Tipisalema 31:1-24
Ka mayextru. Pisalema ya Davhida.
31 Yehovha Xikwembu xa mina, ni tumbela ka wena.+
Ni navela swaku ni nga tshuki ni danisiwa.+
Ni ponise hi mhaka ya ku lulama ka wena.+
2 Korhama u ni yingisa.
Kahlula u ta ni ponisa.+
Vana ntshava leyi ni nga ta tumbela ka yona,Ndhawu ya ku hlayiseka leyi nga ta ni ponisa.+
3 Hikusa u ribye la mina ni ndhawu ya mina ya ku tiya;+U ta ni rhangela u ni kongomisa+ hi mhaka ya vito la wena.+
4 U ta ni ponisa ka redi leli va nga li fihla swaku va ni phasa,+Hikusa u ndhawu ya mina ya ku tumbela ka yona.+
5 Ni veka wutomi la mina ka mavoko ya wena.+
U ni ponisile, Yehovha Xikwembu xa ntiyiso.*+
6 Ni nyenya lava gandzelaka swifaniso swa ku kala swi nga pfuni nchumu,Kambe mina, ni tshemba Yehovha.
7 Ni ta tsaka hintamu hi mhaka ya lirhandzu la wena,Hikusa u vone ku karhateka ka mina;+Wa ma tiva mahlomulu ya mina.
8 A wu ni nyikelanga ka mavoko ya nala.Kambe u yendle swaku ni nyima ka ndhawu ya ku hlayiseka.*
9 Yehovha Xikwembu xa mina, ni tweli wusiwana hikusa ni le ku karhatekeni.
Matihlo ya mina ni muzimbha wa mina hinkwawu a swa ha na ntamu hi mhaka ya mahlomulu.+
10 Wutomi la mina li hetiwa hi ku vaviseka,+Ni malembe ya mina ma hetiwa hi mahlomulu.+
Xidjoho xa mina xi ni heta matimba;Marhambu ya mina a ma ha na ntamu.+
11 Valala va mina hinkwavu va ni hleka,+Ngopfungopfu vavhizinyu va mina.
Vanghanu va mina va ni chava;Loko va ni vona vo ni baleka.+
12 Va ni humesile ka timbilu* ta vona, va ni khohlwa ingi ni yo fa;Ni fana ni khuwani la ku fayeka.
13 Ni twe swivulavula swa swinyingi swa ku biha;Na chaviseliwa ka matlhelo hinkwawu.+
Loko va tlhanganaVa yendla maplanu* ya ku ni dlaya.+
14 Kambe ni tshemba wena Yehovha.+
Ni li: “U Xikwembu xa mina.”+
15 Masiku ya mina ma le mavokweni ya wena.
Ni ponise ka valala va mina ni ka lava ni xanisaka.+
16 Ni kombe timpsalu mina mutirheli wa wena.+
Ni ponise hi lirhandzu la wena.
17 Yehovha, u nga pfumeli swaku ni danisiwa loko ni ku vitana.+
A ku danisiwe vanhu va ku biha;+A va miyetiwe aSirheni.*+
18 Minomo leyi hembaka yi nga ha vulavuli,+Minomo leyi titlakusaka ni ku delela, leyi yi lwaka ni wa ku lulama.
19 Wunene la wena i linyingi hintamu,+
U li vekele lava ku chavaka,+Funtshi u li kombe vanhu hinkwavu swaku ku pfuneka lava tumbelaka ka wena.+
20 U ta va fihla ka ndhawu ya wena leyi nga tumbela,+Ka maplanu ya vanhu;U ta va tumbeta ka ndhawu ya wena ya ku hlayiseka,Ka vanhu lava lumbetanaka hi swa ku biha.+
21 Yehovha a a dzunisiwi,Hikusa a ni rhandzile hi ndlela ya ku hlamalisa+ nkama a ni li ka doropa leli nga rhendzeliwa.+
22 Kambe mina ni chavile hintamu se ni ku:
“Ni ta helisiwa phambheni ka wena.”+
Kambe u twe xirilo xa mina xa ku kombela ku pfuniwa.+
23 Rhandzani Yehovha, hinkwenu lava tshembekaka ka yena.+
Yehovha a vhikela lava ku tshembeka,+Kambe a va khatisa hi ndlela ya ku vava lava tibyelaka.+
24 Tiyani nhlana, mi nga chavi nchumu,+N’wina hinkwenu lava nyimelaka Yehovha.+
Tinhlamunselu ta le hansi
^ Kumbe: “Xikwembu xa ku tshembeka.”
^ Kumbe: “ndhawu ya ku pfuleka.”
^ Kumbe: “ka mimpimiso ya”.
^ Kumbe: “makungu”.
^ Kumbe: “aSheol.” Vona Ntlhamuselo.
