Habakuki 2:1-20
2 Ni ta tshama na ni nyimile ka ndhawu ya mina ya ku rindza,+Ni ta rindza ka makhumbi ya doropa.
Ni ta tshama na ni rindzile swaku ni tiva leswi a lavaka swaku ni swi vula,Ni leswi ni nga ta swi vula loko ni layiwa.
2 Kutani Yehovha a ni hlamula a ku:
“Tsala leswi u swi vonaka,* u swi tsala swi voneka kahle ka maribye,+Swaku lweyi a nga ta swi lerha swi mu vevukela ku swi lerha.+
3 Hikusa leswi u swi vonaka i swa nkama lowu takaNaswona swi ta hetiseka hi ku hantlisa, a swi nge phazami.*
Hambiloko swo hlwela,* tshama na u swi nyimelile!+
Hikusa swi ta hetiseka.
A swi nge xweli!
4 Txuvuka lweyi a tibyelaka;A nga lulamanga nikutsongo.
Kambe lweyi wa ku lulama a ta hanya hi mhaka ya ku tshembeka ka yena.+
5 Phela leswi vhinyu li kanganyisanaka,Munhu lweyi a tibyelaka a nge swi fikeleli leswi a swi lavaka.
A nga xurhi ku fana ni Sirha;*A fana ni lifu a nga xurhi.
A tshamela ku hlengeleta matiko hinkwawu,A tlhela a tihlengeletelela vanhu hinkwavu.+
6 Indjhe vanhu lava hinkwavu a va nge vuli marito ya swivuriso, ya ku poyila ni ya swihlayahlaya lama lwisanaka na yena?+
Va ta ku:
‘Khombo ka lweyi a hlengeletaka leswi kalaka swi nga li swa yena,Lweyi a yengetelaka xikweneti xa yena!A ta swi yendla ku fikela siku muni ke?
7 Indjhe lava ku lombaka male a va nge ku djikeli na u nga swi nyimelanga?
Va ta pfuka va ku hlasela hi ndlela ya mona,U ta va nchumu lowu va nga ta wu teka.+
8 Leswi u nga teketela minchumu ya matiko ya manyingi,Vanhu hinkwavu va ta teketela minchumu ya wena,+Hi mhaka ya leswi u nga halata ngati ya vanhu,U vanga tinyimpi amisaveni,Ka madoropa ni ka vanhu lava tshamaka ka wona.+
9 Khombo ka lweyi a ganyisaka yindlo ya yena hi swa ku biha,Swaku a veka xisaka xa yena ka ndhawu ya le henhla,Leswaku a baleka khombo!
10 Swilo swa ku biha leswi u swi pimisaka swi danisa yindlo ya wena.
U djohile hileswi u nga dlaya vanhu va vanyingi.+
11 Hikusa ribye li ta rila na li li ka khumbi,Se mhandzi yi ta li hlamula na yi li henhla ka yindlo.
12 Khombo ka lweyi a yakaka doropa hi ku halata ngati,Ni lweyi a li simekaka hi swa ku kala swi nga lulamanga!
13 Kasi a hi Yehovha murhangeli wa tintsumi lweyi a nga yendla swaku vanhu va tirha hi matimba se leswi va nga swi tirhela swi helela ndzilweni,Ni leswaku matiko ma tirha mahala?+
14 Hikusa misava hinkwayu yi ta tala hi ku tiva ku phatima ka YehovhaKu fana ni mati lama mbhonyaka lwandle.+
15 Khombo ka lweyi a kwataka, a gama a nyika vanghanu va yena swa ku phuzaSwaku va dakwa,Hi ku lava ku vona tingana ta vona!
16 A wu nga ta hloniphiwa kambe u ta danisiwa.
Na wena phuza, va ta vona tingana ta wena swaku a wu tsemanga nsuvu.*
Kopo leyi nga ka voko la Yehovha la xinene yi ta fika ka wena,+Ku hlonipheka ka wena ku ta txintxa ku va tingana;
17 Hikusa mona lowu nga yendliwa aLebanoni wu ta yendliwa ka wena,Ni ku helisa loku nga chavisa ni swiharhi ku ta ku fikela,Hi mhaka ya leswi u nga halata ngati ya vanhuNi leswi u nga wonha misava,Madoropa ni lava tshamaka ka wona.+
18 Xifaniso xa ku vatliwaXi mu pfuna hi yini lweyi a nga xi yendla?
Xifaniso xa nsimbi ni mudjondzisi wa mavunhwa a swi pfuni nchumu,Hambiloko lweyi a swi yendlaka a swi tshemba,A yendla swikwembu swa ku kala swi nga pfuni nchumu, swa ku kala swi nga vulavuli.+
19 Khombo ka lweyi a byelaka xigodo a ku: “Pfuka!”
Kumbe lweyi a byelaka ribye a ku: “Pfuka! Hi djondzisi!”
Phela swi namarhetiwe woru ni prata,+Kambe a swi hefemuli.+
20 Kambe Yehovha a le ka tempele ya yena ya ku kwetsima.+
Misava hinkwayu a yi miyele phambheni ka yena!’”+
Tinhlamunselu ta le hansi
^ Hi Xiheberu: “xivono”.
^ Kumbe: “a swi nge hembi.”
^ Kumbe: “swi voneka na swi hlwela”.
^ Kumbe: “Sheol.” Vona Ntlhamuselo.
^ Kumbe: “hambanga circuncisão.” Kumbexana: “u dederekela.”
