Mahungu Ya Ku Tsakisa Ya Ku Tsaliwa Hi Yohani 2:1-25
2 Hi siku la wunharhu, ku ve ni fexta la muchadu ka doropa la Kana, aGalileya, naswona mamani wa Yesu a a li kona.
2 Yesu ni vadjondzisiwa va yena na vona a va rhambiwile ka fexta lolelo.
3 Nkama vhinyu li nga hela, mamani wa Yesu a mu byela a ku: “A va ha na vhinyu.”
4 Kambe Yesu a ku: “Se mina na wena hi nghena kwini ka leswo?* Nkama wa mina a wu se fika.”
5 Mamani wa yena a byela vatirhi a ku: “Yendlani hinkwaswu leswi a nga ta mi byela swona.”
6 A ku ni 6 wa makhuwani kolanu lawa a ma laveka hi ku landza nawu wa Vayuda+ wa ku tibasisa. Khuwani lin’we a li nghena kolomuyani ka 44 ku ya ka 66 wa malitru.*
7 Yesu a ku: “Tatani makhuwani hi mati.” Se va ma tata ma za ma ku khapa.
8 Kutani a ku: “Khanani yamatsongo mi ya nyika murhangeli wa fexta.” Se va ma kha.
9 Kutani murhangeli wa fexta a nwa mati lama nga txintxiwa ma va vhinyu, kambe a a nga swi tivi swaku li ta hi kwini (hambileswi lava nga kha mati a va swi tiva); se murhangeli wa fexta a vitana wanuna lweyi a a chada
10 a ku: “Vanhu va rhanga hi ku humesa vhinyu la kahle. Loko vanhu se va dakwile, va humesa leli kalaka li nga nandzihi. Kambe la wena la ha li kahle ku ta fikela swoswi.”
11 Yesu a yendle singita la yena la ku sungula ka doropa la Kana, aGalileya; leswo swi yendle swaku vanhu va vona matimba ya yena,+ se vadjondzisiwa va yena va kholwa ka yena.
12 Nkama ku nga yendleka leswo, Yesu ni mamani wa yena, vamakwavu+ ni vadjondzisiwa va yena va ye Kapernawume,+ kambe a va tshamanga masiku ya manyingi.
13 Siku la Paxkwa+ la Vayuda a li li kusuhi, kutani Yesu a ya Yerusalema.
14 Nkama a nga fika tempeleni, a kume vaxavisi va tihomu, va tinyempfu, va swituvani+ ni lava a va txintxisa male na va tshame kolanu.
15 Kutani a yendla nhonga ya tingoti* a gama a hlongola hinkwavu lava a va ni tinyempfu ni tihomu tempeleni, a tlhela a hangalasa male ya nsimbi ya lava a va txintxisa male, a wisetela ni mimeza ya vona.+
16 Se a byela vaxavisi va swituvani a ku: “Susani minchumu leyi lani! Tshikani ku yendla yindlo ya Papayi wa mina yi va bazara!”+
17 Kutani vadjondzisiwa va yena va khumbuka leswi nga tsaliwa: “Ku hisekela yindlo ya wena ku ta ni dla.”+
18 Kutani Vayuda va ku: “Leswi u yendlaka minchumu leyi, hi lihi singita leli u nga ta hi yendlela lona,+ kuva u hi tiyisekisa swaku u ni mfanelo ya ku yendla leswi?”
19 Yesu a va hlamula a ku: “Dilizani tempele leyi, se ni ta yi yaka hi masiku manharhu.”+
20 Vayuda va ku: “Tempele leyi yi yakiwe hi 46 wa malembe. Se wena u nga yi yakisa ku yini hi masiku manharhu?”
21 Kambe yena a a vula muzimbha wa yena loko a vulavula hi tempele.+
22 Nkama a nga pfuxiwa ku feni, vadjondzisiwa va yena va khumbukile swaku a a hamba a vula marito lawa,+ kutani va kholwa ka matsalwa ni ka leswi Yesu a a swi vulile.
23 Nkama na a li Yerusalema ka fexta la Paxkwa, vanhu va ku tala va ve ni lipfumelo ka vito la yena loko va vona masingita lawa a a ma yendla.
24 Kambe Yesu a a nga va tshembi hi ku helela hikusa a a va tiva kahle vanhu
25 naswona a a nga lavi ku tlhamuseliwa hi munhu swaku vanhu va tshamise ku yini hikusa a a va tiva kahle.+
Tinhlamunselu ta le hansi
^ Hi Xigriki: “Wansati, hi yihi mhaka ya mina na wena?” Marito lawa ma kombisa ku yala naswona rito “wansati” a li kombisi xiyeyiso.
^ Kolomuyani ka 12 ku ya ka 17 wa swingumbungumbu kumbe mathumbu.
^ Kumbe: “luka xisephu xa tingoti”.
