Isaia 49:1-26
49 A faaroo mai ia ˈu, outou te mau motu,E a haapao maitai mai, outou te mau nunaa atea.+
Ua pii Iehova ia ˈu na mua ˈˈe vau a fanauhia mai ai.*+
Mai te taime i roto ai au i te opu o to ˈu metua vahine ua faahiti oia i to ˈu iˈoa.
2 Ua faariro oia i to ˈu vaha mai te tahi ˈoˈe oi.Ua tapuni oia ia ˈu i raro aˈe i te marumaru o to ˈna rima.+
Ua faariro oia ia ˈu ei teˈa faaanaanahia.Ua tapuni oia ia ˈu i roto i ta ˈna vairaa teˈa.
3 Parau maira oia ia ˈu: “O oe ta ˈu tavini, e Iseraela,+Na roto ia oe ra vau e faaite ai i to ˈu unauna.”+
4 Parau atura râ vau: “Ua rohi faufaa ore noa vau.
Ua pau roa to ˈu puai no te tahi mea faufaa ore aita e vai ra,
Mea papu râ tei ia Iehova ra ta ˈu haavaraa,*E tei to ˈu Atua ra ta ˈu aufauraa.”*+
5 E i teie nei, ua parau mai Iehova, Tei faaineine ia ˈu mai te opu mai â ei tavini na ˈna,Ia faahoˈi ia Iakoba ia ˈna ra,Ia haaputuputuhia Iseraela ia ˈna ra.+
E faahanahanahia vau i mua i te mata o Iehova,E e riro to ˈu Atua ei puai no ˈu.
6 E ua na ô mai oia: “E ere noa oe i te tavini na ˈuNo te haamau faahou i te mau opu o IakobaE no te faahoˈi mai i te feia o Iseraela tei faahereherehia,
Ua horoa atoa râ vau ia oe ei maramarama no te mau nunaa,+Ia tae ta ˈu faaoraraa i te hopea o te fenua.”+
7 Teie ta Iehova, Tei hoo mai ia Iseraela, to ˈna Atua Moˈa,+ e parau ra i tei vahavahahia,+ i tei haehia e te nunaa, i te tavini a te feia faatere:
“E ite te mau arii, e tia mai ratou,E e piˈo te huiarii i raroNo te mea na Iehova, te Atua haapao maitai,+Tei Moˈa o Iseraela, i maiti ia oe.”+
8 Teie ta Iehova e parau ra:
“I te hoê taime au,* ua pahono vau ia oe,+E i te hoê mahana faaoraraa, ua tauturu vau ia oe.+Ua paruru vau ia oe no te horoa ia oe ei faufaa na te nunaa,+Ia papu te fenua,No te faafatu ia ratou i ta ratou mau tuhaa ano,+
9 No te parau i te feia tei tapeahia: ‘A haere mai i rapae!’+
E i te feia to roto i te poiri:+ ‘A faaite mai ia outou!’
E amu ratou i te maa na te mau purumu,E na te mau eˈa* atoa e amu ai ratou i te aihere.
10 Eita ratou e poia, eita atoa ratou e poihâ,+Eita atoa ratou e roohia i te âhu aore ra i te paapaa o te mahana.+
E arataihia hoi ratou e Tei aroha hamani maitai ia ratou,+E e aratai oia ia ratou na te mau pape pihaa.+
11 E faariro vau i to ˈu mau mouˈa atoa ei eˈa,E e faateiteihia to ˈu mau purumu rahi.+
12 Inaha, na te atea roa mai ratou o te haere mai ra,+E inaha, na apatoerau e na tooa o te râ mai teie,E na te fenua o Sinima mai tera.”+
13 A tuô ma te oaoa, oe te raˈi, e a oaoa, oe te fenua.+
Ia ataata te mau mouˈa i te reo oaoa.+
Ua tamahanahana hoi Iehova i to ˈna nunaa,+E ua aroha hamani maitai oia i to ˈna feia hepohepo.+
14 Te parau noa ra râ Ziona:
“Ua faarue Iehova ia ˈu,+ e ua haamoˈe Iehova ia ˈu.”+
15 E moˈe anei i te vahine ta ˈna aiûAore ra e aumihi ore i te tamarii o to ˈna opu?
Ia moˈe noa ˈtu i tera mau vahine, e ore roa oe e moˈe ia ˈu.+
16 Inaha, ua nanaˈo vau ia oe i nia i to ˈu apu rima.
To mua noa ia ˈu to oe mau aua.
17 Te ru ra ta oe mau tamarii i te hoˈi mai.
E faarue te feia tei vavahi e tei faaano ia oe i to oe vahi.
18 A hiˈo i nia e a hiˈo ati aˈe.
Te haaputuputu ra ratou pauroa.+
Te haere mai ra ratou ia oe.
“Te horeo nei au i to ˈu nei ora,” te parau ra Iehova,“E oomo oe ia ratou pauroa mai te tahi mau faaunauna,E e tamau oe ia ratou i nia ia oe mai ta te vahine e faaipoipo ra e na reira.
19 Noa ˈtu ua faaanohia to oe mau vahi e aita hoê aˈe taata i reira e ua tuinohia to oe fenua,+I teie nei, e iti roa te reira no te feia e parahi i reira,+E e atea ê+ te feia tei vavahi ia oe.+
20 Te mau tamarii tei fanauhia i muri aˈe te poheraa te tahi atu mau tamarii ta oe, e parau ratou ia oe:‘Mea iti roa teie vahi no ˈu.
A faaateatea mai i teie vahi no ˈu ia parahi au i ǒ nei.’+
21 E e parau oe i roto i to oe aau:‘O vai te metua tane o teie mau tamarii tei horoahia mai na ˈu?Ua pohe hoi ta ˈu mau tamarii e e vahine fanau ore au,Tei hopoi-ê-hia e tei mau i te fare tapearaa.
Ua paari ratou ia vai ra?+
Inaha, ua vaiihohia vau o vau anaˈe,+Nohea mai ïa ratou?’”+
22 Teie ta te Arii hau ê e Fatu ra o Iehova e parau ra:
“Inaha, e tuu vau i to ˈu rima i nia ia ite mai te mau nunaa,E e faatia vau i ta ˈu tapao* i mua i te mau nunaa.+
E amo ratou i ta oe mau tamaiti i nia i to ratou oumaE ta oe mau tamahine i nia i to ratou tapono.+
23 Na te mau arii e haapao ia oe,+E na te mau tamahine huiarii e hii ia oe.
E tuturi ratou i mua ia oe to ratou mata i raro+E e mitimiti ratou i te repo o to oe avae.+E ite oe o vau o Iehova.Eita te feia e tiaturi ia ˈu e haama.”+
24 E nehenehe anei te feia tei tapea-aˈena-hia e haruhia i te tahi taata puai,Aore ra e nehenehe anei te mau tîtî a te taata haavî e faaorahia?
25 Teie ta Iehova e parau ra:
“E haru-atoa-hia te mau tîtî a te taata puai,+E e faaorahia te feia tei tapeahia e te taata haavî.+
E patoi au i te feia e patoi ia oe,+E e faaora vau i ta oe mau tamarii.
26 E faaamu vau i te feia tei rave ino ia oe i to ratou iho iˈo,E mai te uaina monamona, e taero ratou i to ratou iho toto.
E pauroa te taata te ite o vau o Iehova,+To oe Faaora+ e Tei hoo mai ia oe,+Tei Puai o Iakoba.”+
Nota i raro i te api
^ Heb: “mai te opu mai â.”
^ Aore ra “e haava Iehova ia ˈu ma te parau-tia.”
^ Aore ra “haamaitairaa.”
^ Aore ra “farii maitai.”
^ Huri-atoa-hia “te mau aivi ruperupe ore.”
^ Aore ra “pou tapao.”
