Бо делегейни кым чагырып турар?
Силер болза, чүү дээр силер?
-
Бурган.
-
Кижилер.
-
Оон өске кым-бир.
БУРГАННЫҢ СӨЗҮ ЧҮҮ ДЕП ТУРАРЫЛ
«Бүгү делегей эрликтиң чагыргазының... [адаанда] турар» (1 Иоанн 5:19, Ыдыктыг Библия тыва дылда).
«Бурганның Оглу эрликтиң ажыл-херээн дазылындан тура тыртар дээш чедип келген» (1 Иоанн 3:8).
СИЛЕРГЕ ООҢ АЖЫЫ КАНДЫГЫЛ?
Делегейде тургустунган бергелерниң ужур-чурумнуг тайылбыры (Ажыдыышкын 12:12).
Бо делегей эки талаже чер-ле өскерли бээр деп бүзүрел (1 Иоанн 2:17).
БУРГАННЫҢ СӨЗҮНГЕ БҮЗҮРЕП БОЛУР БЕ?
Ийе, аңаа бүзүреп болур каш чылдагаан бар, чижээ:
-
Эрликтиң чагыргазының төнчүзү келир. Иегова Эрликтиң кижи төрелгетенин чагырарын соксадыр деп үзе шиитпирлеп алган. Ол «эрликти күш чок... [болдуруп]», ооң чагыргазының уржуктарын чайладырын аазап турар (Еврейлерге 2:14, 15).
-
Бурган Иисус Христосту делегейни чагырар кылдыр томуйлаан. Бо делегейниң каржы болгаш чүгле бодун бодаар чагырыкчызынга бодаарга, Иисус Христос аңаа шуут удурланышкак. Иисустуң чагырар үезиниң дугайында чугаалап тургаш, Бурган аазаан: «Ядыы-түреңги кижиге ээ-хайыралыг болур... оларның амы-тынын дарлал биле күчүлелден адырар» (Ырлар 71:13, 14).
-
Бурган кажан-даа мегелевес. Бурганның Сөзүнде тодаргай чугаалаан: «Бурганның мегелеп шыдавазы хажык чок» (Еврейлерге 6:18). Бир эвес Иегова бир-ле чүүлдү аазаан болза, ону күүсеттине берген кылдыр санап болур! (Исайя 55:10, 11). «Бо делегейниң чагырыкчызы ам үндүр сывыртадыр-дыр» (Иоанн 12:31).
БОДАНЫП КӨРҮҢЕРЕМ
Бо делегейниң чагырыкчызын чайладып кааптарга, делегей кандыг апаарыл?
Библия ол айтырыгга ЫРЛАР 36:10, 11 болгаш АЖЫДЫЫШКЫН 21:3, 4-те харыылап турар.
Силерге солун бооп болур
БИСТИҢ ДУГАЙЫВЫСТА
Библияны чүү дээш өөренирил?
Бурганның Сөзү бүгү делегейде миллион-миллион кижилерниң салдынып чоруур эң-не чугула айтырыгларынга харыыны тып алырынга дузалап турар. Ол ном силерге база дузалаар кылдыр күзээр-дир силер бе?
БИСТИҢ ДУГАЙЫВЫСТА
Силерже кээр кылдыр дилээри
Сонуургаар айтырыыңарны сайгарыңар азы Иегованың Херечилериниң дугайында хөйнү билип алыңар.
