Ieremia 47:1-7
-
Tohuhia te ati ta te Philiseti e faaruru (1-7)
47 Teie te parau a Iehova ia Ieremia te peropheta no nia i te mau Philiseti,+ hou Pharao a tairi ai ia Gaza.
2 Teie ta Iehova e parau ra:
“Inaha, e pape te tae mai ra na apatoerau mai.
E riro te reira ei tahora uˈana.
E e nina te reira i te fenua e pauroa to nia iho,Te oire e tei parahi ra i roto.
E tuô te mau tane,E e autâ te taata atoa e parahi ra i teie fenua.
3 I te taataahiraa o te maiuu o ta ˈna mau puaahorofenua tamaˈi,I te maniania o to ˈna mau pereoo tamaˈiE te haruru o ta ˈna mau huira,Eita te metua tane e fariu aˈe i ta ratou mau tamaiti,Ua tarere hoi to ratou rima,
4 No te mea te tae mai ra te mahana e mou ai pauroa te Philiseti.+E faaore te reira i te mau tauturu atoa no Turia+ e no Sidona+ mai.
E haamou hoi Iehova i te mau Philiseti,O ratou te toe ra i nia i te motu o Kaphatori.*+
5 E pahure te upoo* o Gaza.
Ua haamamûhia o Asekelona.+
E outou te toea o to raua peho,Ehia â maororaa outou e otioti ai ia outou?+
6 E oe te ˈoˈe a Iehova,+
Afea oe e mamû ai?
A hoˈi i roto i to oe vehî.
A faafaaea e ia mamû noa oe.
7 E nafea te reira e nehenehe ai e mamû noaInaha hoi, ua faaue Iehova ia ˈna?
No te aro ia Asekelona e te hiti miti,+To ˈna tonoraa i te reira.”