Esaya 53:1-12
53 I mani lweyi a nga va ni lipfumelo ka swilo leswi a nga swi twa ka hina?*+
I mani lweyi a tivaka matimba* ya Yehovha ke?+
2 A ta humelela ku fana ni xigadjani+ phambheni ka vanhu,* ku fana ni limintsu leli humaka amananga.
A nga ta tikomba na a hlonipheka, kumbe ku phatima;+Loko hi mu vona, a hi swi naveli ku tshinela kusuhi na yena.
3 A a nga nyikiwi lisima funtshi vanhu a va fambela kule na yena,+A twe ku vava naswona a a ma tiva kahle mavabyi.
A swi fana ni loko hi tumbeteliwe nghohe* ya yena.
A a tekeliwa hansi funtshi a hi mu vona na a nga pfuni nchumu.+
4 Phela a rhwale mavabyi ya hina,+A rhwale ni swivavu swa hina.+
Kambe a hi mu vona na a fana ni munhu lweyi a nga khatisiwa a tlhela a biwa hi Xikwembu.
5 Kambe a tlhaviwile+ hi mhaka ya swidjoho swa hina;+A xanisiwile hi mhaka ya swidjoho swa hina.+
A khatisiwile swaku hi ta kuma ku rhula,+Funtshi hi hanyisiwile hi mhaka ya swilondza swa yena.+
6 Hinkwerhu a hi lahlekile ku fana ni tinyempfu,+Mun’wani ni mun’wani a a famba hi ndlela ya yena,Yehovha a mu rhwexe swidjoho swa hina hinkwaswu.+
7 A a karhatiwa+ a tlhela a xanisiwa,+Kambe a nga vulanga nchumu.
A a fana ni nyempfu leyi yisiwaka ku dlayiweni,+Leyi kalaka yi nga rili loko yi tsemetiwa mavoya,Naswona a nga pfulanga nomo.+
8 A hluphiwile, a yavanyisiwa a tlhela a dlayiwa;Se i mani lweyi a nga ta tikarhata swaku a byela van’wani hi ta wutomi la yena?
Hikusa a dlayiwile ka tiko la lava hanyaka;+A khatisiwile hi mhaka ya swidjoho swa vanhu va mina.+
9 A lahliwile ni lava a va yendla swa ku biha+A lahliwe ni vanhu va ku ganya nkama a nga fa,+Hambileswi a a nga djohangaFuntshi a a nga kanganyisanga munhu.+
10 Kambe a ku li ku rhandza ka Yehovha swaku a xaniseka funtshi a mu tshike a vabya.
Loko wena Xikwembu wo nyikela wutomi la yena swaku li va gandzelo la nandzu,+A ta vona vana* va yena, funtshi a ta hanya nkama wa ku leha,+Ku rhandza ka Yehovha ku ta yendleka hi mhaka ya yena.+
11 Hi mhaka ya leswi a nga xaniseka, a ta vona leswi a nga swi yendla a gama a tsaka.
Hi mhaka ya wutivi la yena, mutirheli wa mina wa ku lulama,+A ta pfuna vanhu va vanyingi swaku va va vanhu va ku lulama,+A ta va rhwalela swidjoho swa vona.+
12 Hi mhaka ya leswo, ni ta mu nyika xitshamu xikarhi ka vanhu va vanyingi,A ta phakelana ni masonchwa ya matimba leswi swi nga teketeliwa ka valala va vona,Hi mhaka ya leswi a nga nyikela hi wutomi la yena,+Ni leswi a nga kontiwa xikarhi ka vadjohi;+A rhwale swidjoho swa vanhu va vanyingi,+Naswona a lamulele vadjohi.+
Tinhlamunselu ta le hansi
^ Kumbexana: “leswi hi nga swi twa.”
^ Hi Xiheberu: “voko”.
^ Kumbe: “ka yena”. Swi nga ha yendleka ku vulavuliwa hi munhu mun’wani kumbe Xikwembu.
^ Kumbe: “kara la”.
^ Hi Xiheberu: “mbewu”.
