la sul* ka Yeximoni.*+
20 Nkama wun’wani ni wun’wani u nga ta lava ku ta wena hosi, tani, hina hi ta mu nyikela ka mavoko ya wena.”+
21 Sawulo a ku: “Yehovha a a mi katekisi, hikusa mi ni twele wusiwana.
22 Ni kombela mi famba mi ya tsumbula swaku a kwini ni swaku i mani lweyi a nga mu vona, hikusa ni byeliwe swaku a tlharihe hintamu.
23 Lavetelani kahle mi tlhela mi tsumbula tindhawu leti a nga tumbela ka tona, mi gama mi vuya mi ta ni byela. Se ni ta famba na n’wina; loko a li kola tikweni, ni ta mu lavetela ni za ni mu kuma ka lixaka hinkwalu la ka Yuda.”
24 Kutani va suka va rhanga phambheni ka Sawulo va ya Zifi,+ kasi Davhida ni vanhu va yena a va li mananga ya Mawoni+ aAraba,+ ka tlhelo la sul la Yeximoni.
25 Se Sawulo ni vanhu va yena va famba va ya mu lavetela.+ Nkama Davhida a nga swi twa, a ya tshama ka ribye+ leli a li li mananga ya Mawoni. Kutani Sawulo a swi twa, a famba a ya lavetela Davhida amananga ya Mawoni.
26 Nkama Sawulo a nga fika ka tlhelo la ntshava, Davhida ni vanhu va yena a va li ka tlhelo lelin’wani la ntshava yoleyo. Davhida a zama ku baleka+ Sawulo hi ku hantlisa kambe Sawulo ni vanhu va yena va ya va tshinela hintamu ka Davhida ni vanhu va yena swaku va va khoma.+
27 Se ku fika munhu a byela Sawulo a ku: “Hantlisa u vuya hikusa Vafilista va hlasela tiko!”
28 Sawulo a vhela a tshika ku hlongolisa Davhida,+ a ya lwa ni Vafilista. Hi leswo swi nga yendla swaku ndhawu yoleyo yi chuliwa swaku i Ribye la Ku Hambanisa.
29 Kutani Davhida a suka kolanu a ya tshama ka tindhawu leti swi karhataka ku fika ka tona aEni-Jedi.+
Tinhlamunselu ta le hansi
^ Vona Ntlhamuselo.
^ Hi Xiheberu: “xi mu xavisile ka mina”.
^ Kumbe: “kungu”.
^ Kumbexana: “vinyi va tiko”.
^ Kumbexana: “a a chava hikusa”.
^ Hi Xiheberu: “a tiyise voko la yena”.
^ Kumbexana: “Mananga.”
^ Hi Xiheberu: “ka tlhelo la xinene”.
