«Бурган... улусту катап диргизер» (Ажыл-чорудулга 24:15, Ыдыктыг Библия тыва дылда).

Чоок улузуңарны чидиргеш, сагыш-сеткил оожургалын алыр силер (2 Коринфичилерге 1:3, 4).

Өлүмден хөлүн эртир коргар чоруктан хосталыр силер (Еврейлерге 2:15).

Чок апарган эргим улузуңар-биле катап ужуражыр бүзүрелдиг идегелдиг болур силер (Иоанн 5:28, 29).

Ийе, аңаа бүзүреп болур каш чылдагаан бар, чижээ:

• Бурган бүгү дириг чүүлге амы-тынны берген. Бурганның Сөзүнде Иегова Бурганны «амыдырал хайырлаар суг бажы» кылдыр адап турар (Ырлар 35:10; Ажыл-чорудулга 17:24, 25). Бүгү чүүлдү чаяаган Бурган чок апарган кижилерни катап диргизип шыдаар деп, чигзиниг чок.

• Бурган бурунгу үеде кижилерни диргизип турган. Чер кырынга чурттаар кылдыр диргизипкен, сес кижи дугайында Библия дыңнадып турар. Оларның аразында кырган болгаш аныяк, эр болгаш херээжен улус турган. Оларның хөй кезии өлүг байдалга үр эвес турган-даа болза, бирээзи барык дөрт хонук хөөрге өлүг чыткан! (Иоанн 11:39—44).

• Бурган өлген улусту диргизерин ам-даа күзеп турар. Иегова өлүмнү көөр хөңнү чок; ол ону дайзын кылдыр санап турар (1 Коринфичилерге 15:26). Бурган ол дайзынны тиилеп алыр деп үзе шиитпирлеп алган. Диргизиишкинниң дузазы-биле өлүмнү ол узуткаар. Бурган сеткил-чүрээнге кадагалап алган бүгү кижилерни чоктап, аажок көрүксеп турар. Ол оларны черге чурттаар кылдыр диргизиптер (Иов 14:14, 15).