Zakariya 8:1-23
-
Yehovha a yendla Siyoni a va doropa la ku rhula ni la ku tshembeka (1-23)
8 Yehovha murhangeli wa tintsumi a tlhela a vulavula na mina a ku:
2 “Yehovha murhangeli wa tintsumi a li: ‘Ni tinyimisele ku lwela Siyoni+ naswona ni tinyimisele ku mu lwela hi mbilu ya mina hinkwayu.’”
3 “Yehovha a li: ‘Ni ta tlhelela aSiyoni+ ni tshama aYerusalema;+ Yerusalema a ta vitaniwa doropa la ku tshembeka,+ ntshava ya Yehovha murhangeli wa tintsumi yi ta vitaniwa ntshava ya ku kwetsima.’”+
4 “Yehovha murhangeli wa tintsumi a li: ‘Vavanuna va ku guga ni vavasati va ku guga va ta tlhela va tshama xikarhi ka doropa la Yerusalema, mun’wani ni mun’wani na a khome nchongotelo wa yena hi mhaka ya ku guga.*+
5 Axikarhi ka doropa ku ta tala hi vafana ni tintombhi na va tlanga.’”+
6 “Yehovha murhangeli wa tintsumi a li: ‘Hambiloko swo tikomba na swi karhata hintamu ka vanhu van’wani lava nga sala hi masiku wolawo, swi lava ku hlaya swaku swi ta tikomba na swi karhata hintamu ni le ka mina?’ ku vula Yehovha murhangeli wa tintsumi.”
7 “Yehovha murhangeli wa tintsumi a li: ‘Ni ta ponisa vanhu va mina ka matiko ya le wuxeni ni ya le wupeladlambu.*+
8 Ni ta va vuyisa va ta tshama Yerusalema;+ va ta va vanhu va mina, mina ni ta va Xikwembu xa vona+ xa ntiyiso* ni xa ku lulama.’”
9 “Yehovha murhangeli wa tintsumi a li: ‘Tiyani mi nga chavi,+ n’wina hinkwenu lava swoswi mi twaka marito lama nga vuliwa hi vaprofeta,+ ku nga marito lama nga vuliwa nkama ku nga vekiwa masungulo* ya tempele ya Yehovha murhangeli wa tintsumi leswaku ku ta yakiwa tempele.
10 Hikusa na nkama lowuyani wu nge se fika, hambi vanhu kumbe swifuyu a swi nga hakeliwi;+ lava fambaka a va nga hlayisekanga hi mhaka ya nala, hikusa ni yendle leswaku vanhu hinkwavu va lwa hi xivona.’
11 “‘Kambe swoswi, lava va nga sala ka vanhu lava, a ni nge he va khomi ku fana ni le ku sunguleni,’+ ku hlaya Yehovha murhangeli wa tintsumi.
12 ‘Hikusa ku ta byaliwa mbewu ya ku rhula; nsinya wa mawuvha wu ta humesa mihandzu ya wona ni misava yi ta humesa swakudla swa swinyingi,+ matilo ma ta humesa mberha* ya wona; kutani ni ta yendla leswaku lava nga sala ka vanhu lava, va tikhorisa hi swilo hinkwaswu leswi.+
13 Ku fana ni leswi n’wina vanhu va Yuda ni vanhu va Israyele a mi rhukiwa hi matiko,+ ni ta mi ponisa naswona mi ta va nkateko.+ Tiyani!+ Mi nga chavi.’+
14 “Hikusa Yehovha murhangeli wa tintsumi a li: ‘“Ku fana ni leswi a ni tinyimisele ku mi tisela khombo hi mhaka ya leswi vavhovho va n’wina va nga ni kwatisa,” ku vula Yehovha murhangeli wa tintsumi “naswona ni kalaka ni nga tisolanga,+
15 swoswi ni tinyimisele ku yendlela Yerusalema ni vanhu va Yuda swilo swaswinene.+ Mi nga chavi!”’+
16 “‘Swilo leswi mi faneleke mi swi yendla hi leswi: Vulavulani ntiyiso+ naswona mi fanele mi yavanyisa hi ndlela yayinene ka tinyanghwa ta n’wina mi tlhela mi pfuna vanhu swaku va twanana.+
17 Mi nga tshuki mi pimiselana swa ku biha ka timbilu ta n’wina+ naswona mi nga fungi mi gama mi nga yendli,+ hikusa hinkwaswu leswo na swi nyenya,’+ ku vula Yehovha.”
18 Yehovha murhangeli wa tintsumi a tlhela a vulavula na mina a ku:
19 “Yehovha murhangeli wa tintsumi a li: ‘Ku titsona swakudla ka wheti ya wu 4,+ ku titsona swakudla ka wheti ya wu 5,+ ku titsona swakudla ka wheti ya wu 7+ ni ku titsona swakudla ka wheti ya wu 10,+ ku ta va minkama ya ku tsaka ka vanhu va Yuda, ina mafexta ya ku tsaka.+ Hi mhaka leyo rhandzani ntiyiso ni ku rhula.’
20 “Yehovha murhangeli wa tintsumi a li: ‘Vanhu ni lava tshamaka ka madoropa ya manyingi va ta ta;
21 kutani vanhu va doropa lin’wani va ta ya ka vanhu va doropa lelin’wanyani, va fika va ku: “A hi yeni ka Yehovha hi ya kombela ku rivaleliwa ni ku kombela ku pfuniwa ka Yehovha murhangeli wa tintsumi. Na mina ni ya kona.”+
22 Se vanhu va vanyingi ni matiko ya matimba va ta ta Yerusalema+ va ta kombela ku pfuniwa hi Yehovha murhangeli wa tintsumi va tlhela va kombela ku rivaleliwa hi Yehovha.’
23 “Yehovha murhangeli wa tintsumi a li: ‘Ka masiku wolawo, 10 wa vanhu lava taka hi ka tirimi hinkwatu ta matiko+ va ta yi khoma swi tiya nguvu ya Muyuda* va ku: “Hi lava ku famba na n’wina+ hikusa hi swi twile swaku Xikwembu xi na n’wina.”’”+
Tinhlamunselu ta le hansi
^ Hi Xiheberu: “hi mhaka ya ku tala ka masiku.”
^ Kumbe: “ka tiko la wuhumadlambu ni le ka tiko la wupeladlambu.”
^ Kumbe: “ku tshembeka”.
^ Kumbe: “fundação la”.
^ Kumbe: “mub’etho wa”.
^ Hi Xiheberu: “wanuna wa Muyuda”.
