Zakariya 3:1-10
3 Se a ni komba muprista wamukulu Yoxuwa+ na a nyime phambheni ka ntsumi ya Yehovha naswona Sathana+ a a nyime hi ka voko la yena la xinene swaku a lwa na yena.
2 Kutani ntsumi ya Yehovha yi byela Sathana yi ku: “Yehovha a a ku layi, wena Sathana!+ Yehovha lweyi a nga langa Yerusalema+ a a ku layi! Indjhe wanuna lweyi a nga fani ni xihunyani lexi nga susiwa andzilweni?”
3 Yoxuwa a a yambale mpahla ya chaka, naswona a a nyime phambheni ka ntsumi.
4 Kutani ntsumi yi byela lava a va nyime phambheni ka yena yi ku: “Mu hlivileni mpahla ya yena ya ku tala hi chaka.” Se yi mu byela yi ku: “Waswivo, ni suse xidjoho* xa wena naswona u ta yambexiwa mpahla ya ku hlawuleka.”*+
5 Se ni ku: “Mu yambexeni xifunengeto xa nhloko* xa ku basa.”+ Se va mu yambexa xifunengeto xa nhloko, va tlhela va mu yambexa mpahla; ntsumi ya Yehovha a yi nyime kolahayani kusuhi.
6 Ntsumi ya Yehovha yi byela Yoxuwa yi ku:
7 “Yehovha murhangeli wa tintsumi a li: ‘Loko wo famba ka tindlela ta mina, u yendla leswi ni ku byelaka swona, u ta yavanyisa vanhu va mina ka yindlo ya mina,+ u ta vonelela* mikintari* ya mina; ni ta ku pfumelela swaku u ta ka mina ku fana ni lava nga nyima lani.’
8 “‘Ni kombela u ni yingisa, wena Yoxuwa Muprista Wamukulu, wena ni vaprista lava tshamaka phambheni ka wena, hikusa vavanuna lava i xikombiso xa swilo leswi nga ta yendleka ka nkama lowu taka; ni ta tisa mutirheli wa mina+ lweyi a vitaniwaka Xihluke!+
9 Vona ribye leli ni nga li veka phambheni ka Yoxuwa! Ka ribye lolelo ku ni 7 wa matihlo; naswona ni ta tsala marito ka lona,’ ku vula Yehovha murhangeli wa tintsumi, ‘ni ta susa xidjoho xa tiko lolelo hi siku lin’we.’+
10 “‘Hi siku lolelo,’ ku vula Yehovha murhangeli wa tintsumi, ‘mun’wani ni mun’wani wa n’wina a ta rhamba vhizinyu wa yena swaku va ya tshama xikan’we ahansi ka nsinya wa yena wa mawuvha ni hansi ka nsinya wa yena wa nkuwa.’”+
Tinhlamunselu ta le hansi
^ Kumbe: “nandzu”.
^ Kumbe: “leyi fanelekaka.”
^ Vona Ntlhamuselo.
^ Kumbe: “hlayisa”.
^ Vona Ntlhamuselo.
