«Бүгү Бижилге Бурганның аксындан үндүр тынган сөзү-дүр» (2 Тимофейге 3:16, Ыдыктыг Библия тыва дылда).

Чуртталгада чугула айтырыгларның долу харыызы (Чугаалар 2:1—5).

Хүн бүрүде бүзүрелдиг башкарылга (Ырлар 118:105).

Келир үеге хамаарыштыр бүзүрелдиг идегел (Римчилерге 15:4).

Ийе, аңаа бүзүреп болур каш чылдагаан бар, чижээ:

• Чөрүшкек чүүл чок. Библияны 1600 чыл дургузунда 40 хире кижи бижээн. Оларның хөй кезии бот-боттарын кажан-даа көрүп көрбээн. Ол хирезинде бүгү номда чаңгыс кол тема бар!

• Төөгү дыңнадыгларының ылап шынныы. Дыка хөй төөгүчүлер бодунуң чонунуң тиилеттиргенин чажырарын бодаар. Библияны бижээн кижилер, харын-даа, боттарының хууда база бодунуң чонунуң частырыгларының дугайында ажыы-биле чугаалап чораан (2 Чылдар 36:15, 16; Ырлар 50:1—4).

• Ылап шын өттүр билген медеглелдер. Библияда Вавилон деп бурунгу хоорайның буурап дүжерин 200 хире чыл бурунгаар-ла баш удур чугаалап каан турган (Исайя 13:17—22). Ында Вавилоннуң канчалдыр буурап дүжеринден аңгыда, ооң эжелекчизиниң адын безин айтып каан болган (Исайя 45:1—3).

  Оон-даа өске хөй библейжи өттүр билген медеглелдер база-ла бирден бирээ чокка күүсеттинген. Библия — Бурганның Сөзү деп бүзүреп болур чылдагаан ол эвес-тир бе? (2 Пётр 1:21).