Munorangarirei nge zve Bhaibheri?
Mumaonero enyu, irona . . .
-
i bhuku rino nzero dze anhu here?
-
i bhuku re ngano here?
-
i Soko ra Mwari here?
BHAIBHERI RINOTI
“Matarhwa ese akafemerhwa na Mwari.”—2 Timoti 3:16, Shanduro yeNyika Itsva yeMagwaro Matsvene.
NGEI ZVAKANAKA KUZIYA IZVI
Mhinduro dzinopfadza dze mibvunzo inodiwa mu upenyu.—Zvierengo 2:1-5.
Nhungamiriro yakagondeka yo upenyu we zuwa ne zuwa.—Pisarema 119:105.
Kariro yakagondeka ye nguwa yemberi.—Aroma 15:4.
TINGATENDA HERE ZVINOBHUYA BHAIBHERI?
Honde, nge shwiro nhatu:
-
Kuzwirana karo kunoshamisa. Bhaibheri rakatarhwa mu makore anokwana kuita 1600 no anarume anokwana kuita 40 akasiyana-siyana. Akaanda awo aazi kuziyana. Kunyadaro, masoko e bhuku iri anozwirana, uye anobhuya zvimwezvo!
-
Nhoroondo dzaro dzakagondeka. Kakaanda kakhona atari e ku nyika anofisa kunyiswa ke anhu awo. Kusiyana nawo, atari e Bhaiberi akatara nokugondeka zvishaishi zvawo no zve madzindza awo—2 Makoronika 36:15, 16; Pisarema 51:1-4
-
Uphorofiti waro. Bhaibheri rakareketa nge zve kuparadzwa ke guta rekare re Bhabhironi paciri no makore 200 zvisati zvaitika. (Isaya 13:17-22) Irona rakabudisa pamhene kuti Bhabhironi raizotsakatiswa kudini uye no zina romutsakatisi wakhona!—Isaya 45:1-3.
Uporofiti wakaanda umweni we Bhaibheri wakadzadzikawo zvakakwana. Andizvopi here zvinokarirhwa pa Soko ra Mwari?—2 Pedru 1:21.
CIMBORANGARIRAI
Soko ra Mwari ringamubetsera kudini kuti upenyu wenyu ugare zvirinani?
Bhaibheri rinodaira mubvunzo uu pana ISAYA 48:17, 18 uye 2 TIMOTI 3:16, 17.
Mungazvipfarira
TIRI ANI
Ngei Ucidikana Kufunda Bhaibheri?
Bhaibheri rinopasa mhinduro dze mibvunzo inodiwa yo upenyu ku zviuru zve zviuru zve anhu mu nyika yese. Imwimwi munoda kugara umwe wawo here?
TIRI ANI
Kumbirai Kuvhakacirhwa
Cedzai nge zve Bhaibheri no Apupuri a Djehovha, kana kuti edzai kuona maizirhwe e fundo ye Bhaibheri musikaripi.
