Isaia 38:1-22
38 I taua mau mahana ra, roohia ihora Hezekia i te maˈi e fatata ihora oia i te pohe.+ Haere maira te peropheta Isaia+ te tamaiti a Amoza ia ˈna ra e na ô maira: “Teie ta Iehova e parau ra: ‘A faaite i to oe utuafare i to oe mau hinaaro hopea, e pohe hoi oe. Eita oe e maitai mai.’”+
2 Fariu ihora Hezekia i to ˈna hohoˈa mata i te pǎpai e haamata ˈtura i te pure ia Iehova:
3 “Te taparu nei au ia oe, e Iehova, a haamanaˈo+ na i to ˈu haereraa i mua ia oe ma te haapao maitai e te aau taatoa,+ e ua rave au i te mea maitai i to aro.” Taˈi roa ihora Hezekia.
4 Tae maira te parau a Iehova ia Isaia, a na ô ai:
5 “A hoˈi i muri e a parau ia Hezekia:+ ‘Teie ta Iehova te Atua o Davida to tupuna e parau ra: “Ua faaroo vau i ta oe pure.+ Ua ite au i to oe roimata.+ E faaroa ïa vau i to oe ora* 15 â matahiti,+
6 e na ˈu e faaora ia oe e teie oire i te rima o te arii o Asura, e na ˈu e paruru i teie oire.+
7 Teie te tapao no ǒ mai ia Iehova no te faaite ia oe e faatupu Iehova i ta ˈna i parau:+
8 E faahoˈi au i te marumaru o te mahana e pou atu ra i nia i te eˈa paumaraa* a Ahaza hoê ahuru taahiraa i muri.”’”+ Hoˈi maira ïa te marumaru tei pou aˈena i muri hoê ahuru taahiraa i nia i te eˈa paumaraa.
9 E papai a Hezekia te arii o Iuda a roohia ˈi oia i te maˈi e a maitai mai ai oia.
10 Ua na ô vau: “Aita â vau i ruau aturaNo te tomo na te mau uputa o te Apoo.*
E faaerehia vau i to ˈu rahiraa matahiti e toe ra.”
11 Ua na ô vau: “E ore au e ite ia Ia,* Ia i te fenua o te feia ora.+
E ore au e hiˈo faahou i te huitaataA amui ai au i te mau taata o te vahi e mou ai te mau mea atoa.
12 Ua tatarahia e ua afai-ê-hia to ˈu nohoraa+Mai te fare ie o te tiai mamoe.
Ua otaro vau i to ˈu ora mai te taata raraa.E tâpû oia ia ˈu mai te taura raraa.
Mai te ao e tae roa i te po e aratai oe ia ˈu i te hopea.+
13 E tamǎrû vau ia ˈu iho tae roa i te poipoi.
Mai te liona râ, te tamau noa ra oia i te ofatifati i to ˈu mau ivi atoa.Mai te ao e tae roa i te po e aratai oe ia ˈu i te hopea.+
14 Mai te susa aore ra te ogura, te tamau noa ra ïa vau i te taˈitaˈi.+Te tamau noa ra vau i te uuru mai te uupa.+
Ua oti roa to ˈu mata i te hiˈoraa i nia:+
‘E Iehova, to roto vau i te ahoaho rahi.A tauturu mai ia ˈu!’*+
15 Eaha ta ˈu e nehenehe e parau?
Ua paraparau oia ia ˈu e ua ohipa mai.
E haere au ma te haehaa* i to ˈu rahiraa matahiti atoaNo to ˈu* ahoaho rahi.*
16 ‘E Iehova, i teie mau mea* e ora ˈi te taata atoa,E i te reira e ora noa ˈi au.*
E haamaitai mai oe i to ˈu ea e e faaherehere oe i to ˈu ora.+
17 Inaha, aita vau i ite i te hau, e ahoaho rahi râ to ˈu.No to oe râ here ia ˈu,Ua faaherehere oe ia ˈu* i te apoo o te haamouraa.+
Ua faarue oe i ta ˈu mau hara atoa i muri mai i to oe tua.*+
18 Eita hoi te Apoo* e nehenehe e faahanahana ia oe,+Eita te pohe e nehenehe e arue ia oe.+
Eita te feia e pou i te apoo e nehenehe e tiaturi i to oe haapao maitai.+
19 O te taata ora, te taata ora te nehenehe e arue ia oe,Mai ia ˈu i teie mahana.
E nehenehe te metua tane e faaite i ta ˈna mau tamarii i to oe haapao maitai.+
20 E Iehova, a faaora mai ia ˈu,E hauti matou i ta ˈu mau himene i te mau upaupa taura+I te mau mahana atoa o to matou oraraa i te fare o Iehova.’”+
21 Na ô maira Isaia: “A afai mai i te tahi suke mǎrô pâpâhia e a tuu i te reira i nia i te fêfê, e maitai mai ïa oia.”+
22 I ui na Hezekia: “Eaha te tapao e pauma vau i te fare o Iehova?”+
Nota i raro i te api
^ Heb: “to oe mau mahana.”
^ Peneiaˈe ua hiˈohia te tereraa o te marumaru i nia i te eˈa paumaraa no te taio i te hora.
^ “Ia” e haapotoraa ïa o te iˈoa Iehova.
^ Heb: “A tia i to ˈu pae.”
^ Aore ra “haapao maitai.”
^ Aore ra “te ahoaho rahi o to ˈu aau.”
^ Oia hoi te mau parau e ohipa a te Atua.
^ Aore ra “faaore oe i ta ˈu mau hara atoa mai mua i to aro.”
