Zakariya 9:1-17
9 Marito ya ku yavanyisa:
“Yehovha a yavanyisa tiko la Adraki,A vulavula na Damaxka,+Hikusa Yehovha a txuvuke vanhu hinkwavu+Ni tinxaka hinkwatu ta Israyele.
2 A yavanyisa na Amati+ lweyi a nga kusuhi na yena,*Na Tiru+ na Sidoni,+ hikusa va tivona na va tlharihile hintamu.+
3 Tiru a tiyakele mimuru ya ku tiya.
A hlengeletele prata li tala ku fana ni wuthuluNi woru ku fana ni misava leyi nga switaratwini.+
4 Txuvukani! Yehovha a ta mu tekela leswi a nga na swona,Masonchwa ya yena a ta ma dlayela alwandle;+Kasi yena a ta helisiwa hi ndzilu.+
5 Axikeloni a ta swi vona a gama a chava;Gaza a ta twa ku vava hintamu,Na yena Ekroni, hikusa lweyi a a mu tshembile a danisiwile.
A ku nga ha ta va ni hosi aGaza,Kasi Axikeloni a ku nga ha ta tshama munhu.+
6 A Axidodi ku ta tshama vanhu va matiko man’wani,Naswona ni ta helisa ku tibyela ka Mufilista.+
7 Ni ta humesa swilo leswi nga ni ngati ka nomo wa yenaNi swilo leswi nyenyentsaka axikarhi ka matinyu ya yena,Yena a ta salela Xikwembu xa hina;A ta fana ni murhangeli aYuda,+Ekroni a ta fana ni Muyebusi.+
8 Ni ta gwimba tende ku fana ni murindzi wa yindlo ya mina,+Leswaku ku nga vi na munhu lweyi a tsemakanyaka ni lweyi a tlhelaka;A ku na lweyi a hluphaka vanhu van’wani lweyi a nga ta tlhela a hundza,+Hikusa swoswi ni swi* vonile hi matihlo ya mina.
9 Tsaka u tsaka hintamu, wena Siyoni.*
Bana nkulungwani, wena Yerusalema.*
Phela Hosi ya wena ya ta ka wena.+
Yi lulamile, naswona yi tisa ku ponisa,Ya tiveka hansi+ naswona yi ta hi mbongolo ya xinuna,Yi ta hi ximbongolwani, n’wana wa mbongolo ya xisati.+
10 Ni ta tekela Efrayimi nyolo* ya nyimpiNi tlhela ni tekela Yerusalema kavhalu.
A ligubu la nyimpi li ta tekiwa.
Yi ta yendla leswaku matiko ma va ni ku rhula;+Mfumu wa yona wu ta nava ku sukela ka lwandle lin’wani ku ya ka lin’waniNi ku sukela ka Nambu* ku ya fika ka magamu ya misava.+
11 Kasi loko ku li wena Siyoni,* hi ngati ya ntwananu wa wena,Ni ta humesa swib’ochwa swa wena ka xihlovo xa ku kala xi nga na mati.+
12 Tlhelani ka ndhawu ya ku tumbela, n’wina swib’ochwa leswi nga ni ntshembo.+
Namuntlha na mi byela ni li:‘Ni ta ku hakela hilani ku phindhiweke kambirhi wena Siyoni.+
13 Hikusa ni ta khotsa* Yuda ku fana ni ligubu la mina.
Efrayimi ni ta mu yendla mpaxwa* wa ligubu la mina,Ni ta pfuxa vana va wena, wena Siyoni,Leswaku va lwa ni vana va wena, wena Gresiya,Ni ta ku yendla u fana ni xipada xa nhenha.’
14 Yehovha a ta swi kombisa swaku a nyima ni vanhu va yena,Mpaxwa wa yena wu ta huma ku fana ni ku hatima ka tilo.
Yehovha Hosi Leyikulu a ta chaya limhondzo,+A ta huma ku fana ni swidzedze swa le sul.*
15 Yehovha murhangeli wa tintsumi a ta va lwela,Va ta helisa va tlhela va hlula maribye ya xibalakatsa.+
Va ta tsaka va tlhela va huwelela ingaku hi loko va yo phuza vhinyu;Va ta fana ni tijela la ku tala hi vhinyu,Va tlhela va fana ni ngati leyi chululiwaka ka tiponta ta altari.+
16 Yehovha Xikwembu xa vona a ta va ponisa hi siku loleloKu fana ni mulusi loko a ponisa tinyempfu ta yena;+Hikusa va ta fana ni maribye lama nga ka harhi* lama phatimaka henhla ka misava ya yena.+
17 Hikusa wunene la yena la hlamalisa,+Ni ku saseka ka yena i kukulu!
Madjaha ma ta kulisiwa hi ku dla swakudla,Ni tintombhi* ti ta kulisiwa hi ku phuza vhinyu la nyuwani.”+
Tinhlamunselu ta le hansi
^ Swi nga yendleka ku vulavuliwa hi ‘tiko la Adraki’ kumbe ‘tiko la Damaxka’.
^ Swi tikomba ku vulavuliwa hi swikarhatu leswi vanhu va yena va nga swi vona.
^ Hi Xiheberu: “ntombhi ya Yerusalema.”
^ Hi Xiheberu: “ntombhi ya Siyoni.”
^ Kumbe: “n’qolo; kalichi”.
^ Ku nga Ewufrata.
^ Kumbexana: “Yerusalema”.
^ Hi Xiheberu: “psanya”.
^ Kumbe: “flexa”.
^ Kumbe: “dzongeni.”
^ Kumbe: “korowa”.
^ Ku nga tintombhi leti kalaka ti nga se famba masangu.
