No oe, eaha te tupu a muri aˈe?
Te tupuraa o te ao nei . . .
-
e taui anei?
-
e ino roa ˈtu â anei?
-
e maitai mai anei?
TA TE BIBILIA E PARAU RA
“E tamǎrô [te Atua] i te mau roimata atoa o to ratou mata. E ore roa te pohe, e ore atoa te oto e te auê e te mauiui. Ua mou hoi te mau mea tahito.”—Apokalupo 21:3, 4, Huriraa o te ao apî.
EAHA TE AURAA NO OE?
Te hoê oraraa oaoa.—Isaia 65:21-23.
E ore roa te mau maˈi e mauiui atoa.—Isaia 25:8; 33:24.
Te ora mure ore e to utuafare e hoa.—Salamo 37:11, 29.
E NEHENEHE ANEI E TIATURI I TA TE BIBILIA E PARAU RA?
E. Teie e piti tumu:
-
E nehenehe ta te Atua e faatupu i ta ˈna parau fafau. Ia au i te Bibilia, o Iehova anaˈe te parauhia te Atua “Manahope” no to ˈna puai rahi e otia ore. (Apokalupo 15:3) E nehenehe iho â ïa ta ˈna e taui i te tupuraa o te ao mai ta ˈna i tohu. Ia au i te Bibilia, ‘e tia te mau mea atoa nei i te Atua.’—Mataio 19:26.
-
E hinaaro te Atua e faatupu i ta ˈna parau fafau. Ei hiˈoraa, e hinaaro ru to Iehova i te faatia mai i te feia pohe.—Ioba 14:14, 15.
Te faaite atoa ra te Bibilia e ua faaora Iesu, ta te Atua Tamaiti, i te feia maˈi. No te aha? No te mea ua hinaaro o ˈna. (Mareko 1:40, 41) Ua tia roa ïa to ˈna huru i to to ˈna Metua a tauturu ai oia i te feia e ati ra.—Ioane 14:9.
Te hinaaro ra iho â Iehova e Iesu ia oaoa tatou a muri aˈe!—Salamo 72:12-14; 145:16; Petero 2, 3:9.
A FERURI NA
E nafea te Atua e taui ai i te tupuraa o te ao nei?
Tei roto te pahonoraa i te MATAIO 6:9, 10 e te DANIELA 2:44.
E au atoa outou . . .
TE PARE TIAIRAA
Te parau mau no nia i te a muri aˈe
Haapuai i to oe tiaturiraa i ta te Atua e parau ra no nia i te a muri aˈe o te fenua e no te mau taata e ora ˈtu i reira.
TUMU PARAU RAU
Te hoê tiaturiraa papu no te hoê oraraa maitai aˈe
Mea taa ê te mau parau fafau a te Bibilia i te parau e te tohuraa a te taata.
HAAPIIRAA TUMU
Eaha te Basileia o te Atua?
O te Basileia o te Atua te tumu parau faufaa roa ˈˈe ta Iesu i haapii. E rave rahi matahiti ua pure ta ˈna mau pǐpǐ ia tae mai taua Basileia ra.
TE PARE TIAIRAA
Eaha ta te Faatereraa arii a te Atua e rave?
Ua ite Iesu o te Faatereraa arii a te Atua anaˈe te nehenehe e faatitiaifaro i te mau fifi atoa. Eaha ta te reira i rave aˈena ia puai atu â ta tatou tiaturiraa?
NO NIA IA MATOU
A ani i te hoê farereiraa
Aparauraa no nia i te Bibilia aore ra no te ite atu â no nia i te mau Ite no Iehova.
