Esaya 28:1-29
28 Khombo ka harhi* ya swidakwa swa le Efrayimi leyi swi tikhuzaka hi yona+Swiluva swa yona swa ku saseka swi ta vuna,Leswi swi nga ka ndhawu ya ku nona ya lava nga dakwa hi vhinyu!
2 Vonani! Yehovha a ta rhumela sonchwa la matimba.
Ku fana ni xidzedze xa ku dzindza ni marhalala,* xidzedze lexi helisaka,Ku fana ni ku dzindza ka mpfula ya matimba,Se sonchwa li ta txukumeta harhi yoleyo hi matimba yi ya wa amisaveni.
3 Tiharhi leti swidakwa swa Efrayimi swi tikhuzaka hi tonaTi ta psanyeteliwa.+
4 Ni swiluva swa ku saseka leswi nga vuna,Leswi swi nga ka ndhawu ya ku nona,Swi ta fana ni kuwa leli wupfaka hi ku hantlisa na ku nga se fika nkama wa mumu.
Leli loko munhu a li vona, a li dlaka hi ku hantlisa.
5 Hi siku lolelo Yehovha murhangeli wa tintsumi a ta va harhi ya ku phatima ni nchumu xa ku sasekisa tinhloko lexi vanhu va yena lava nga sala va nga ta tikhuza hi xona.+
6 Yena a ta yendla leswaku vayavanyisi va yavanyisa hi ndlela ya ku lulama, se a ta nyika matimba lava va lwaka ni valala anyanghweni.+
7 Lava na vona va hume ndleleni hi mhaka ya vhinyu;Byala li va yendla va dederekela.
Muprista ni muprofeta va huma ndleleni hi mhaka ya byala;Vhinyu la va djamukisa,Va dederekela hi mhaka ya byala;Leswi va swi vonaka hi ndlela ya singita swi va yendla va huma ndleleni,A va yavanyisi kahle.+
8 Hikusa mimeza ya vona yi yo psetlee, hi mahlantaMa tale hinkwaku.
9 I mani lweyi a nga ta djondzisiwa,I mani lweyi a nga ta tlhamuseliwa mhaka?
Indjhe hi lava va ha ku tshikisiwaka ku yan’wa?Lava va ha ku lumuliwaka ke?
10 Hikusa a “tshamela ku hi byela hi minawu,A tshamela ku hi byela nchumu xin’we,*+Leswi a swi hlayaka a swi txintxi.”
11 Kutani a ta vulavula ni vanhu lava hi ku tirhisa vanhu lava va nga ni manghanghamela ni lava va vulavulaka lirimi lin’wani.+
12 A tshame a va byela leswi: “Leyi i ndhawu ya ku humula ka yona. Lweyi a nga karhala a a humule kona; leyi i ndhawu ya ku humula,” kambe a va zanga va mu yingisa.+
13 Ka vona rito la Yehovha li ta ku:
“A tshamela ku hi byela minawu,A tshamela ku hi byela nchumu xin’we,*+Leswi a swi hlayaka a swi txintxi,”
Leswaku loko va fambaVa ta tigumula va wa hi xikosiVa ta hluliwa, va rhiyiwa va gama va phasiwa.+
14 Hi mhaka leyo twanani rito la Yehovha, n’wina lava tikhuzakaN’wina lava fumaka vanhu lava tshamaka aYerusalema,
15 Hikusa mi te:
“Hi yendle ntwananu ni Lifu,+Funtshi hi yendle ntwananu ni Sirha.*
Loko ndhambi yi hundzaA yi nge fiki ka hina,Hikusa hi tshembe mavunhwaHi tumbela hi wona.”+
16 Hi mhaka leyo, Yehovha Hosi Leyikulu a li:
“Ni veka ribye leli nga kambeliwa swaku li va masungulo* aSiyoni,+Ribye la lisima la le ka ponta+ swaku li va masungulo ya ku tiya.+
Lweyi a pfumelaka ka lona a nge chavi nchumu.+
17 Ni ta yendla swaku ku yavanyisa ku fana ni ngoti ya ku pima+Ku lulama ku ta fana ni nsimbi ya ku pima hi yona.*+
Marhalala ma ta fayetela mavunhwa lawa mi tumbelaka ka wona,Mati ma ta kukula lomu mi tumbelaka kona.
18 Ntwananu lowu mi nga wu yendla ni Lifu wu ta helisiwa,Ni ntwananu lowu mi nga wu yendla ni Sirha* a wu nge he tirhi.+
Nkama mati ya ndhambi ma nga ta hundzaMa ta mi helisa.
19 Nkama ni nkama loko ma hundza,Ma ta mi kukula;+Hikusa ma ta hundza mixo wun’wani ni wun’wani,Wusiku ni nhlikanhi.
Ku chava hi kona ntsena ku nga ta va yendla va twisisa leswi nga hlayiwa.”
20 Hikusa sangu li gomile lakakuva a swi koteki ku yetlela ka lona,Ni nguvu i yitsongo lakakuva a wu nge yi funengeli.
21 Hikusa Yehovha a ta nyima ku fana ni ka Ntshava ya Perazimi;A ta kwata ku fana ni ka nkova lowu nga kusuhi ni le Gibiyoni,+Leswaku a yendla ku rhandza ka yena, loku ku kalaka ku nga tolovelekangaNi leswaku a tirha ntirho wa yena, lowu kalaka wu nga tolovelekanga.+
22 Se mi nga vi vanhu va ku poyila,+Leswaku mi nga tami mi tiboha,Hikusa Yehovha murhangeli wa tintsumi, Hosi Leyikulu a ni byeleSwaku ku yendliwe xiboho xa ku helisa tiko hinkwalu.*+
23 Pfulani tindleve mi yingisa rito la mina;Yingisani leswi ni mi byelaka swona.
24 Indjhe murimi a rima siku hinkwalu na a nga byali nchumu?
Indjhe a tshamela ku fayetela mabuvu* ni ku lunghisela misava ke?+
25 Loko a lulamise misavaIndjhe a nga byali kominyo* ya ntima ni ku byala kominyo ya ku toloveleka,Indjhe a nga byali trigu, mbewu ya mapira ni maxalani* lani swi byaliwaka kona?A tlhela a byala+ trigu la ku pshuka awugamu ka masimu?
26 Xi mu djondzisa* hi ndlela yayinene;Xikwembu xa yena xa mu djondzisa.+
27 Kominyo ya ntima a yi huliwi hi mapulangu ya ku hula hi wona minchumu*+Funtshi kominyo ya ku toloveleka a yi huliwi hi roda la nyolo.*
Kominyo ya ntima ni leyi nga toloveleka swi huliwa hi nhonga.
28 Indjhe munhu a hula trigu swaku a tekela ku hamba mapawu?
Ihim, a nga li huli li va mapa.+Lweyi a li hulaka a nga li sili nkama a hulaka hi maroda ya nyolo leyi kokiwaka hi makavhalu.+
29 Leswi na swona swi ta hi ka Yehovha murhangeli wa tintsumi,Lweyi xitsundzuxu* xa yena xi nga xineneLweyi a nga yendla mintirho yayikulu.*+
Tinhlamunselu ta le hansi
^ Swi nga yendleka na ku vuliwa doropankulu ku nga Samariya.
^ Kumbe: “marhalani”.
^ Kumbe: “ngoti ya ku pima henhla ka ngoti ya ku pima, ngoti ya ku pima henhla ka ngoti ya ku pima”.
^ Kumbe: “ngoti ya ku pima henhla ka ngoti ya ku pima, ngoti ya ku pima henhla ka ngoti ya ku pima”.
^ Kumbe: “Sheol.” Vona Ntlhamuselo.
^ Kumbe: “fundação”.
^ Kumbe: “nível.”
^ Kumbe: “Sheol”. Vona Ntlhamuselo.
^ Kumbe: “misava hinkwayu.”
^ Kumbe: “swibuvu”.
^ Ku nga xinsinyani lexi nandzikisaka swakudla; matemperu.
^ Kumbe: “sevhada”.
^ Kumbe: “laya”.
^ Kumbe: “xileyi”.
^ Kumbe: “n’qolo; kalichi.”
^ Kumbe: “xikongomelo”.
^ Kumbe: “Lweyi a nga ni wutlharhi la ku hlamalisa.”
