Ncici Ico Ʋakaboni ʋa Yehova Ʋakupulikana?

“Kweni tikukhumba kupulika kwa iwe ivyo ukuɣanaɣana cifukwa nga liʋe phira ili, kukumanyikwa kwa ise kuti mu malo ɣose likususkika.” (Milimo 28:​22) Ʋa lungozgi ʋacikaya aʋa ʋa mu Roma wa vyaka vya mumahandiledi ɣa kudanga ʋakaŵika cakuwonerapo ciweme. Ʋakakhumba kupulika kufuma ku chitopoko, kwakuluska kufuma kususkanu zekha za kuwalo.

Mwakuyana, Ʋakaboni ʋa Yehova mazuʋa ɣano mwa kanandi ʋa ʋakuyoɣoyeka mwakususkika, ndipo kungaʋa kwanangiska kulindizga kusambila unenesko zaiwo kufuma ku vitopoko vya utesi. Nteura tiri ʋalukondwa kumupataulirani vinji vya visambizgo vikulu vyambula kusintha vya cipulikano cithu.

Baibolo, Yesu Kristu, na Ciuta

Tikupulikana kuti “Malembo ɣose ɣakuperekeka na Ciuta ɣakwanduliraso.” (2 Timote 3:16) Ndipo nangauli ʋanji ʋajiyoɣoyera kuti tiri ʋaKristu ʋeneco cara, ici mwalupusu kuti mbunesko cara. Tikucita nkhanira kulingana na kayoɣoyero ka mpostole Petros kuyoɣoya za Yesu Kristu: “Cifukwa nanga ndi zina linyake palive pasi pa mtambo ilo lapika mu ʋantu mwa ilo ise tikwenera kuponoskeka.”​—⁠Milimo 4:12.

Ndipouli, nga ndiumo Yesu wakayoɣoyera kuti ndi “Mwana wa Ciuta” ndipo na kuti ‘Ʋadada ʋamoyo ʋakandituma,’ Ʋakaboni ʋa Yehova ʋakupulikana kuti Ciuta ni murara na Yesu. (Yohane 10:36; 6:57) Yesu iye mweneco wa kajiyoɣoyera: “Ʋadada mbakuru na Ine.” (Yohane  14:28; 8:28) Ndico tikupulikanira cara kuti Yesu ngwakulingana na Ʋawiske, nga niumo cisambizgo ca Utatu cikutiri. Kweni, tikupulikana kuti wakalengiwa na Ciuta ndipo kuti ngwa kujilambika kwa Iye.​—⁠1:15; 1 Ʋakorinte 1 Kor. 11:⁠3.

Muciyoɣoyero ca Citumbuka, zina la Ciuta ni Yehova. Baibolo likuti: “Mwaʋeneimwe zina linu ndi Yehova, ndimwe Wapacanyapose mu vyaru vyose.” (Masalmo 83:18) Mu kulutirizga na uphalazgi uɣu, Yesu wa kakhomerezga na cikhomerezgo cikuru pa zina la Ciuta, pakusambizga ʋasambiri ʋake kuromba: “Ʋadada ʋitu mwa ʋa kucanya, Litumbikike zina linu.” Ndipo iye mweneco wakaromba kwa Ciuta: “Ndiri kuvumbula zina linu ku ʋantu aʋo mukandipa.”​—⁠Mateyu 6:9; Yohane 17:⁠6.

Ʋakaboni ʋa Yehova ʋakupulikana kuti ʋakwenera kuʋa nga ni Yesu mu kucitiska zina la Ciuta na khumbo lake kuvumbukwa ku ʋanji. Mwaici tiri kutora zina lakuti Ʋakaboni ʋa Yehova cifukwa tikulondezga Yesu, “Kaboni wakugomezgeka.” (Civumbuzi 1:5; 3:14) Mwakwenerera, Yesaya 43:10 wakuti ku ʋantu ʋakwimirilako Ciuta: “ ‘Ndimwe ʋakaboni ʋane,’ wakuti Yehova, ‘na ʋateʋeti ʋane aʋo nkaʋasanka.’ ”

Ufumu wa Ciuta

Yesu wakasambizga ʋasambiri ʋake kuromba, “Ufumu winu wize,” ndipo wakapanga Ufumu uɣo kuʋa mutu ɣukuru wa kusambizga kwake. (Mateyu 6:10; Luka 4:43) Ʋakaboni ʋa Yehova ʋakupulikana kuti Ufumu ni boma leneco la kufuma kucanya, kuti lizamukuʋusa caru ca pasi, na kuti Yesu Kristu ni Themba wa mbulakuɣoneka namaso wakusoleka. “Ufumu tiuʋenge pa ciʋeɣa cake,” likuti nteura Baibolo. “Wandanyi wa ufumu wake na wa cimango kuti wamkumara cara.”​—⁠Yesaya 9:​6, 7.

Ndipouli, Yesu Kristu kuti wamukuʋa yekha themba la boma la Ciuta cara. Wamukuʋa na ʋakuʋusa pamoza naye ʋanandi ku canya. “Usange tikuzizipizga,” mpostole Paulos wakalemba, “titi tiʋusenge nayo pamoza.” (2 Timote 2:12) Baibolo likulongola kuti aʋo ʋantu ʋakuɣuskika kuya kaʋusa  na Kristu ku canya mbakupendeka waka “vikwi makumi pera khumi na makumi ɣanayi pacanya vinayi, ʋeneaʋo ʋakawomboleka ku caru ca pasi.”​—⁠Civumbuzi 14:​1, 3.

Inya nadi, boma lirilose likwenera likuʋa na ʋakuʋusika, ndipo Ʋakaboni ʋa Yehova ʋakupulikana kuti vikwi vikwi na vikwi vikwi vinandi-nandi vinyake kusazga pa aʋa ʋakuʋusa kucanya ʋizamkupokera umoyo wamuyirayira. Paumaliro pake caru ca pasi, cakung’anamulika kuʋa paradiso wa kutowa, camukuzuzgika na aʋa ʋakwenerera kuʋusika na Ufumu wa Ciuta, ʋose ʋakujilambika ku kacitiro ka kuʋusa kwa Kristu na ʋakuʋusa pamoza naye. Ndico Ʋakaboni ʋa Yehova mba kukhorwera nkanira kuti caru ca pasi kuti cizamupalanyika cara na kuti layizgano la Baibolo lizamukufiskika: “Ʋakunyoroka ʋamkuhara caru na kukhala mwenemumo kwandanda.”​—⁠Masalmo 37:29; 104:⁠5.

Kweni ndimwauli umo Ufumu wa Ciuta uzilenge? Mwa khumbiro la ʋantu ʋose kujilambika ku boma la Ciuta? Mwa kulekanako, Baibolo mwa unenesko ʋose likulongola kuti kwiza kwa Ufumu kuzamukhumbikwira mwambula kuya kumpepete Ciuta kunjira pa kati pa vyakucitika vya caru: “Ciuta wa kucanya wati wimike uthemba, uwo kuti wamkuparanyika cara muyirayira, . . . Wamkuteketa mauthemba ɣose aɣa na kuɣamara, kweni uwu tiwimirire muyirayira.”​—⁠Daniel 2:44.

Mpauli apo Ufumu wa Ciuta wuzirenge? Kuzikika pa maucimi ɣa Baibolo aɣo ɣakukwaniskika sono, Ʋakaboni ʋa Yehova ʋakupulikana kuti ulipafupi comene kwiza. Tikumucemani imwe kuti muɣanaɣanepo pa maucimi ɣanji aɣo ɣakuyoɣoyeratu vimanyikwiro vya “mazuʋa ɣa ku umariro” ɣa kaʋiro kaheni aka ka vintu. Ɣa kusangika pa Mateyu 24:​3-14, Luka 21:​7-13, 25-31; na 2 Timote 3:​1-5.

 Cifukwa ‘tikutemwa Yehova Ciuta witu na mtima yitu yose, na mzimu witu wose, na vinjeru ʋyitu vyose, na nkongono zitu zose, na munyitu nga ndise ʋene,’ tiri ʋambura kuswekana mu mtundu, mwa fuko, na wene na wene. (Marko 12:​30, 31) Tikumanyika kuli kose na citemwa citu ico cikulongoleka pakati pa ʋabali ʋitu ʋa ciKristu aʋo ʋakusangika mu mitundu yose. (Yohane 13:35; 1 Yohane 3:​10-12) Ndico tikusungilira malo ɣitu ɣakuʋa ʋambula kutolamo cigaʋa muvyakucitika viri vyose vya ndyali za mitundu yose iyo. Tikuyezga kuʋa nga mba sambiri ʋa Yesu ʋakwamba, aʋo za iʋo wakati: “Kuti mba caru cara, nga ndi umo ine kuti ndiriri wa caru cara.” (Yohane 17:16) Tikupulikana kuti kujisunga ʋambula cigaʋa na caru kukung’anamula kulambalara nkaro zambula mikhaliro iyo njakwandana comene nteura mazuʋa ɣano, kusazgapo utesi, unkhungu, uzaɣali, uleʋe, kukazuzgana ʋanarume panji ʋanakazi pera, kuseʋezeska ndopa mwambula kwenerera, kusopa vikozgo, na vintu vinyake vyanteura vya kususkika na Baibolo.​—6:​9-11; 5:​3-5; Milimo 15:28, 29.

Cirindizga ca Munthazi

Ʋakaboni ʋa Yehova ʋakupulikana kuti umoyo witu uwu tiri nawo mu caru ici kuti ndiɣo wekha uliko cara. Tikupulikana kuti Yehova wakatuma Kristu pa caru ca pasi ku zakathira ndopa zake za umoyo nga nithumba nteura kuti ʋantu ʋangaʋa nakimiro kaulunji na Ciuta na kupokera umoyo wamuyirayira mu kaʋiro kapya ka vintu. Nga ndiumo mpostole wa Yesu wakatiri: “Pakurunjiskika na ndopa zake.” (5:9; Mateyu 20:28) Ʋakaboni ʋa Yehova kufuma pasi pamitima yawo ʋakuthokoza kwa Ciuta na Mwana wake pa manozgero ɣa thumba la kupangiskira moyo wa munthazi kuʋa wa macitiko.

 Ʋakaboni ʋa Yehova ʋali na cirindizga camusuma mu umoyo wa munthazi, wa kuzikika pa ciuka kufuma ku ʋakufwa pasi pa Ufumu wa Ciuta. Tikupulikana, nga niumo Baibolo likusambizgira, kuti pala munthu wafwa kuʋako kwake mwanadi kukumala, kuti “mu zuʋa leneilo pera vyose waphukwanga vikumara.” (Masalmo 146:​3, 4; Ezekiel 18:4; Mupharazgi 9:⁠5) Inya, umoyo wa munthazi wa ʋakufwa ngwa kuzikika pa kukumbukira kwa Ciuta za iʋo mu ciuka.​—⁠Yohane 5:​28, 29.

Ndipouli, Ʋakaboni ʋa Yehova mba kukhorwa kuti ʋanandi aʋo mba moyo sono ʋizamkupona apo Ufumu wa Ciuta wiziskenge umariro wa maboma ɣose ɣalipo aɣa ndipo, nga ndiumo Nowa na ʋamunyumba yake ʋakaponera Ciwowota, ʋiza mukukhala mwakurutirira nakukondwa na umoyo kwamuyirayira pa caru cakupyereka. (Mateyu 24:​36-39; 2 Petros 3:​5-7, 13) Kweni tikupulikana kuti ciponosko camikika pa kukwaniska vilangulo vya Yehova, nga ndiumo Baibolo likuyowoyera: “Ndipo caru cikuruta . . . , kweni uyo wakucita khumbo la Ciuta, wakukhalirira muyirayira.”​—⁠1 Yohane 2:17; Masalmo 37:11; Civumbuzi 7:​9, 13-15; 21:​1-5.

Ncakuwonekeratu, kuti ncamacitiko cara pano kumala vyose vya cipulikano ca Ʋakaboni ʋa Yehova, kweni tikumucemani imwe kusanga cimanyisko cakurutilira.

Kulekapo usange kwalongoleka, kukola mazgu kwa mu Baibolo kwafuma mu Baibolo la Citumbuka la 1988.

[Mazgu Ghakukhozgera pa peji 4]

Tiri kutora zina lakuti Ʋakaboni ʋa Yehova cifukwa tikulondezga Yesu