Isaia 29:1-24
29 “Ua ati o Ariela,* Ariela, te oire i puhapa ˈi Davida!+
Ia mairi tera e tera matahiti.Ia tupu noa te mau oroa matahiti.+
2 E hopoi mai râ vau i te hepohepo i nia ia Ariela,+E e tupu te heva e te oto,+E e riro oia i ta ˈu hiˈoraa mai ta te Atua tahuraa auahi o te fata.+
3 E faatia vau i te puhapa ati aˈe ia oe,E haaati au ia oe i te tahi auaE e faatia vau i te puhapa no te aro ia oe.+
4 E tuuhia oe i raro.Mai raro mai i te repo e paraparau ai oe,E eita ta oe mau parau e faaroo-maitai-hia no te repo.
No raro mai i te repo to oe reo+Mai te reo o te hoê taata e demoni hiˈohiˈo to ˈna,E faahiti-mǎrû-hia ta oe mau parau mai te repo mai.
5 E au to oe nahoa enemi* i te one puehu,+Te nahoa taata haavî mai te huˈahuˈa sitona e pee i te mataˈi.+
E e tupu taue noa te reira.+
6 E haapao mai Iehova o te mau nuu* ia oeI te patiri, te aueueraa fenua e te haruru rahi,I te mataˈi rahi, te vero e te ura auahi o te tahi auahi ura.”+
7 I reira te nahoa no te mau nunaa atoa e aro ra ia Ariela,+Pauroa te aro ra ia ˈna,Te mau pare no te aro ia ˈna,E te feia e faahepohepo ra ia ˈna,O ratou te riro mai te tahi moemoeâ, te tahi orama i te po.
8 E riro te reira mai te tahi taata tei poia e moemoeâ ra e te tamaa ra oia,Ua poia râ oia ua ara anaˈe mai,E mai te tahi taata tei poihâ e moemoeâ ra e te inu ra oia,Ua poihâ râ e ua rohirohi oia ua ara anaˈe mai.
Tera ïa te tupu no te nahoa no te mau nunaa atoaE aro ra i te mouˈa Ziona.+
9 Ia hitimahuta e ia maere outou.+A haamatapo ia outou e ia matapohia outou.+
Ua taero ratou, eiaha râ i te uaina.Te peretete ra ratou, eiaha râ no te ava.
10 E varea taoto rahi hoi ta Iehova i ninii i nia ia outou.+Ua tapo oia i to outou mata, te mau peropheta,+E ua tapoˈi i to outou upoo, te feia ite orama.+
11 E riro te mau orama atoa no outou mai te tahi buka taamuhia.+ Ia horoahia ˈtu i te tahi taata ua ite i te taio, a na ô ai: “A taio mai na ma te reo puai,” e parau mai oia: “Eita e nehenehe, ua taamuhia hoi.”
12 E ia horoahia ˈtu i te tahi taata aita i ite i te taio, a na ô ai: “A taio mai na i te reira,” e parau mai oia: “Aita vau i ite aˈe i te taio.”
13 Te parau ra Iehova: “Te tapiri mai ra teie mau taata ia ˈu i to ratou vahaE te faahanahana ra ratou ia ˈu i to ratou utu,+Ua atea roa râ to ratou aau ia ˈu.E ua niuhia to ratou mǎtaˈu ia ˈu i nia i te faaueraa a te taata tei haapiihia ia ratou.+
14 No reira, o vau faahou te rave i te ohipa faahiahia no teie nunaa,+E maere e maere â ratou.E morohi te paari o to ratou feia feruriraa paari,E e hunahia te maramarama o to ratou feia haroˈaroˈa.”+
15 Ua ati te feia e tutava ra i te huna i ta ratou mau opuaraa* ia Iehova.+
E rave ratou i ta ratou mau ohipa i roto i te poiri,A parau ai: “O vai te ite mai ra?
O vai tei ite e te aha ra tatou?”+
16 Auê hoi outou i te taviri parau e!*
E hiˈohia anei te potera mai te araea atoa?+
E parau anei tei hamanihia i tei hamani ia ˈna:
“Aita oia i hamani ia ˈu”?+
E parau anei tei taraihia i tei tarai ia ˈna:
“Aita o ˈna e maramarama ra”?+
17 Fatata roa, e riro Lebanona ei faaapu maa hotu,+E e hiˈohia te faaapu maa hotu mai te tahi uru raau.+
18 I tera mahana, e faaroo te tariˈa turi i te mau parau a te buka,E no roto mai i te rumaruma e te poiri e ite ai te mata o te matapo.+
19 E oaoa rahi to te taata mǎrû ia Iehova,E e oaoa te taata veve i Tei Moˈa o Iseraela.+
20 E mou hoi te taata haavî,E ore te parau o te faaoru,E e haamouhia te taata atoa tei ineine noa i te rave i te ino,+
21 Tei faahapa ia vetahi ê ma te haavare,Tei tuu i te marei no tei paturu i te mea tia* i te uputa o te oire,+E tei faaere i te taata parau-tia i te haavaraa parau-tia na roto i te parau faufaa ore.+
22 No reira, teie ta Iehova, tei hoo mai ia Aberahama,+ e parau ra i te huaai o Iakoba:
“Eita o Iakoba e haama faahou,E eita to ˈna hohoˈa mata e maheˈaheˈa* faahou.+
23 E ite hoi oia i ta ˈna mau tamarii,Te ohipa a to ˈu rima, i ǒ ˈna,+E haamoˈa ratou i to ˈu iˈoa.Oia mau, e haamoˈa ratou i Tei Moˈa o Iakoba,E e mǎtaˈu ratou i te Atua o Iseraela ma te faatura.+
24 E noaa te maramarama i te feia horuhoru,E e farii te feia amuamu i te haapiiraa.”
Nota i raro i te api
^ Eita e ore “Ta te Atua tahuraa auahi o te fata” te auraa, e au ra o Ierusalema.
^ Heb: “feia ěê.”
^ Aore ra “sabaota.”
^ Aore ra “aˈoraa.”
^ Aore ra “Auê outou i te manaˈo ino e!”
^ Heb: “tamaˈi ia vetahi ê.”
^ Oia hoi no te haama e te tatarahapa.
