Esaya 49:1-26
49 Ni yingiseni, n’wina swihlala,*Yingisani, n’wina vanhu va matiko ya le kule.+
Yehovha a ni vitanile na ni nge se psaliwa.*+
A hlaye vito la mina na na ha li khwirhini la mamani.
2 A yendle nomo wa mina wu fana ni xipada xa ku lotiwa kahle;A ni fihlile ka ndzhuti wa voko la yena.+
A ni yendle ni fana ni mpaxwa* lowu nga lotiwa;A ni tumbetile lomu a vekaka kona mimpaxwa ya yena.
3 A ni byelile a ku: “U mutirheli wa mina, wena Israyele,+Lweyi ni nga ta tikhuza hi yena.”+
4 Kambe mina ni te: “Ni tirhe mahala.
Ni balhe mahala.
Kambe ni ta yavanyisiwa hi Yehovha,Xikwembu xa mina xi ta ni hakela.”+
5 Yehovha Lweyi a nga ni tumbuluxa na na ha li khwirhini swaku ni va mutirheli wa yena,A ni rhumile swaku ni landza Yakobe,Leswaku Israyele a ta tlhelela ka yena.+
Ni ta dzunisiwa phambheni ka Yehovha,Xikwembu xa mina xi ta va ntamu wa mina.
6 A tlhele a ku: “A wo va mutirheli wa mina ntsenaWena u ta pfuxa tinxaka ta YakobeU vuyisa lava nga pona va Israyele.
Ni ku nyikelile swaku u va ku vonakala ka matiko,+Leswaku ni ta ponisa misava hinkwayu.”+
7 Yehovha Muponisi wa Israyele, Mukwetsimi wa yena,+ a hlaya leswi ka lweyi a a nga nyikiwi lisima,+ lweyi a nyenyiwaka hi tiko, lweyi a tirhelaka tihosi, a li:
“Tihosi ti ta sekeleka hi mhaka ya leswi ti swi vonaka,Tihosi ti ta khizamaHi mhaka ya Yehovha lweyi a tshembekaka,+Mukwetsimi wa Israyele, lweyi a nga ku langa.”+
8 Yehovha a li:
“Ni ku hlamulile hi nkama wa kona wawunene,+Ni ku pfunile hi siku la ku ponisiwa;+Ni ku hlayisile swaku ni ta ku yendla ntwananu wa vanhu,+Leswaku tiko li ta pfuxetiwa,Swaku va tlhela va kuma tshomba la vona leli nga wonhiwa,+
9 Leswaku u ta byela lava nga djele u ku: ‘Humani!’+
Ka lava va nga ka munyama,+ u ta ku: ‘Humelelani!’
Va ta kuma swakudla atindleleni,Tindhawu ta vona ta ku lusela ka tona ti ta va ka tindlela hinkwatu ta ku pfuleka.
10 A va nga ta biwa hi ndlala kumbe torha,+Hambi mumu kumbe dlambu a swi nge va hisi.+
Hikusa va rhangeliwa hi Lweyi a va twelaka wusiwana,+Funtshi a ta va yisa ka swihlovo swa mati.+
11 Ni ta yendla swaku tintshava ta mina hinkwatu ti va ndlela,Switaratu swa mina swi ta tlakusiwa.+
12 Vonani! Lava va ta hi kule,+Vonani, lava va ta hi norte* ni le wupeladlambu,Kasi van’wani va ta hi ka tiko la Sinimi.”+
13 Banani minkulungwani n’wina matilo, tsaka na wena misava.+
Tintshava na tona a ti tsake ti ba nkulungwani.+
Hikusa Yehovha a tiyise vanhu va yena,+A va kombe timpsalu vanhu va yena lava xanisekaka.+
14 Kambe Siyoni a tame a ku:
“Yehovha a ni tshikile,+ Yehovha a ni khohlwile.”+
15 Indjhe wansati a nga mu khohlwa n’wana wa yena lweyi a mu yan’wisakaKumbe a nga mu tweli wusiwana n’wana lweyi a nga mu psala ke?
Hambiloko vavasati lava vo khohlwa, mina a ni nge tshuki ni ku khohlwile.+
16 Phela ni tsale vito la wena ka mavoko ya mina.
Ni tshama na ni txuvuke makhumbi ya wena.
17 Vana va wena va vuya hi ku kahlula.
Lava va nga ku diliza va tlhela va ku helisa va ta suka ka wena.
18 Txuvuka matlhelo hinkwawu.
Va tlhangana.+
Va ta ka wena.
Yehovha a li: “Na funga,Wena u ta va yambala hinkwavu ku fana ni loko u yambala swiphatiphati,U ta va yambala ku fana ni leswi swi yendliwaka hi wansati lweyi a lavaka ku chada.*
19 Hambileswi ndhawu ya wena a yi wonhekile yi tlhela yi nga na vanhu funtshi tiko la wena a li hohlokile,+Swoswi li ta tala hi vanhu anze va manyana,+Kasi lava va ku hlaselaka+ va ta va kule hintamu.+
20 Vana lava nga psaliwa hi nkama lowu a wu feliwile va ta hlaya leswi ka wena:‘Ndhawu leyi i yitsongo.
Ni nyike ndhawu yin’wani swaku ni tshama ka yona.’+
21 Se wena u ta vulavula hi le mbilwini u ku:‘I mani papayi wa vana lava,Leswi ni nga wansati lweyi a kalaka a nga na vana, ni kalaka ni nga psali,Naswona ni nga yisiwa awukaraweni ni ya pfaleliwa ke?
Vana lava va kulisiwile hi mani?+
Mina a ni li noxe,+Se vana lava va ta hi kwini ke?’”+
22 Yehovha Hosi Leyikulu a li:
“Phela ni ta tlakusa voko la mina ahenhla swaku matiko ma li vona,Ni ta veka marka swaku vanhu va wu vona.+
Va ta tlakula vana va wena va va tisaVa ta pakatsa vana va wena va tintombhi.+
23 Wena u ta hlayisiwa hi tihosi,+U ta hlayisiwa hi vana va tona.
Va ta ku khizamela na va txuvuke hansi,+Va ta nampsela wuthulu ka minenge ya wena,+Kutani u ta swi tiva swaku hi mina Yehovha;Lava ni tshembaka a va nge danisiwi.”+
24 Indjhe u nga mu tekela musonchwa wa matimba vanhu lava a nga va teka hi nkanu,Kumbe swikarawa swa munhu lweyi a fumaka hi voko la nsimbi swi nga chunsiwa ke?
25 Kambe Yehovha a li:
“Hambi vanhu lava va nga tekiwa hi nkanu hi musonchwa wa matimba va ta tekiwa,+Ni swikarawa swa lweyi a fumaka hi voko la nsimbi swi ta chunsiwa.+
Ni ta lwa ni lava lwaka na wena,+Ni ta ponisa vana va wena.
26 Ni ta yendla leswaku lava va ku hluphaka va dla nyama ya vona,Va ta dakwa hi ngati ya vona ingaku hi loko va yo nwa vhinyu ya ku tsokotsa.
Vanhu hinkwavu va ta swi tiva swaku hi mina Yehovha,+Muponisi+ ni Lweyi A Ku Chunsaka,+Xikwembu xa Matimba xa Yakobe.”+
Tinhlamunselu ta le hansi
^ Kumbe: “velekiwa.”
^ Ku nga ma ilhas.
^ Kumbe: “flexa”.
^ Kumbe: “n’walungwini”.
^ Kumbe: “mutekiwa.”
