Isaia 10:1-34
10 Ua ati te feia o te haamana i te mau faatureraa hamani ino,+O te faaineine noa i te mau ture haavî,
2 No te faaere i te veve i to ratou mau tiaraa,No te faaere i te feia riirii i rotopu i to ˈu nunaa i te parau-tia,+A haru ai i te mau taoˈa a te vahine iviE a eiâ ˈi i ta te mau tamarii aita e metua tane!*+
3 E nafea outou i te mahana e titauhia ˈi ta* outou,+Ia tae mai te haamouraa na te atea mai?+
E horo outou ia vai e ani ai i te tauturu?+E ihea outou e vaiiho ai i ta outou mau faufaa?*
4 Aita ˈtu e ravea, e piˈo noa râ i raro e te feia tei tapeahia,Aore ra e pohe e te feia tei haapohehia.
No teie mau mea atoa i ore ai to ˈna riri i pee,Mea toro noa râ to ˈna rima no te tairi.+
5 “Inaha, te taata no Asura,+Te raau no te faaite i to ˈu riri+E te raau i roto i to ˈna rima no te faaite i ta ˈu faautuaraa!
6 E tono vau ia ˈna e aro i te tahi nunaa taiva,+E aro i te nunaa tei faariri roa ia ˈu.E faaue au ia ˈna e haru e e eiâ e rave rahi taoˈaE e taataahi ia ratou mai te vari o te mau aroâ.+
7 E ere râ tera ta ˈna e hinaaro,E ere atoa tera ta to ˈna aau e opua.Tei to ˈna aau hoi te haamouraa,Te iriti-ê-raa e rave rahi nunaa, eiaha i te tahi noa.
8 E parau hoi oia:‘E ere anei to ˈu huiarii atoa i te arii?+
9 E ere anei Kalano+ mai ia Karekemisa?+
E ere anei Hamata+ mai ia Arapada?+
E ere anei Samaria+ mai ia Damaseko?+
10 Ua mau i to ˈu rima te faatereraa arii a te mau atua faufaa ore,Mea rahi aˈe ta ratou mau tii i ta Ierusalema e ta Samaria!+
11 Eita anei au e rave atoa ia Ierusalema e ta ˈna mau idoloMai ta ˈu i rave ia Samaria e to ˈna mau atua faufaa ore?’+
12 Ia oti ia Iehova pauroa ta ˈna ohipa i te mouˈa Ziona e i Ierusalema, e faautua Oia* i te arii o Asura no to ˈna aau teoteo e to ˈna teoteo, to ˈna mata faateitei.+
13 Ua parau hoi oia:‘E na reira vau ma te puai o to ˈu rimaE ma to ˈu paari, mea paari hoi au.
E faaore au i te otia o te mau nunaa+E e eiâ vau i ta ratou mau taoˈa,+E mai te tahi taata puai, e haavî au i to reira mau taata.+
14 Mai te hoê taata e tuu i to ˈna rima i roto i te tahi ofaaraa,E mau i to ˈu rima te faufaa a te mau nunaa.E mai te huero manu faaruehia ia haaputuhia,E haaputu vau i to te fenua taatoa!
Aita hoê e tahirihiri i to ˈna pererau, e hamǎmǎ i to ˈna utu aore ra e taˈitaˈi.’”
15 E faateitei anei te opahi ia ˈna hau aˈe i te taata e faaohipa ra ia ˈna?
E faateitei anei te ee ia ˈna hau aˈe i te taata e faaohipa ra ia ˈna?
E nehenehe anei te raau+ e faaaueue i tei amo ra ia ˈna?
E nehenehe anei te raau e amo i te taata tei ore i hamanihia i te raau?
16 No reira te Fatu mau, o Iehova o te mau nuu,*E haapiaoao ai i te feia poria,+E e faaama ˈi i te tahi auahi ura i raro aˈe i to ˈna hanahana.+
17 E riro te Maramarama o Iseraela+ ei auahi,+E Tei Moˈa no ˈna ei ura auahi.E ura te reira e e pau ia ˈna ta ˈna zizania e ta ˈna raau taratara i te hoê noa mahana.
18 E faaore roa oia i* te hanahana o ta ˈna uru raau e ta ˈna faaapu maa hotu.E riro te reira mai te tahi taata maˈi e haere noa ˈtu ra i te inoraa.+
19 E iti roa mai te mau tumu raau e toe ra i roto i ta ˈna uru raauE nehenehe ai ta te hoê tamarii e taio i te rahiraa.
20 I tera mahana eita te toea o IseraelaE tei ora mai no roto i te huaai o IakobaE turui faahou i nia i tei tairi ia ratou.+E turui râ ratou i nia ia Iehova,Tei Moˈa o Iseraela, ma te haapao maitai.
21 Te tahi toea noa,Te toea o Iakoba, te hoˈi i te Atua puai.+
22 Noa ˈtu hoi to oe nunaa, e Iseraela,Mai te one tahatai te rahi,Hoê noa toea o ratou te hoˈi.+
Ua faaotihia te haamouraa,+E e horomii te parau-tia* ia ratou.+
23 Oia mau, e tupu na te fenua taatoaTe haamouraa faaotihia e te Arii hau ê e Fatu ra o Iehova o te mau nuu.+
24 No reira, teie ta te Arii hau ê e Fatu ra o Iehova o te mau nuu e parau ra: “Eiaha e mǎtaˈu, to ˈu nunaa e parahi ra i Ziona, no te taata no Asura, o tei tairi na ia outou i te raau+ e tei amo na i ta ˈna raau i nia ia outou mai ia Aiphiti.+
25 E taime poto roa hoi e hope ai te faautuaraa. E haamouhia ratou no to ˈu riri.+
26 E amo Iehova o te mau nuu i te tahi hui i nia ia ratou,+ mai te pauraa Midiana ia ˈna i pihai iho i te mato Oreba.+ Ei nia ta ˈna raau i te miti, e e amo oia i te reira i nia mai ta ˈna i na reira ia Aiphiti.+
27 I tera mahana, e tatarahia ta ˈna hopoia mai nia mai i to oe tapono,+E ta ˈna zugo mai nia mai i to oe aˈî,+E e ofatihia te zugo+ no te monoˈi.”*
28 Ua tae mai oia i Aiata.+Ua na roto atu oia ia Migerona.I Mîkamasa+ to ˈna vaiihoraa i ta ˈna mau taihaa.
29 Ua mairi ia ˈna te vahi papaˈu.Ua taoto oia i Geba.+Ua rûrû o Rama, ua horo ê Gibea+ o Saula.
30 A pii e a tuô, e te tamahine a Galima!
A haapao maitai, e Lâisa!
Mea aroha oe Anatota!+
31 Ua horo ê Mâdemena.
Ua imi to Gebima i te haapuraa.
32 I taua mahana mau ra, e faaea oia i Nôba.+
E faaiteite oia i to ˈna poro rima i te mouˈa o te tamahine o Ziona,Te aivi o Ierusalema.
33 Inaha, te tâpû nei te Fatu mau ra o Iehova o te mau nuuI te mau amaa ma te haruru riaria mau.+Te tâpûhia ra te mau tumu raau rarahi roa ˈˈe,E te faahaehaahia ra te mau tumu raau teitei.
34 E faaore roa oia i te mau ruru tumu raau haehaa o te uru raau i te mauhaa auri,*E e topa te mau tumu raau o Lebanona i tei puai.
Nota i raro i te api
^ Aore ra “otare.”
^ Aore ra “e faautuahia ˈi.”
^ Aore ra “to outou hanahana.”
^ Heb: “Vau.”
^ Aore ra “sabaota.”
^ Aore ra “E faaore oia i te ora e te tino o.”
^ Aore ra “faautuaraa.”
^ Aore ra “mori.”
^ Aore ra “opahi.”
