Isaia 56:1-12
56 Teie ta Iehova e parau mai ra:
“A paturu i te mea afaro+ e a rave i te parau-tia,Fatata hoi ta ˈu faaoraraa i te tae maiE e faaitehia ta ˈu parau-tia.+
2 E oaoa te taata o te na reira E te tamaiti a te taata o te ati maite i te reira,O te haapao i te Sabati e te ore e haafaufaa ore i te reira+E o te tapea noa i to ˈna rima eiaha ia rave i te tahi noa ˈˈe ohipa ino.
3 Eiaha te taata ê o te haamori ia Iehova+ ia parau:‘E faataa ê mau â Iehova ia ˈu i to ˈna nunaa.’
E eiaha te tane eita ta ˈna tamarii e noaa* ia parau: ‘Inaha, e tumu raau mǎrô vau.’”
4 Teie hoi ta Iehova e parau ra i te mau tane eita ta ratou tamarii e noaa,* o te haapao i ta ˈu mau Sabati, o te maiti i ta ˈu e au e o te haapao maite i ta ˈu faufaa:
5 “E horoa vau i te tahi vahi no ratou i roto i to ˈu fare e e haamanaˈo vau i to ratou iˈoa,Te tahi mea tei hau aˈe i te tamaiti e te tamahine.
E topa vau ia ratou i te hoê iˈoa mure ore,Hoê iˈoa o te ore e mou.
6 Area te feia ěê o te ati atu ia Iehova no te tavini ia ˈna,No te hinaaro rahi i te iˈoa o Iehova+E no te riro ei tavini na ˈna,Pauroa ratou o te haapao i te Sabati, o te ore e haafaufaa ore i te reiraE o te haapao maite i ta ˈu faufaa,
7 E aratai atoa vau ia ratou i to ˈu mouˈa moˈa+E e faaoaoa vau ia ratou i roto i to ˈu fare no te pure.
E fariihia ta ratou mau tusia taauahi taatoa e te tahi atu o ta ratou mau tusia i nia iho i ta ˈu fata.
E parauhia hoi to ˈu fare e fare no te pure no te mau nunaa atoa.”+
8 Te na ô mai ra te Arii hau ê e Fatu ra o Iehova, o te haaputuputu ra i tei purara ê o Iseraela:+
“Hau atu i ta ˈu i haaputuputu ê na, e haaputuputu vau i te tahi atu mau taata ia ˈna.”+
9 Outou pauroa te animara oviri o te fenua, a haere mai e tamaa,Outou pauroa te animara oviri o te uru raau.+
10 E matapo to ˈna mau tiai,+ aita hoê i ite aˈe i te tahi mea.+
E urî vava ratou pauroa, o te ore e nehenehe e aoa.+
Te paupau ra to ratou aho e te tarava ra ratou. Mea au na ratou e taotooto.
11 E urî pohe poia rahi ratou.E ore roa ratou e paia.
E tiai mamoe maramarama ore ratou.+
Ua haere ratou tataitahi i to ratou haereraa.E imi ratou pauroa i te apî i te ohipa taviri e e na ô ratou:
12 “Haere mai, e tii au maa uaina,E e inu anaˈe haapao taero roa.+
E mai teie mahana noa iho â ananahi, e hau aˈe i te maitai!”
