Mafumbo gha Baibolo Ghazgoleka
Cifukwa wuli mtende ngwakusoŵa mu caru?
Baibolo likuyowoya vifukwa viŵiri. Cakwamba, nangauli ŵanthu ŵacitapo vinthu vyakukondweska vinandi, kweni ŵandalengeke kuti ŵajilongozgenge ŵekha. Caciŵiri, kuyezgayezga kwa ŵanthu kukutondeka cifukwa “caru cose cikugona mu nkhongono za muheni,” uyo ni Satana Dyabulosi. Ntheura, ŵanthu ŵatondeka kukhazikiska mtende pa caru.—Ŵazgani Yeremiya 10:23; 1 Yohane 5:19.
Cifukwa cinyake nchakuti ŵanthu ŵakukhumba kujikondweska ŵekha kweniso ŵakukhumba vinandi. Boma la pa caru cose ilo lingasambizga ŵanthu kutemwa urunji na kupwelelera ŵanyawo, ndilo lekha lingawovwira kuti paŵe mtende.—Ŵazgani Yesaya 32:17; 48:18, 22.
Kasi ninjani wazamukhazikiska mtende pa caru capasi?
Ciuta wankhongonozose walayizga kuti wazamukhazikiska boma limoza ilo lizamuwusa ŵanthu wose. Boma ili lizamunjira m’malo mwa maboma gha ŵanthu. (Daniel 2:44) Mwana wa Ciuta, Yesu, uyo ni Karonga wa Mtende ndiyo wazamuwusa. Wazamuwuskapo uheni wose pa caru ndipo wazamusambizga ŵanthu kuti ŵaŵe ŵa mtende.—Ŵazgani Yesaya 9:6, 7; 11:4, 9.
Mwakulongozgeka na Yesu, ŵanthu ŵanandi pasono ŵakugwiliskira nchito Baibolo, kusambizga ŵanji umo ŵangaŵira pa mtende na ŵanyawo. Sonosono apa pa caru cose paŵenge mtende.—Ŵazgani Yesaya 2:3, 4; 54:13.