Isaia 14:1-32
14 E aroha hamani maitai hoi Iehova ia Iakoba,+ e e maiti faahou oia ia Iseraela.+ E haaparahi oia ia ratou* i to ratou fenua,+ e amui mai te mau taata ěê ia ratou e e here ratou i te huaai o Iakoba.+
2 E faahoˈi te mau nunaa ia ratou i to ratou iho â vahi, e e riro ratou i te nunaa o Iseraela ei tavini tane e tavini vahine+ i te fenua o Iehova. O ratou te hopoi i tei hopoi na ia ratou, e e faahepo ratou i tei faahepo na ia ratou ia rave i te ohipa.*
3 I te mahana e horoa ˈi Iehova i te faafaaearaa no oe no to oe mauiui e to oe ahoaho e no to oe faatîtîraahia,+
4 teie te parau paari* ta oe e faahiti no te faahapa i te arii o Babulonia:
“E ere i te ati nei to tei faahepo na i te taata ia rave i te ohipa!*
Ua hope mau iho â te faaheporaa!+
5 Ua ofati Iehova i te raau a te feia ino,Te raau a te mau faatere,+
6 Tei tairi noa na ma te taehae i te mau nunaa,+Tei haavî i te mau nunaa ma te hamani ino noa ia ratou.+
7 Te faafaaea nei to te fenua atoa i teie nei, aita e arepurepuraa.
Te umere nei te taata no te oaoa.+
8 Te mau tumu berusi atoa te oaoa ia oe,Oia atoa te mau tumu arezi no Lebanona.
E na ô ratou: ‘Mai to oe toparaa mai,Aita e taata tâpû raau e haere mai e tâpû ia matou.’
9 Te hautiuti atoa ra te Apoo* i raro neiNo te farerei ia oe ia tae mai oe.
No oe, e faaara oia i te feia puai ore i roto i te pohe,Te mau raatira haavî* atoa o te fenua.
Ia ˈna e tia ˈi pauroa te arii o te mau nunaa mai nia mai i to ratou terono.
10 Te paraparau nei ratou paatoa e te na ô ra ia oe:‘Ua riro atoa anei oe mai ia matou i te paruparu?
Ua riro atoa anei oe mai ia matou?
11 I raro i te Apoo* te hopoiraahia to oe teoteo,E te taˈi o ta oe mau upaupa taura.+
Mea anai te toˈe i raro aˈe ia oe mai te tahi roˈi,E o te mau tuˈa to oe ahu taoto.’
12 Auê hoi to oe toparaa mai nia mai i te raˈi,E tera fetia anaana, te tamaiti a te aahiata!
Auê hoi to oe tâpûraahia i raro i te fenua,Oe tei upootia na i nia i te mau nunaa!+
13 Ua parau oe i roto i to oe aau: ‘E haere au i nia i te raˈi.+
E faateitei au i to ˈu terono i nia ˈˈe i te mau fetia a te Atua,+E e parahi au i nia i te mouˈa o te amuiraa,I te mau vahi atea roa ˈˈe i apatoerau.+
14 E haere au i nia ˈˈe i te mau ata.E faariro vau ia ˈu mai Tei Teitei Roa ˈˈe.’
15 Tera râ, e haapouhia oe i te Apoo,*I te mau vahi atea roa ˈˈe o te apoo.
16 E mataitaihia oe e te feia e ite ra ia oe.E hiˈopoa maite ratou ia oe, a na ô ai:‘O te taata anei tera tei faaaueue i te fenua,No ˈna i aueue ai te mau faatereraa arii,+
17 O tei faariro i te fenua parahihia e te taata ei medebaraE tei faatahuri i to ˈna mau oire,+Tei ore i hinaaro i to ˈna feia tapeahia ia hoˈi i te fare?’+
18 Te tahi atu mau arii atoa o te mau nunaa,Oia mau, pauroa ratou te tarava i roto i te hanahana,Te taata tataitahi i roto i to ˈna menema.*
19 E faaruehia râ oe aita to oe e menema,Mai te tahi ohi* mea haehia,Ahuhia i te feia pohe tei patiahia i te ˈoˈe,O te pou i te tahi apoo î i te ofai,Mai te tahi tino pohe taataahihia.
20 Eita oe e amuihia ia ratou i roto i te tahi apoo hunaraa,Ua haamou hoi oe i to oe fenua,Ua haapohe oe i to oe nunaa.
Eita te huaai o te feia ohipa ino e faahiti-faahou-hia.
21 A faaineine i te tahi vahi haapoheraa no to ˈna huaai,No te hara a to ratou mau tupuna,Ia ore ratou ia tia mai a haru atu ai i te fenua,A î atu ai te fenua i to ratou mau oire.”
22 “E tia vau i nia no te aro ia ratou,”+ te parau ra Iehova o te mau nuu.*
“E e faaore au mai Babulonia mai i te iˈoa, te toea, te huaai e to muri mai uˈi,”+ te parau ra Iehova.
23 “E faariro vau ia ˈna ei fenua no te puaa taratara e ei tuhaa fenua pape hopuna, e e purumu vau ia ˈna i te purumu no te haamouraa,”+ te parau ra Iehova o te mau nuu.
24 Ua horeo Iehova o te mau nuu:
“Mai ta ˈu iho â i opua, mai te reira ia tupu,E mai ta ˈu iho â i faaoti, tera te tupu.
25 E haaperehu vau i te taata no Asura i to ˈu fenua,E e taataahi au ia ˈna i nia i to ˈu mau mouˈa.+
E tatarahia ta ˈna zugo i nia i to ˈu nunaa,E e tatarahia ta ˈna hopoia mai nia mai i to ratou tapono.”+
26 Tera tei faaotihia* no te fenua taatoa,E tera te rima tei ineine i te tairi i* te mau nunaa atoa.
27 Na Iehova hoi o te mau nuu i faaoti,O vai te nehenehe e tapea i te reira?+
Ia toro to ˈna rima,O vai te nehenehe e faahoˈi atu i te reira?+
28 I te matahiti i pohe ai te arii Ahaza,+ teie tei parauhia:
29 “Eiaha e oaoa, Philisetia, pauroa outou,No te mea noa ua ofatihia te raau a tei tairi na ia oe.
E ophi taero+ hoi te na roto mai i te huaai o te ophi,+E e riro to ˈna huaai ei ophi taero peepee.
30 A amu ai te matahiapo o te feia riirii i te maaE a taoto ai te feia veve ma te hau,E haapohe au i to oe huaai i te oˈe,E e haapohehia tei toe ra no roto mai ia oe.+
31 A auê, e te uputa! A tuô, e te oire!
E toaruaru to outou aau, pauroa outou to Philisetia!
E au auahi te haere mai ra na apatoerau mai,E aita e taata taere i roto i to ˈna anairaa faehau.”
32 E eaha te pahonohia ˈtu i te mau vea o te nunaa?
Ua haamau Iehova i te niu o Ziona,+E e haapu te feia riirii o to ˈna nunaa i ǒ ˈna.
Nota i raro i te api
^ Aore ra “E horoa oia ia ratou i te faafaaearaa.”
^ Aore ra “i to ratou mau tiaau ohipa.”
^ Aore ra “faaooo.”
^ Aore ra “te tiaau ohipa.”
^ Heb: “Te mau puaaniho oni.”
^ Heb: “fare.”
^ Aore ra “amaa.”
^ Aore ra “sabaota.”
^ Heb: “te aˈoraa tei aˈohia.”
^ Heb: “tei toro no.”
