Pa April 3, 2021, Baibolo la Malemba Ghakupatulika mu Mang’anamuliro gha Charu Chiphya Mateyu-Uvumbuzi likafumiskika la pa Intaneti mu Chimambwe-Lungu. Mubali Albert Musonda, uyo ngwa mu Komiti ya Munthavi ya Zambia, ndiyo wakadumba nkhani ya kufumiska Baibolo ili mu pulogiramu iyo yikajambulikirathu ndipo ŵapharazgi ŵakachita kuwonelera waka ku Zambia na Tanzania. Chimambwe-Lungu chikuyowoyeka na ŵapharazgi 2,531 ku Zambia na 325 ku Tanzania, uko chikumanyikwaso kuti Chifipa.

Timu ya ŵanthu ŵatatu ndiyo yikagwira ntchito yakung’anamura Baibolo kwa myezi 21. Yumoza wa awo ŵakang’anamurako wakati ŵanthu ŵakasuzgikanga na Baibolo la Chimambwe-Lungu ilo likaŵapo chifukwa likaŵa na mazgu ghanonono kupulikiska. Pakuyowoya vya Baibolo la Mang’anamuliro gha Charu Chiphya ili, yumoza wa awo ŵakang’anamurako wakati: “Baibolo ili lili na mazgu agho ŵanthu ŵakuyowoya pasono.”

Tikugomezga kuti chawanangwa chapadera ichi chakufuma kwa Yehova, chiwovwirenge ŵanthu ŵanandi awo ŵakuyowoya Chimambwe-Lungu kuti ŵakondwenge para ŵakuŵazga Mazgu gha Chiuta.—Salimo 1:2.