Habakuki 3:1-19
3 Xikhongelo xa muprofeta Habakuki hi ndlela ya tinsimu ta xirilo:
2 Yehovha Xikwembu xa mina, ku ni leswi ni nga swi twa hi wena.
Yehovha, mintirho ya wena ya ni hlamalisa.
Tlhela u yi yendla hi ku famba ka malembe!*
Yi yendle yi tiviwa hi ku famba ka malembe.*
Khumbuka ku va ni timpsalu hi nkama wa mpfilumpfilu.+
3 Xikwembu xi fikile na xi ta hi Temani,Mukwetsimi na a ta hi ka Ntshava ya Parani.+ (Sela)
Wukulu la xona li mbhonya matilo;+Misava yi tale hi vanhu lava va xi dzunisaka.
4 Ku phatima ka xona a ku fana ni ku vonakala.+
Ku hatima a ku tlhava na ku huma hi ka voko la xona,Lani matimba ya xona a ma fihliwe kona.
5 Ntungu a wu ta hi ka xona,+Ni ku hisa kakukulu ka muzimbha a ku xi landzelela.
6 Xi nyimile xi rhurhumelisa misava.+
Hi ku txuvuka ntsena, xi yendle leswaku matiko ma rhurhumela hi ku chava.+
Tintshava leti a ti li kona ku sukela khale ti diliziwile,Maganga ya khale ma khizamile.+
Xi famba ka tindlela ta xona ta khale.
7 Ni vone khombo ka matende ya Kuxi.
Tipanu ta tiko la Midiyani ta pewukapewuka.*+
8 Yehovha Xikwembu xa mina, u yo kwatela minambu?
U yo kwatela lwandle?+
Hikusa u fambe hi makavhalu ya wena;+Tinyolo* ta wena ti hlulile.+
9 Ligubu la wena li lunghekele ku txopa.
Tinhonga* ti nyimela ku yendla ntirho hi ku landza xitshembiso.* (Sela)
U yava misava hi minambu.
10 Loko tintshava ti ku vona ta konya hi ku twa ku vava.+
Mpfula ya matimba yi nile yi khukhula atikweni.
Mati ya ku yenta ma vange guwa.*+
Magandlati ya wona ma ya henhla.
11 Dlambu ni n’weti swi nyimile lani swi tshamaka kona.+
Mimpaxwa* ya wena a yi huma ku fana ni ku vonakala.+
Tlharhi la wena a li hatima ku fana ni ku hatima ka tilo.
12 A wu fambafamba misaveni na u kwatile.
U psanyetele matiko hi ku kwata.
13 U humile swaku u ya ponisa vanhu va wena, swaku u ya ponisa lweyi u nga mu langa.
U psanye murhangeli* wa yindlo ya lava yendlaka swa ku biha.
Yi tsuvuliwile ku sukela ka masungulo* ya yona ku ya fika ahenhla.* (Sela)
14 U boxe tinhloko ta tinhenha ta yena hi matlharhi* ya yenaLoko ti tela ku ta ni hlasela.
A ti tsake hintamu hi ku helisa lweyi a xanisekaka na ti nga voniwi hi munhu.
15 U tsemakanye lwandle hi makavhalu ya wena,Axikarhi ka magandlati yamakulu.
16 Ni swi twile, ni sungula ku chava;*Nkama ni nga twa guwa, nomo wa mina wu rhurhumelile.
Marhambu ya mina ma hele mtamu;+Minenge ya mina a yi rhurhumela.
Kambe ni nyimela siku la khombo na ni rhulile,+Hikusa li tela vanhu lava hi hlaselaka.
17 Hambi nkuwa wo kala wu nga rhumbuki,Ni minsinya ya mawuvha yi nga humesi mihandzu;Hambiloko nsinya wa mawolivhera wu nga humesi mihandzu,Ni masimu ma nga humesi swakudla;Hambiloko ka swib’ala ku nga ha na ntlhambi wa tinyempfu,Naswona ku nga ha na ntlhambi wa tihomu;
18 Kambe loko ku li mina, ni ta tsaka hi mhaka ya Yehovha;Ni ta tsaka hi mhaka ya Xikwembu xa mina lexi ni ponisaka.+
19 Yehovha Hosi Leyikulu, i ntamu wa mina;+A ta yendla minenge ya mina yi fana ni ya mhunti,A ni yendla ni famba ka tindhawu ta le henhla.+
Tinhlamunselu ta le hansi
^ Kumbexana: “nkama wa hina.”
^ Kumbexana: “nkama wa hina.”
^ Kumbe: “rhurhumela.”
^ Kumbe: “Tin’qolo; Makalichi”.
^ Kumbexana: “Mimpaxwa”.
^ Kumbexana ku vuliwa switshembiso leswi nga yendliwa hi ku funga na swi tshembisiwa tinxaka.
^ Kumbe: “hubumulana.”
^ Kumbe: “Maflexa”.
^ Kumbe: “fundação”.
^ Hi Xiheberu: “nhamu.”
^ Hi Xiheberu: “nhloko”.
^ Hi Xiheberu: “timhandzi ta yena”.
^ Hi Xiheberu: “khwirhi la mina li rhurhumela.”
